Oseas 5
5
Israel runakunata castigananpaq nishqan
1<<Cürakuna, nishqäta wiyakuyay.
Israel mayor runakuna, nishqäta tantiyakuyay.
Mandaq rey, qampis aylluykikunapis nishqäta cäsukuyay.
Mana cäsukayämashqaykipitami juzgayäshayki.
Runakunata tunisiyänaykipaq waskata churapaqnömi Mizpacho kayashkanki.
Tabor jirkachöpis rednömi kayashkanki.
2Sitim partichöpis runakunata imayka pözuman jitarpuqnömi kayashkanki.
Sayno kayashqaykipitami lapaykita castigayäshayki.
3Israel runakuna, musyämi imano kayashqaykitapis.
Runanta warmi kacharir jukwan kakuqnömi qamkunapis juk dioskunamanna yärakuykäyanki.
Saynöpami pasaypa jamuraypaq kaykäyanki.
4Lutankunaman umayki churakash karmi perdonta manakamaytapis kamäpakuyankisu.
Manami ichiklapis reqiyämankisu>>.
5Israel runakuna runa tukuyashqanqa wilakuykan mana ali kayashqantami.
Paykuna jusayuq karmi castigash kayanqa.
Judá runakunapis saynölami jusalikuyashqanpita ushakäyanqa.
6Uyshankunata y wäkankunata sacrificiupaq rupasir Tayta Diosta ashirpis manami tariyanqasu.
Tayta Diosqa paykunapita witikushnami.
7 Tayta Dioslaman imaypis yärakuyänanpaq promitirpis manami cumpliykäyansu.
Surinkunapis jäpa dioskunamannami yärakuykäyan.
Jusayuq kayashqanpitami juk killalacho ushakäyanqa.
Posisionninkunatapis jäpa runakunami acaparakuyanqa.
8Guërra qalaykunanpaq Gabaacho waqrata tukayay.
Ramáchöpis kamarikuyänanpaq cornëtata tukayay.
Bet-avénchöpis maya mayala kayänanpaq wilakuyay.
Benjamín trïbu runakunatapis alcäbu kayänanpaq musyasiyay.
9Tayta Dios castiganan junaqmi Efraín runakuna asulash kayanqa.#5.9 Efraín runakunapaq parlarqa Israel nación runakunapaqmi parlan.
Rasunpaypa sayno päsananpaq kashqantaqa lapan trïbu Israel runakunatami wilaykä.
10 Tayta Diosmi nin:
<<Judá runakunapa autoridäninkunaqa jukpa lindërunta acaparaq runanömi runa mayinpa chakranta qechuykäyan.#Deut. 19.14; 27.17; Prov. 22.28.
Sayno kayashqanpita rabyakurmi cargash mayunöraq paykunata ushakäsishaq.
11Efraín runakunaqa ïdulukunata adorayashqanpita pasaypami nakayanqa.
12Milwata puyu ushaqnömi Efraín runakunata ushakäsishaq.
Judá runakunatapis qeruta puyu ushaqnömi ushakäsishaq.
13<<Efraín runakunaqa qeshyaykaq runanömi kaykäyan.
Judá runakunapis pasaypa maqash runanömi kaykäyan.
Sayno kayashqanta tantiyaykurmi Asiria nacionpa mandaqnin reyman aywaykur Efraín runakuna manakuyash yanapänanpaq.#2Rey. 15.19; 16.7.
Manakuyaptinpis say reyqa qeshyaqta aliyäsiyta ni jampiyta mana puëdiqnömi yanapayta kamäpakushsu.
14Ima uywatapis león sariykur ushashqannömi Efraín runakunata y Judá runakunata ushakäsishaq.
Ushakäsiptï manami pipis salvanqasu.
Sayno ushakaskasirmi aywakushaq.
15Täkunäman kutiykurmi täkushaq jusayuq kayashqanta tantiyakur perdonta manakayämashqanyaq.
Paykuna pasaypa lakikurraqmi ashiyämanqa>>.
Currently Selected:
Oseas 5: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
