Oseas 13
13
Israel runakuna castigash kayänanpaq nishqan
1Nawpataqa Efraín runakuna yäsiyaptin Israelcho wakin trïbukuna chaskikuyaqmi.
Sayno kaykarpis Baal diosta adorarmi Efraín runakunaqa wanushnöna kaykäyan.
2Jusalikuytaqa manami wanakuyansu.
Qellayta fundirkasirmi munayashqantano ïdulukunata ruraykäsiyan.
Nirkurmi niyan: <<Ïdulunsipaq lapansi sacrificiuta rupasishun>>.
Sayno nirmi turïtu niraq ïduluta musayan.
3Saymi tuta pukutaypis y shulyapis elaqaskiqno elaqäyanqa.
Saki oqshata wayra apakushqanno y jornupita qoshtay yarqur elaqäkuqnömi elaqäyanqa.#Sal. 1.4; Jer. 13.24; Sof. 2.2.
4 Tayta Diosmi nin:
<<Egiptucho unay aylluykikuna kayashqanpita pasami Tayta Diosniki kaykä.
Noqalami qamkunapa salvashuqniki kaykä.
Sayno kaykaptïqa imamanpis ama <diosnï> nir yärakuyaysu.#Éxo. 20.2; Isa. 43.11; 45.21.
5<<Unay aylluykikuna sunyaq jirkapa puriyaptin noqami ali rikarqä.
6Qamkunatapis pacha junta mikuyänaykipaq mikuyta kamaripaptïmi orgullösu rikakuyashkanki.
Saymi qonqakaykamar cäsukayämashkankinasu.#Deut. 8.11-17.
7Sayno kayaptikimi imayka leonno y nänicho tigri pakakuykur atacaqno atacayäshayki.
8Wawankuna suwapaqta ukumarya#13.8 Wakin runakunaqa ösu niyan. atacashqannömi qamkunatapis ushayäshayki.
Imayka león atacar ushaqnömi pasaypa ushayäshayki.
Imayka fiyu uywa rachiykar ushaqnömi ushayäshayki.
9<<Israel runakuna, yanapaykaptïpis conträ kayaptikimi ushakäsiyäshayki.
10Unay aylluykikunami manakuyarqan mandayäshuqniki reykuna kayänanpaq.#1Sam. 8.5-6.
Kananqa salvayäshunaykipaq ¡maychötaq say rey kaykan!
Autoridänikikunapis ¡maychötaq kaykäyan yanapäyäshunaykipaq!
11Mandayäshuqniki reykunata churapänäpaq manakayämaptinmi rabyash karpis reyta churaparqä.#1Sam. 10.17-24.
Kananqa qamkunawanpis rabyash karmi mandayäshuqniki reyta elaqäsishaq.#1Sam. 15.26.
12<<Qamkuna jusalikuyashqaykiqa lapanmi librucho apuntaraykan.
13Wachay nanaywan warmi nakashqannömi qamkunapis nakayanki.
Mamanta wachay nanay sariptinpis yarqamuyta mana munar mana kamakaq wamranömi kaykäyanki.
Say wamra mana kamakashpan mamanpa pachalancho wanushqannömi qamkunapis wanuyanki.
14<<¿Wanuypita salvayäshaykisuraq?
¡Manami salvayäshaykisu!
¡Wanuy! ¡Ushakäsinaykipaq yarqamuy!
¡Sepultüra! ¡Ultakurkunaykipaq shamuy!
Say runakunata manami kuyapäshaqnasu.#1Cor. 15.55.
15<<Israel runakuna, pasaypa rïcuyäyashpayki kuyaylapaq waytano kaykäyaptikipis ushakäsiyäshaykimi.
Akaq wayra sunyaq saki jirkapita shamur yakuta y pukyukunata sakisishqannömi qamkunata ushakäsiyäshayki.
Contraykikuna shamurmi riquëzaykikunata y alhäjaykikunata qechuriyäshushpayki apakuyanqa.
16 16 (14.1) Samaria marka asulashqami kanqa.
Conträ rikakuyashqaykipitami espädawan wanusiyäshunki.
Surikikunatapis paqshirmi ushayanqa.
Qeshyaq warmikunapa pachantapis qashariyanqami>>.
Currently Selected:
Oseas 13: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
