Deuteronomio 24

Warminpita rakikaq runa imano kananpaqpis tantiyasishqan

1<<Aybësis cäsu kanmanmi juk runa warminwan taykaptin penqakuypaq kaqkunata warmi rurashqan y sayno rurashqanpita rakikaykashqan papilta firmaparkur wayinpita qarqushqan.#Mat. 5.31; 19.7; Mar. 10.4. 2Say warmi aywakur juk runawan yapay majasakaptin 3say runanpis rakikaykashqan papilta aptaparkur wayinpita qarquptin o say runan wanuptinqa 4manami punta kaq runanwan kutipänakunmansu. Say warmiqa punta kaq runanpaq impüru karmi yapay kutipänakurqa Tayta Diosta fiyupa rabyanäsinqa. Sayno rurarqa Tayta Dios qoyäshunaykipaq kaykaq naciontami impüruyäsinqa.

Mas leykunata tantiyasishqan

5<<Sayraq majasakash runataqa ama guërraman kachayankisu ni ima autoridä kaymanpis ama churayankisu. Juk watayaqmi sayno libri tanqa warminwan shumaq yachakäsinakur täyänanpaq.

6<<Pipa tunaynintapis ni maraynintapis prenda ama apayankisu. Saykunata prenda apakuyaptikiqa aqakuyänanpaq mana kaptin mikuyänanpaqpis manami kanqasu.

7<<Israel mayinta ashmayninpaq o rantikunanpaq pipis suwaptinqa say runata wanusiyanki.#Éxo. 21.16. Saynöpami Israel nacioncho say niraq runakunata elaqäsiyanki.#1Cor. 5.13.

8<<Pitapis lepra sariptinqa levita cürakunaman aywanqa rikayänanpaq. Paykuna musyaykäyanmi leprapita lapan nishqäkunata. Sayno kaptinqa lepra sarishuptiki imatapis ruranaykipaq niyäshushqaykita lapanta cumpliyanki.#Lev. 13.1—14.57. 9Ama qonqäyankisu Egiptupita shamuykash Maríata Tayta Dios leprawan castigashqanta.#Núm. 12.10-15.

10<<Runa mayikita qellayta prestashpayki imantapis prenda sarikurkuyänaykipaq wayinman ama yaykuyankisu. 11Yaykuyänaykipa trukanqa wayi punkulancho shuyaräyanki prendata kikin aptapäshushqaykiyaq. 12Pobri kar punchunta o jakunta prenda churamuptin waraynin junaqyaqqa ama sararäkuyankisu. 13Saypa trukanqa say tardila kutiykasiyanki qatakurkur punukunanpaq. Tayta Dios munashqanta sayno rurayaptikimi kushikur payta manakunqa bendicionninta qoykushunaykipaq.#Éxo. 22.26-27.

14<<Markaykicho taq Israel mayiki kaptinpis o jäpa runa kaptinpis pobri kar arupäshuptiki jukla pägayanki. 15Say tardila pägayanki mikuyninta rantipakunanpaq. Mana pägayaptikiqa Tayta Diosta quejakuptin castigayäshunkimi.#Lev. 19.13.

16<<Surin jusalikushqanpita ama mamanta ni papäninta wanusiyankisu. Saynöpis maman o papänin jusalikushqanpita surinta ama wanusiyankisu. Saypa trukanqa jusalikuq kaqta wanusiyanki.#2Rey. 14.6; 2Crón. 25.4; Jer. 31.29-30; Eze. 18.20.

17<<Jäpa kaptinpis waksa kaptinpis lapan runakunata shumaq arreglayanki. Viüdakunapa mödanantapis prenda ama sarikurkuyankisu. 18Ama qonqäyaysu qamkunapis Egiptucho ashmay kar nakaykäyaptiki Tayta Dios jorqayämushushqaykita. Saymi qamkunata yäsiykä imano kaptinpis lapan runakunata shumaq arreglayänaykipaq.#Éxo. 23.9; Lev. 19.33-34; Deut. 27.19.

19<<Trïguta achur juk manöjuta qonqaykurpis shuntaq amana kutiyankinasu. Sayta kachaykuyanki markaykicho taykaq jäpa runakunapaq, waksakunapaq y viüdakunapaq. Sayno rurayaptikimi ima aruyashqaykimanpis Tayta Dios bendicionninta churamunqa. 20Aceitünasta cosecharpis ashi ashiykurqa ama palayankisu. Quëdaq kaqqa kanqa jäpa runakunapaq, waksakunapaq y viüdakunapaqmi. 21Üvata palarpis tikrapaylapaqa ama shuntayankisu. Quëdaq kaqqa markaykicho taq jäpa runakunapaq, waksakunapaq y viüdakunapaqmi kanqa.#Lev. 19.9-10; 23.22. 22Egiptucho ashmay kayashqaykita ama qonqäyaysu. Saymi kanan nï jäpa runakunata, waksakunata y viüdakunata kuyapäyänaykipaq.

Currently Selected:

Deuteronomio 24: qvhB

Highlight

Copy

Compare