Oseas 7
7
1y mana ali kawayashqanpita jampiyta munarpis
Efraín y Samaria runakuna#7.1 Efraín y Samaria runakunapaq parlarqa Israel nacioncho taq runakunapaqmi parlan. jusalikuyashlantami rikä.
Lapanpis lulakur yachakashqami kaykäyan.
Suwakuyänanpaq yachakash karmi pipa wayintapis suwakuykäyan.
Cällikunachöpis runakunapa imantapis qechuykäyanmi.
2Manami tantiyakuyansu jusalikuykäyashqantapis yarparaykashqäta.
Imaypis jusalikuykäyaqlatami rikaykä>>.
Reykunata yanapaqninkuna wanusiyashqan
3<<Jusalikuyaptinpis rey kushikunmi.
Lulakuyaptinpis reypa yanapaqninkuna asikuyanmi.
4Say yanapaqninkunaqa mäsa jakashqanyaq waylaykäsishqan jornunömi shanaripakush kaykäyan.
Shanaripakurmi lapanpis chïnäkur puriykäyan.
5<<Fiestata rey ruraptinmi autoridäkunaqa reyta shinkashqanyaq upyasiyan.
Shinkaykurnami reyqa say shinkasiq runakunata churan yanapaqninkuna kayänanpaq.
6Nirkurmi say yanapaqninkuna shonqunkunacho yarpachakuyan reypa contran sharkuyänanpaq.
Saymi reypa contran wilanakuykar wararkuyanpis.
7Paykunaqa jornucho nina imatapis rupar ushaqnömi mandaqnin reykunatapis wanusir ushaykäyan.
Saynöpami reykuna qatinaylaman wanur ushakaykäyan.
Sayno kaptinpis yanapänäpaq manami pipis manakamansu>>.
Tayta Diosta mana cäsukur Israel runakuna imano kayashqanpis
8<<Efraín runakunaqa mana yärakamaq nación runakunamanmi qelikaykäyan.
Juk lädunpa chawash tikrapäni tantanömi kaykäyan.
9Saymi ali kawayänanpaq kalpankunapis kannasu.
Kalpan ushakashqantapis manami cuentata qokuyansu.
Aqsankuna soquyäyashqantapis manami tantiyayansu.#7.9 Aqsankuna soquyäyashqantapis manami tantiyayansu ninanqa awkinno fuerzaynaq rikakuykäyashqantapis manami cuentata qokuyansu ninanmi.
10<<Runa tukuyashqanqa wilakuykan mana ali kayashqantami.
Tayta Diosnin kaykaptïpis noqaman manami kutiyämunsu ni ashiyämansu.
11Saymi Egipto runakunata y Asiria runakunata manakuykäyan yanapäyänanpaq.
Say nacionkunaman manakuq aywar paluma wakläpa kayläpa pajaqnömi#7.11 Wakin runakunaqa vuelaqnömi niyanmi. kaykäyan.
12Sayno aywaykaqtami rednïwan sarishaq.
Pishqukunata trampawan sariqnömi sarirkur jusalikuyashqanpita castigashaq.
13<<¡Shuyaykusun, hïju!
Noqapita witikuyashqanpita paykunata ushakäsishaqmi.
Paykunaqa conträ sharkur manami cäsukayämansu.
Mana ushakäsinäpaq perdonayta munaptïpis paykunaqa <cäsukuyäshaykimi> nir lulapäyämanlami.
14Cämankunacho fiyupa waqar manakayämashpanpis manami lapan shonqunkunawansu manakayäman.
Trïguta y vïnuta kamaripänäta munar pishtaypa pishtar#Deut. 14.1; 1Rey. 18.28. kusukur manakayämarpis nishqäta manami cäsukayämansu.
15<<Noqami ali kawayänanpaq paykunata yachasishkä.
Kalpayuq kayänanpaqpis noqami kamashkä.
Sayno kaykaptinpis conträ sharkuyänanpaqmi wilanakuykäyan.
16Munayyuq Dios kaykaptïpis manami imapaqpis cuentayämansu.
Wiksu flëcha flëchaptin jukläpa aywaqnömi kaykäyan.
Autoridäninkunapis noqapaq lutankunatami parlaykäyan.
Saymi contran soldädukunata kachashaq espädawan wanusiyänanpaq.
Sayta wiyaykurmi Egiptuchöpis Israel runakunata manakaqman churar asipäyanqa>>.
Currently Selected:
Oseas 7: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
