Oseas 2

1 1 (3) Saymi olqu kaqkunata niyanki: <Tayta Diospami kaykäyanki>.

Warmi kaqkunatanami niyanki: <Tayta Dios kuyapashqankunami kaykäyanki> >>.

Israel nacionta prostitüta warmiman tinkusishqan

2 2 (4) Tayta Diosmi Israel runakunata nin:

<<Mamaykita mana kuyapaypa olqutupäyay.

Kananpitaqa manami warmïnasu kanqa.

Noqapis manami runannasu kashaq.

Noqawan amistayta munarqa prostitüta kayta kacharisun.

Makalarashqan waynankunatapis kacharisunna.#2.2 Israel runakunapa mamanpaq parlarqa nacionninpaqmi parlaykan. Waynankunapaq parlarqa Baal dioskunapaq y ïdulukunapaqmi parlaykan. Saykunata adorayaptinmi prostitütano kayashqanta Tayta Dios nirqan.

3 3 (5) <<Mana kachariptinqa penqakunanpaqmi qarapachaskir mamawachaylata kacharishaq.#Isa. 47.1-3; Eze. 16.37-39; Apoc. 17.16.

Pasaypa sunyaqmanmi tikrasishaq.

Usyawan castigaptïmi yakunaylapita wanunqa.

4 4 (6) Qamkunatapis wachapakuy kayaptikimi#2.4 Diosta adorayänanpa trukan Israel runakuna ïdulukunaman yärakuyaptinmi Tayta Diosnasu papäninkuna karqan, sinöqa say ïdulukunami. Saymi Israel runakuna wachapakuy kayashqanta nirqan. kuyapäyäshaykinasu.

5 5 (7) Mamaykiqa penqayniynaq prostitüta karmi nirqan:

<Aywashaq waynäkunaman.

Paykunapitami tarï mikuyta, yakuta, milwata, lïnuta, aceitita y upyanäpaq kaqkunatapis>.#Jer. 2.23-25; 3.1-2; Ose. 4.12-14.

6 6 (8) <<Mamayki sayno kashqanpitami purinan nänikunatapis kashakunawan sapashaq.#2.6 Purinan nänikunapaq parlarqa kawayninpaqmi parlaykan.

Nänipis mana aywaränanpaqmi tumaypa qenchashaq.

7 7 (9) Pasaypa turbatayparaqmi waynankunata ashinqa.

Mana tariykurmi yarpachakur ninqa:

<Punta kaq runäwan amistakushaq.#2.7 Punta kaq runanpaq parlarqa Tayta Diospaqmi parlaykan.

Paywanqa alimi kawakurqä>.

8 8 (10) <<Sayno nikarpis mamayki manami cuentata qokunsu trïguta, vïnuta y aceititapis kamaripashqäta.

Noqami qellaytapis qoritapis kamariparqä.

Sayno kaykaptinpis say qellaypita y qoripita Baal ïdulukunata ruraykurmi adorarqan.

9 9 (11) Saymi kananqa trïgu achuypaqna kaykaptinpis shuntakushaq.

Sayraq rurash vïnutapis kutisikushaq.

Mödananta rurananpaq kamaripashqä milwatapis lïnutapis shuntakushaqmi.

10 10 (12) <<Kananqa waynankuna rikaykäyaptinmi penqaypaq qarapachashaq.

Makïpita manami imanöpapis qeshpinqasu.

11 11 (13) Fiestankunata rurar kushikuyashqanpis ushakanqami.

Manami lulu killa fiestatapis ni jamay junaqtapis ni wakin fiestakunatapis ruranqanasu.#Isa. 1.12-14; Amós 5.21-23.

12 12 (14) Payqa nikan üva chakrankunata y hïgus jachankunata waynankuna qarayashqantami.

Say üva chakrankunata y hïgus jachankunata ushakäsishaqmi.

Pasaypa muntiyaptinmi munti uywakuna saycho mikuyanqa.

13 13 (15) Sayno rurashaq Baal diosninkunata inciensuwan qoshnisishqanpitami.

Payqa qonqaykamarmi walqankunata y sortïjankunata jatikurkur waynankunaman aywaykan>>.

Tayta Diosmi sayno nin.

Israel runakunata shuntananpaq Tayta Dios nishqan

14 14 (16) <<Sayno kaptinpis noqawan yapay enamurädu rikakunanpaqmi sunyaq jirkaman pushaykur ali shimiläpa parlapäshaq.

15 15 (17) Üva chakrankunatapis kutisishaqmi.

Acor Pampata#Jos. 7.24-26. tikrasishaq bendición punku kananpaqmi.#2.15 Acor ninanqa desgracia ninanmi. Saymi Acor Pampata tikrasishaq bendición punku kananpaqmi nishqanqa desgracia päsashqanta tikrasishaq bendición kananpaqmi ninanmi.

Saymi yapay cäsukamanqa jipash kar Egiptupita jorqamushqä wisan cäsukamashqanno>>.

16 16 (18) Tayta Diosmi nin: <<Say wisanmi <Tayta Baal> nimänaykipa trukanqa <qammi majä kanki> nimanki.#2.16 Say wisanmi Baalpa jutinta joqarir Tayta Diosta adoraykäyashqanta Israel runakuna yarpäyarqan.

17 17 (19) Baalpa jutinkunata mananami imaypis joqarinkinasu.

18 18 (20) Say wisanmi mana atacayäshunaykipaq pactuta rurashaq jirka uywakunawanpis, pajaqkunawanpis#2.18 Wakin runakunaqa vuelaqkunawanpis niyanmi. y pachalanpa y lätaypa puriqkunawanpis.

Espädapis, flëchapis ni ima armakunapis qam kaqcho manami kanqanasu.

Jawkalanami punukunkipaq.

19 19 (21) Noqapa warmïnami imayyaqpis kanki.

Qamwan majasakarmi imaypis kuyashayki.

Manami yapapakuylä warmisu kanki, sinöqa legïtimu kaq warmïmi.

20 20 (22) Warmï kaptikimi imaypis kachaykushaykisu.

Kuyapäkuq Tayta Dios kashqäta tantiyarmi kuyamanki>>.

21 21 (23) Tayta Diosmi nin: <<Say wisanmi tamyamunanpaq manakayämaptiki ciëluta mandashaq tamyasimunanpaq.

22 22 (24) Tamyaptinmi trïgupis, üvapis y olïvupis alina wayunqa.

Saynöpami Jezreelpaq#2.22 Jezreel nirqa Israel runakunapaqmi parlan. Jezreel ninanqa Diosmi murun ninanmi. bendición kanqa.

23 23 (25) Muruta muruqnöpis nacionnikimanmi kutisiyämushayki noqalatana adorayämänaykipaq.

Lo-ruhama#2.23a Lo-ruhama ninanqa mana kuyash ninanmi. jutiki kananpaq nish karpis kananqa kuyapäyäshaykimi.

Lo-ammi#2.23b Lo-ammi ninanqa manami noqapasu ninanmi. jutiki kananpaq nish karpis kananqa <noqapanami kayanki> niyäshaykimi.#Zac. 13.9; Rom. 9.25; 1Ped. 2.10.

Qamkunanami niyämanki: <Japalaykimi Diosnï kaykanki> >>.

Currently Selected:

Oseas 2: qvhB

Highlight

Copy