Habacuc 3
3
Tayta Diosta Habacuc yapay manakushqan
1Profëta Habacuc Tayta Diosta cantapaylapa manakurmi nirqan:
2 Tayta Dios, Israel mayïkunata unay shumaq yanapashqaykitami wilapäyämash.
Lapan rurashqaykikunata musyarmi seqaypa kushikü.
Unay yanapashqaykinöla kananpis yanapaykayälämay, Taytay.
Saynöpami rurashqaykikunata rikayäshaq.
Jusalikuyashqäpita rabyash karpis kuyapaykayälämay.
3Temán markapitami Tayta Dios shamun.
Parán lömapitami santu Dios shamun.#3.3 Temán markapita y Parán lömapita Tayta Dios shamun nirqa yarpaykäsin Egiptupita Israel runakunata jorqamur milagrukunata rurashpan say partikunapa päsasishqantami. Selah
Intëru ciëluchömi munayyuq kashqan rikakaykan.
Intëru pasachömi payta alabaykäyan.
4Chipipiynin nawipis sakaqpaqraqmi asikyaykämun.
Makinpitapis elqukuynöraqmi asikyay rikakaykämun.
Munayyuq kashqan maysaychömi musyakaykan.
5Contrankunata castigananpaq shamuptin puntantami mansariypaq pesti qeshya shamun.
Qepantanami fiebri qeshya shamun.
6Tayta Dios ichiykuptin pasapis fiyupami suksun.
Rikaraptin maysay markakunapis pasaypami mansakäyan.
Jirkakuna unaypita pasa karpis juchunmi.
Saynölami lömakunapitapis juchu aywan.
Tayta Diosmi isanqa mana ushakaq kaykan.
7Cusáncho taq runakunata pasaypa desgraciacho kaykaqtami rikashkä.
Madiáncho taq runakunata pasaypa mansarir suksukyaykäyaqtami rikashkä.
8Tayta Dios, ¿mayukunawanku o lamarwanku rabyash kaykanki?
¿Sayku cawalluyki loqash#3.8 Wakin runakunaqa muntash niyan. y guërra carrëtaykiwan lapanta vincirkur puriykanki?
9Flëchawan flëchanaykipaqpis kamarikushlanami kaykanki.
Flëchaykitapis jitaq jitaqlanami kaykanki. Selah
Mayukunawanmi kay pasatapis raqrasashkanki.
10Rikayäshushpaykimi jirkakunapis mansariyashpan suksukyäyan.
Waqya tamyapis pasaypami tamyamun.
Lamarpis bunyaypa bunyarmi qaparan.
Yakupis fiyupami pulchaqyan.
11Flëchaykita y lanzaykita jitaptiki pasaypa chipipiykarmi aywan.
Aywaykaqta rikarmi intipis killapis ichikuykuyan.
12Contraykikunata castiganaykipaqmi fiyupa rabyash kay pasacho maysaypapis purinki.
Castigarmi nacionkunatapis lanqur ushanki.
13Kuyashqayki runakunata salvanaykipaqmi yarqamushkanki.
Akrashqayki reyta yanapänaykipaqmi shamushkanki.
Saymi contrayki sharkuq reykunata ushakäsishkanki.
Paykuna mandayashqan nacionkunatapis asulashkankimi. Selah
14Say nacionkunapita shamuq soldädukunami waqya tamyano shayämurqan wakpa kaypa qarqayämänanpaq.
Yaqa runa jäkuqcho asaltar kushikushqannömi paykunapis atacayämashpan kushikuyarqan.
Jina kaqtami kikinpa flëchankunawan flëchar ushakäsishkanki.
15Bunyaypa bunyaykaq lamar jananpami cawalluyki loqash purinki.
16Shamushqaykita wiyashpä pasaypami mansarishkä.
Wirpäpis pasaypami katatash.
Tulükunapis pasaypami qotukash.
Valornïpis pasaypami ushakäkush.
Sayno kaptinpis conträkunata ushakäsinaykipaq kashqanta musyarmi qamman yärakaykämü.
17Hïguskuna mana tuktuptinpis,
üvakuna ni olïvukuna mana wayuptinpis,
chakracho ima cosëcha mana kaptinpis
y uyshakuna y wäkakuna ushakaptinpis
18 Tayta Diosman yärakurmi kushikushaq.
Salvamänanpaq kashqanta musyarmi payta imaypis alabashaq.
19Tayta Diosmi valorta qoman imano karpis payman yärakunäpaq.
Pay yanapämaptinmi luychunöraq shumaq cörrï.
Jirkakunapa purirpis mana luskakaypami purï.#2Sam. 22.34.
(Kay salmuqa cantaqkunapa mandaqninpaqmi. Cuerdayuq instrumentuta tukar cantayanki.)
Currently Selected:
Habacuc 3: qvhB
Highlight
Share
Compare
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
