Oseas 11
11
Israel runakunata Tayta Dios kuyashqan
1<<Israel runakunata unaypita pasami kuyaykä.
Surï kaptinmi Egiptupita qayamurqä.#Éxo. 4.22; Mat. 2.15.
2Seqaypa kuyaykaptïmi noqapita witikuykäyan.
Baal dioskunapaqpis sacrificiukunata rupaykäsiyan.
Ïdulukunatapis inciensuwan qoshniykäsiyan.
3<<Sayno kaykäyaptinpis wamrata makipita janchakurkur puriyta yachasishqannömi Efraín runakunata purisirqä.
Sayno yachaykäsiptïpis manami tantiyakuyansu yanapaykashqäta.
4Paykunata fiyupa kuyashpämi shulwapaylapa y taqlapaylapa nawpäman pushamurqä.
Imayka iti wamrata marqarkur qaqlanta qaqläman töpaykasir kuyaqnömi kuyarqä.
Sayno kuyarmi mikuytapis kikï qararqä.
5<<Sayno kuyaykaptïpis paykunaqa manami iñiyämannasu.
Saymi Egiptuchösu yapay ashmay kayanqa, sinöqa Asiria runakunapa munayninchönami kayanqa.
6Markacho taqkunataqa espädawanmi wanusiyanqa.
Markankuna murallash kaptinpis ushakäsiyanqami.
Sayno ushakäsiyanqa sapakuyta yarpäyaptinpis.
7Kuyashqä runakuna noqapita jiwashqami kaykäyan.
Munayyuq Dios kashqäta niyashpanpis janan shonqulami sirviyäman.
8<<Efraín runakuna, ¡imanöpataq qamkunata qonqayküman!
Israel runakuna, ¡imanöpataq qamkunata kachariyküman!#11.8 Efraínpaq y Israelpaq parlarqa Israel nación runakunapaqmi parlan.
Adma markata y Zeboim markata ushakäsishqäno manami qamkunata ushakaykasïmansu.#Deut. 29.23.
Qamkunata kuyapar lakikuptï shonqüpis tiktikyayparaqmi lakikun.
9Rabyanäsimaptikipis manami lapaykitasu ushakäsiyäshayki.
Castigarpis manami lapaykitasu wanusiyäshayki.
Noqa manami runasu kä, sinöqa qamkunawan kaykaq santu Diosmi.
Manami chipyaqsu ushakäsiyäshayki.
10<<Qamkuna tantiyakurmi qatiräyämanki.
Leonno qaparaptïmi inti jeqanan kaqläpita suksukyarraq kutiyämunki.
11Pishqukuna shiwyayla pajayashqannömi#11.11 Wakin runakunaqa vuelayashqannömi niyanmi. Egiptupita shiwyayla kutiyämunki.
Palumakuna shiwyayla pajayashqannömi Asiriapita shiwyayla kutiyämunki.
Wayikikunacho yapay täyänaykipaqmi yanapäyäshayki>>.
Tayta Diosmi sayno nin.
Israel runakuna jusalikuyashqan
12 12 (12.1) <<Israel runakuna tukuynöpami lulapaykäyäman.
Judá runakunapis mana cäsukayämashpanmi ïdulu adorayman churakäyash.#11.12 Kay textuqa hebreucho manami clärusu. Saymi wakin traduccionkuna niyan: Judá runakunami isanqa cäsukamar imaypis yärakayäman.
Currently Selected:
Oseas 11: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
