Oseas 14
14
Tayta Diosman yapay yärakuyänanpaq yäsishqan
1 1 (2) Israel runakuna, jusalikuyashqaykipitami castïguman chäyashkanki.
Sayno kaykarqa kuyashuqniki Tayta Diosman kutikuyay.
2 2 (3) Tayta Diosta kayno manakuyay:
<<Lapan jusalikuyashqäta perdonaykayälämay, Taytay.
Kuyapäyämar chaskiykayälämay.
Alabayashqäkunami qampaq ofrenda kanqa.#Isa. 55.6-7.
3 3 (4) Asiria runakunaqa manami salvayämanqasu.
Ni paykunapa cawallukunata loqakurkur#14.3 Wakin runakunaqa muntakurkur niyan. pelyarpis manami vinciyäshaqsu.
Runa rurashqankunata manami <Diosnïmi kanki> nir adorayäshaqnasu.
Qamman yärakayämuptinmi waksakunatapis kuyapanki>>.
Israel runakunata perdonananpaq Tayta Dios nishqan
4 4 (5) Tayta Diosmi nin:
<<Rabyaynï päsaskiptinmi imaypis cäsukayämänaykipaq yanapäyäshayki.
Jusalikush kayaptikipis perdonayäshaykimi.
5 5 (6) Bendicionnïta churamur shulyanömi qamkunapaq kaykäshaq.
Qamkunanami liriu wayta kuyaylapaq tuktushqanno kayanki.
Líbanucho jatusaq cedru jacha shumaq jaqwäkushqannömi kayanki.
6 6 (7) Olïvu jachakunapa rämankuna palqar mashtakashqannömi qamkunapis askaman mirayanki.
Líbano munticho cedru mushkuptin kushikuypaq kashqannömi qamkunapis kushikuypaq kayanki.
7 7 (8) Qamkuna yapaymi noqapa makïcho kawayanki.
Trïgu shikshiraykaqno y üva chinkiraykaqnömi kayanki.
Líbanucho wayuq üvapita vïnu ali kashqanta maysaychöpis parlayashqannömi qamkunapaqpis ali kawayashqaykita maysaychöpis parlayanqa.
8 8 (9) Noqami qamkunata imapitapis sapaykä.
Noqami copösu pïnu jachano lantupaykä.
Noqami lapanchöpis yanapaykä.
Sayta tantiyakurirmi <¡ïdulukuna manami imapaqpis välinsu!> niyanki>>.
9 9 (10) Yachaqkuna y yarpaysapakuna kay wilakuyta tantiyakuyäsun.
Tayta Diospa näninqa derëchumi.#14.9 Tayta Diospa näninqa derëchumi ninanqa Tayta Dios munashqanno kawar ama jusalikuyaysu ninanmi.
Ali runakunaqa saypa purir manami ishkiyansu.
Jusasapakunami isanqa say nänipa aywar ishkiyan.
Currently Selected:
Oseas 14: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
