Deuteronomio 30

Cäsukuqkunata Tayta Dios yanapänanpaq nishqan

1<<Kanan musyayankinami cäsukuyaptiki Tayta Dios bendicionta qoyäshunaykipaq kashqanta y mana cäsukuyaptiki maldicionwan castigayäshunaykipaq kashqantapis. Tayta Dios maysay nacionmanpis qarquyäshuptiki jusalikuyashqaykipita pësakur 2kanan nishqäkunata lapan shonquykikunawan y voluntänikikunawan qamkunapis surikikunapis Tayta Diosta cäsukuyaptikiqa 3maysay nacionpitapis kuyapäyäshushpaykimi shuntayämushunki. 4Mayjina karu nacioncho kayaptikipis kutisiyämushunkimi. 5Tayta Dios unay ayllunsikunata entregashqan nacionman kutisiyämushuptikimi saycho yapay täyanki. Saycho täyashpaykimi unay ayllunsikunapitapis mas ali kawayashpayki paykunapita mas askaqman mirayanki.

6<<Saychömi shonquykikunata y surikikunapa shonqunkunatapis Tayta Dios señalanqa#30.6 Cuerpunta señalar chiwlakunanpa puntan qaranta kusurir jorquqnömi shonqunkunata señalar jusalikuyta kachariyan. lapan shonquykikunawan y lapan voluntänikikunawan paylatana kuyayashpayki ali kawayänaykipaq.#Deut. 10.16; Jer. 4.4; Rom. 2.25-29. 7Qamkuna ali kawayaptikipis chikishuqnikikunata y contraykikunataqa Tayta Dios kay nishqä lapan maldicionkunawanmi castiganqa. 8Saypitanami Tayta Diosta yapay cäsukur kanan junaq wilapashqä mandamientukunata lapanta cumpliyanki.

9<<Saymi wamraykikunaman, uywaykikunaman, chakraykikunaman y lapan arushqaykikunamanpis Tayta Dios bendicionninta churamunqa. Unay ayllunsikunata yanapar kushikushqannölami qamkunata yanapäyäshushpaykipis kushikunqa. 10Tayta Dios sayno yanapäyäshunki payta cäsukur kay röllucho qelqaraykaq mandamientunkunata y estatütunkunata lapan shonquykikunawan y voluntänikikunawan cumpliyaptikimi.

Ali kawayta o mana ali kawaytapis akrayänanpaq nishqan

11<<Kanan junaq wilapashqä mandamientukunaqa manami aläpa ajasu kaykan tantiyayänaykipaq ni cumpliyänaykipaqpis. 12Saymi niyankimansu: <¿Piraq jana pasaman wisar apamunqa wilapämaptinsi cumplinansipaq?> 13Saynöpis niyankimansu: <¿Piraq lamarpa jukaq kuchunman aywar apamunqa wilapämaptinsi cumplinansipaq?> 14Saypa trukanqa Tayta Diospa wilakuyninta cumpliyänaykipaq shimikikunacho y shonquykikunachömi kaykan.#Rom. 10.6-8.

15<<Ali kawayänaykipaq kaqta y mana ali kawayänaykipaq kaqtapis qamkunata tantiyasishkänami. Kanan shumaq yarpachakuyay mayqantapis akrayänaykipaq. 16Kanan junaqmi qamkunata nikä Tayta Diosta kuyar y munashqanno kawar lapan mandamientunkunata, estatütunkunata y yachasikuyninkunata cäsukur kawayänaykipaq. Sayno kawayaptikiqa Tayta Dios qoyäshunaykipaq kaykaq nacionman yaykuyaptiki bendicionnintami churamunqa askaman mirayänaykipaq y ali kawayänaykipaq.

17<<Kanan tantiyasishqäkunata mana cumplir wakin dioskunata adorar qonqurpakurqa 18kuyapaypaqmi ushakäyankipaq. Jordán mayuta simpar posisionta chaskirpis manami aska wata saycho täyankipaqsu.

19<<Bendicionta chaskir ali kawayänaykipaq kaqta o maldicionash kar mana ali kawayänaykipaq kaqta kanan junaq akrayay. Kanan akrayashqaykitaqa jana pasapis y kay pasapis testïgumi kaykan. Sayno kaykaptinqa qamkuna y qamkunapita miraqkunapis ali kawayänaykipaq kaqta akrayay. 20Tayta Diosta kuyar pay nishqankunata cäsukuyay. Payta cäsukurqa alimi kawayanki. Saynöpami Abrahamta,#Gén. 12.7. Isaacta#Gén. 26.3. y Jacobta#Gén. 28.13. promitishqan nacioncho täyashpayki aska wata kawayanki>>.

Currently Selected:

Deuteronomio 30: qvhB

Highlight

Copy

Compare