Oseas 6
6
Israel runakuna Tayta Diosman yapay yärakuyänanpaq nishqan
1 Tayta Diosman yapay yärakushun.
Castigarkamashpansipis kachakäsimäshunmi.#6.1 Kachakäsinanpaq nirqa qeshyapita, nakaypita, lakikuypita y ima desgraciapitapis jorqurkur jawka kawayman churananpaq kashqantami nikan.
Yawarlana astarkamashpansipis jampimäshunmi.#Job 5.18.
2Wanushno kaykashqapis elaqpitami sharkasimäshun.
Nawpancho kawanansipaqmi yanapämäshun.
3¡Tayta Diosman imanöpapis kutishun!
Pasa waraptin inti jeqamunanpaq kashqanta musyashqansinömi kuyapämänansipaq kashqantapis musyansi.
Usya tiempu päsaptin tamya qalaykunanpaq kashqanta musyashqansinömi yanapämänansipaq kashqantapis musyansi.
Tayta Dios contestashqan
4 Tayta Diosmi kayno nin: <<Efraín runakuna, ¡imataraq qamkunata ruraykümanpis!
Judá runakuna, ¡imataraq qamkunata ruraykümanpis!
Pasa waraptin pukutay rätula elaqaskishqannömi qamkuna kuyayämashqaykipis kaykan.
Inti ratamuptin shulya elaqaskiqnömi kuyakuynikipis kaykan.
5Saymi profëtäkunawan wilakasimushqäno qamkunata ushakäsiyashkä.
Wilakasimushqänömi qamkunata wanusiyashkä.
Wilakuynï aksino karmi tantiyasiyäshushkanki jusayuq kayashqaykita.
6Ofrendakunata apayämushqaykipitapis mas munä kuyapäkuq kayänaykitami.#Mat. 9.13; 12.7.
Sacrificiuta rupasiyashqaykipitapis mas munä noqata reqiyämänaykitami.#1Sam. 15.22; Prov. 21.3; Amós 5.22-24; Miq. 6.6-8.
7<<Adán mana cäsukamashqannömi qamkunapis pactu rurashqansita cäsukuykäyankisu.
Cäsukayämänaykipaq promitiyämashqaykitapis manami cumpliykäyankisu.
8Galaad markachöqa yaqa runakunalami kaykäyan.
Saychöqa wanusinakuylami kaykan.
9Cürakunapis Siquemman aywaq nänichömi asaltaykäyan.
Paykunaqa maysaychömi runakunata wanuykäsiyan.
Saynöpis imayka niraq jusatami jusalikuykäyan.
10<<Israel nacionchöqa mansariypaq jusalikuykäyaqtami rikashkä.
Efraín runakunaqa runanta qanrataq warminömi juk dioskunata adoraykäyan.
Israel runakuna sayno rurarmi pasaypa melanaypaq kaykäyan.
11Judá runakuna, qamkunatapis castïgu shuyaraykäyäshunkimi.
<<Kuyashqä runakunata kuyapayta munarpis
Currently Selected:
Oseas 6: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
