Deuteronomio 23

Diosta adorayänanpaq mayqan runakunapis mana yaykuyänanpaq nishqan

1 1 (2) <<Tayta Diosta adorayänaykipaq shuntakäyashqaykiman capashkuna ni pishqun roqushkunapis ama yaykuyanqasu.

2 2 (3) <<Tayta Diosta adorayänaykipaq shuntakäyashqaykiman wachapakuy runakuna ama yaykuyanqasu. Surinkunapis ni wilkankunapis ni paykunapita miraqkunapis chunka generación kashqanyaq ama yaykuyanqasu.

3 3 (4) <<Tayta Diosta adorayänaykipaq shuntakäyashqaykiman amonita runakuna ni moabita runakunapis ama yaykuyanqasu. Surinkunapis ni wilkankunapis ni paykunapita miraqkunapis chunka generación kashqanyaq ama yaykuyanmansu. 4 4 (5) Amonita runakuna y moabita runakunaqa Egiptupita yarqakamur nacionninpa päsamush manami yakuta ni mikuytapis qaramarqansisu. Saypa trukanqa maldicionamänansipaq Mesopotamiacho kaykaq Petor markapita Beorpa surin Balaamtami qayasiyämurqan. 5 5 (6) Sayno qayasimuptinpis Balaam manakushqanta Tayta Dios manami cäsuparqansu. Saymi Balaam maldicionamayninsita munaptinpis Tayta Dios kuyamashpansi say maldicionta bendicionman tikrarasirqan. 6 6 (7) Amonita y moabita runakunataqa imaypis ama kuyapäyankisu ni imachöpis ama yanapäyankisu.

7 7 (8) <<Edomita runakunataqa ama chikiyankisu. Paykunaqa aylluykikunami kaykäyan. Saynöla Egipto runakunatapis ama chikipäyankisu. Paykunapa markanchömi aska wata täyashkanki. 8 8 (9) Qamkunacho taq edomita runakunapa y Egipto runakunapa wilkankunami isanqa Tayta Diosta adorayänanpaq shuntakäyashqaykiman yaykayämunqa.

Campamentucho limpiu kayänanpaq nishqan

9 9 (10) <<Guërraman aywar imatapis impüru kaqtaqa ama rurayankisu. 10 10 (11) Mayqan runapis punuykashqancho lichin püsapakur impüru rikakurqa campamentupita yarqurir juklächo qoyäkunqa. 11 11 (12) Say tardi armakuskir inti jeqaykaptinraq campamentuman kutinqa.

12 12 (13) <<Campamentupita karu niraqcho juk sitiu kanqa saycho ishpakuyänaykipaq. 13 13 (14) Cada ünuyki estäcaykikunata purisikuyanki saywan pampata uchkuskir ishpakuyänaykipaq. Ishpakuskirqa alpawan sapaykuyanki. 14 14 (15) Campamentuykikunata sayno limpiuta sararäyanki kikin Tayta Dios campamentucho qamkunawan kaptinmi. Paymi campamentucho kaykan contraykikunawan pelyayaptiki yanapäyäshunaykipaq. Saymi qanrata mana rikananpaq campamentuykita limpiuta y sagräduta sararäyanki. Qanrata rikarqa kachariykuyäshushpaykimi aywakunqa.

Israel nacioncho imano kawayänanpaqpis leykuna

15 15 (16) <<Juk ashmay patronninpita qeshpimushpan nacionnikiman amparakamuptin ama patronninman kutisiyankisu. 16 16 (17) Saypa trukanqa may markachöpis munashqancho täkunanpaq kachapaykuyanki. Saynöpis payta ama pipis nakasinqasu.

17 17 (18) <<Wakin nacionkunacho diosninkunata adorar jukwan jukwan kakuyaptinpis Israelchöqa warmipis ni olqupis saykunata ama rurayanqasu. 18 18 (19) Sayno rurar gänapakuyashqan qellaytaqa Tayta Diospa wayinman ama apayanqasu. Saynöpis say qellaytaqa promitiyashqan ofrendapaqpis ama churayanqasu. Sayno ruraqkunaqa Tayta Diosta fiyupami rabyanäsiyan.

19 19 (20) <<Qellayta karpis, mikuyta karpis o imata karpis Israel mayikita prestarqa qellaypa wachayninta ama cobrayankisu. 20 20 (21) Prestayashqayki qellaypa wachaynintaqa jäpa runakunalatami cobrayanki. Israel mayikitaqa ama cobrayankisu. Saynöpami täyänaykipaq kaykaq nacionman chäyaptiki ima aruyashqaykimanpis Tayta Dios bendicionninta churamunqa.

21 21 (22) <<Tayta Diosta imatapis promitirqa imaykanöpapis mana qonqaypa cumpliyanki. Mana cumpliyaptikiqa Tayta Dios juzgayäshunkimi. 22 22 (23) Imatapis mana promitirqa manami jusayuqsu kayanki. 23 23 (24) Sayno kaptinpis voluntäpa Tayta Diosta imatapis promitirqa mana qonqaypa cumpliyanki.

24 24 (25) <<Pipa üva chakranpapis päsar üvata munaparqa jimayashqaykiyaq mikuyanki. Isanqa ama ni juklaylatapis wayikikunapaqa apayankisu. 25 25 (26) Trïgu chakranpa päsaykäyashqaykichöpis uchuyänaykipaq tupuyla palakurkuyanki. Ösi imawanqa ama achukurkuyankisu.

Currently Selected:

Deuteronomio 23: qvhB

Highlight

Copy

Compare