Deuteronomio 25

1<<Piwanpis rimanakurqa autoridäman ishkan aywayanqa. Autoridäkunanami jusaynaq kaqta kacharir jusayuq kaqta castigayanqa. 2Astash kananpaq kaptinqa pasaman lätaykasirmi jusalikushqanman tupu juez astasinqa. 3Ima kaptinpis chusku chunka (40) makipita mastaqa ama astayankisu.#2Cor. 11.24. Aläpa astayaptikiqa say runa mayiki penqakuypaqmi kanqa.

4<<Ëracho trillaptin töruta ama shinqalwayankisu.#1Cor. 9.9; 1Tim. 5.18.

5<<Say wawqila juk wayicho taykäyaptin wawqin suriynaqla wanukuptinqa wawqinmi viüdawan tanqa. Saynöpami wawqinpa viüdanwan tänanpaq kaykaq leyta cumplinqa. Say viüda manami juk runawanqa majasakanmansu. 6Say viüdacho punta kaq surinmi wanuq wawqinpa jutinta aparanqa. Saynöpami difuntupa jutin Israelcho qonqakanqasu.#Mat. 22.24; Mar. 12.19; Luc. 20.28.

7<<Say runa majasakayta mana munaptinqa cuñädan viüdami marka punkuman aywar mayor runakunaman quejakunqa. Saychönami ninqa: <Cuñädü manami munansu wawqinpa jutin Israel nacioncho aywaränanta. Manami munansu ley nishqanno noqawan majasakayta>. 8Saypitami mayor runakuna qayaykasir cuñädunta niyanqa cuñädan viüdawan tänanpaq. Paykuna niyaptinpis majasakayta mana munaptinqa 9cuñädan viüda mayor runakunapa nawpanchömi cuñädunpa lanqinta qechunqa. Nirkurmi qaqlanman toqaparkur ninqa: <Kaynömi ruransi pï runatapis wawqinpa jutin aywaränanta mana munaq kaqtaqa>. 10Saypita pasami say runata y paypita miraqkunatapis <qara chakikuna> niyanqa.

11<<Ishkaq runakuna pelyaykaptin jukninpa warmin chaykur runanta washashpan contranpa runtunpita aptakurkuptinqa 12say warmipa makinta mana kuyapaypa roquriyanki.

13<<Imata rantirpis o imata rantikurpis balanzaykikunawan ama engañayankisu. 14Saynöla tupuykikunapis complëtu kanqa. 15Balanzaykikuna exactu kaptin y tupuykikunapis complëtu kaptinmi Tayta Dios qoyäshunaykipaq kaykaq nacioncho aska wata ali kawayanki. 16Balanzakunawan y tupukunawan suwakuyaptikiqa Tayta Dios fiyupami rabyakun.#Lev. 19.35-36; Prov. 11.1; 20.10; Amós 8.5; Miq. 6.11.

Amalecita runakunata ushakäsiyänanpaq nishqan

17<<Qamkuna ama qonqäyaysu Egiptupita shamuykäyaptiki amalecita runakuna contrayki kayashqanta. 18Yarpäyay utikash kaykäyaptiki taripaykuyäshushpayki qepakash runakunata atacayashqanta. Amalecita runakunaqa Tayta Diostapis mana mansapakuypami sayno atacayäshurqayki. 19Qoyäshunaykipaq kaykaq nacioncho contraykikunata ushakäsiyänaykipaq Tayta Dios yanapäyäshuptiki amalecita runakunatapis mana qonqaypa ushakäsiyanki.#Éxo. 17.8-14; 1Sam. 15.2-9.

Currently Selected:

Deuteronomio 25: qvhB

Highlight

Copy

Compare