Oseas 3

Warminwan Oseas amistashqan

1 Tayta Diosmi yapay nimarqan: <<Warmiki juk runawan qanrataykäshuptikipis paywan amistakuy. Saynöpami Israel runakuna tantiyakuyanqa runanta qanrataykaq warmino kayaptinpis paykunata imaypis kuyashqäta. Paykunataqa juk dioskunapa jutincho päsasnin atipay biscöchuta kushish mikuyaptinpis kuyämi>>.

2Sayno nimaptinmi warmïta shuntanäpaq pägarqä chunka pisqa siclo qellayta#Éxo. 21.32; Lev. 27.4. y kimsa pachak kimsa chunka (330) kïlu cebädata. 3Amistarkurnami nirqä: <<Kananpitaqa noqalapanami warmï kanki. Juk runawan amana puriynasu. Isanqa amistashqapis manaraqmi oqlanakushunraqsu, sinöqa aska junaq päsarkuptinraqmi punushun>>.

4Saynömi Israel runakunapapis aska wata kanqasu mandaqnin reypis ni autoridäninkunapis. Manami Tayta Diospaq sacrificiutapis rupasiyanqasu ni juk diosta adorar wankatapis ichisiyanqanasu. Manami ni cürakunapis ni wayinkunacho ïdulunkunapis kanqanasu. 5Saypitaraqmi Israel runakuna perdonta manakur Tayta Diosta ashiyanqa. Saynölami David ayllu mandaqnin reytapis cäsukuyanqa. Shamuq watakunachömi Tayta Diosta mansapakur bendicionninta kushish chaskikuyanqa.

Currently Selected:

Oseas 3: qvhB

Highlight

Copy