Oseas 10
10
Israelcho altarkunata ushakäsiyänanpaq nishqan
1Israel runakunaqa rïcu kayashpanmi tampiyparaq wayuq üvano kaykäyan.
Rïcuyarmi manakaq dioskunapaq altarkunata ruraykäyan.
Mikuynin wayuptinpis adorayashqan wankakunatami kuyaylapaqta adornaykäyan.
2 Tayta Dioslata sirviyänanpaq promitirpis manami cumpliykäyansu.
Kananqa Tayta Diostami cuentata qoyanqa.
Paymi altarninkunata y ichisiyashqan wankakunatapis shalur ushakäsiyanqa.
3Saymi Israel runakuna niyanqa:
<<Tayta Diosta mana mansapakushqansipitami mandamaqninsi reypis kannasu.
Isanqa rey karpis ¡imanöparaq yanapämäshun!
4Mandamaqninsi reykunaqa criyisimänalansipaqmi imatapis promitiyan.
Pactuta rurarpis manami cumpliyansu.
Soquncha mirar chakracho aska kashqannömi nacionninsicho mana ali ruraykunalana kaykan>>.
5¡Samaria runakunapis mansakashqami kaykäyan!
¡Bet-avéncho#10.5 Bet-avén ninanqa jusa wayi ninanmi. Bet-avénpaq parlarqa Bet-el markapaqmi parlaykan. Bet-elpaq sayno parlarqan Tayta Diosta saycho adorayänanpa trukan turïtu niraq ïduluta saycho adorayaptinmi. Saypita masta musyanaykipaq liyinki 1Rey. 12.28-32; Ose. 8.5. Saynölami 10.8 versïculucho Avénpaq parlar Bet-elpaq parlaykan. adorayashqan qori turïtuta apakuyänanpaq kashqantami tantiyaykäyan!
Cürakunapis y runakunapis waqaykäyan kuyayashqan ïdulu manana kananpaq kashqanta musyarmi.
6Soldädukuna say ïduluta apakurmi Asiria nacionpa mandaqnin reyta qaraykuyanqa.
Saynöpami Efraín runakuna#10.6 Efraín runakunapaq parlarqa Israel nación runakunapaqmi parlaykan. pasaypa penqakush kayanqa.
Ïduluman yärakuyashqanpitami penqakush uysuräyanqa.
7Samariacho taq reytapis shakluta yaku apaqnömi prësu apakuyanqa.
8Avéncho kaykaq altarkunatapis lapantami juchusiyanqa.
Say altarkunachömi Israel runakuna ïdulukunata adorar jusalikuykäyan.
Juchusir ushayaptinmi say altarkuna kashqancho kashakunalana y shirakakunalana winayämunqa.
Say wisanmi runakuna pasaypa nakar jirkakunata niyanqa:
<<¡Jukla ushakäyänäpaq janäkunaman juchumuy!>>
Qaqakunatapis niyanqa:
<<¡Jukla nitikarkayämay!>>#Luc. 23.30; Apoc. 6.16.
Israel runakuna mana cäsukuyashqan
9 Tayta Diosmi nin:
<<Israel runakuna, unay aylluykikuna Gabaa markacho#Jue. 19.22-26. jusalikuyashqanpita pasa kananyaq jusalikuyta manami kachariyankisu.
Saymi yaqa runakuna Gabaacho unay ushakäyashqanno qamkunapis ushakäyanki.
10Imaypis munashqä hörami castigayäshayki.
Penqakuypaq jusalikuyashqaykipita castigaptïmi maysay nacionpita runakuna shayämunqa atacayäshunaykipaq.
11<<Manshu töru trïguta kushish jarushqannömi Israel nacionpis kaykan.
Kananqa kuyaylapaq matankanman yügutanami churashaq.
Judá nacionpis taklata sutaq törunömi kanqa.
Jacobpita miraqkunapis cospiadörata qarachaqnömi kayanqa.
12<<Munashqäno ali kawayay.
Sayno kawarqa chakrata ali muruwan muruqnömi kaykäyanki.
Saymi cosëchata shuntar kushikuyashqaykino qamkunata kuyapashqäta tantiyar kushikuyanki.
Sayno kaptinqa chakrata kichaqno shonquykikunata kichapäyämay.
Höra chämushnami lapan shonquykikunawan ashiyämänaykipaq.
Shamur salvashqäyaq mana utikaypa manakayämay.
13<<Isanqa jusalikularmi kawayashkanki.
Jukniki juknikipis lulapänakurmi mana ali kawaykäyanki.
Guërra carrëtaykikunaman y aska soldäduykikunamanmi yärakuykäyanki.
14Saymi nacionnikicho guërralana kanqa.
Amparakuyänayki wayikikunapis juchusishqami kanqa.
Bet-arbelcho guërra kaptin Salmán runakunata ushakäsiyashqannömi qamkunatapis warmikitapis y wamraykikunatapis ushakäsiyäshunki.
15Bet-el runakuna, aläpa jusalikuyashqaykipita qamkunatapis saynömi rurayäshunki.
Israel nacionta atacayashpanmi mandaqnin reytapis pasa manaraq waraptin wanusiyanqa>>.
Currently Selected:
Oseas 10: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
