Deuteronomio 14

1<<Tayta Diosninsipa wamrankuna kaykarqa pipis wanuptin cuerpuykikunata ama pishtaypa pishtar ushayankisu ni urkuykikunapapis ama rutukuyankisu.#Lev. 19.28; 21.5. 2Qamkunaqa Tayta Dios kuyashqan santu runakunami kaykäyanki. Paymi lapan nación runakunapitapis akrayäshushkanki paylapana kayänaykipaq.#Éxo. 19.5-6; Deut. 7.6; 26.18; Tito 2.14; 1Ped. 2.9.

Püru kaq y impüru kaq uywakuna kayashqan

Levítico 11.1-47

3<<Impüru kaq uywakunata ama mikuyankisu. 4Mikuyänaykipaq kaq uywakuna kaykan wäka, uysha, cabra, 5munti cabra y tukuy casta luychukunapis.

6<<Mayqan uywatapis mikuyanki kutipaq kaqta y cada chakincho ishkay shiluyuq kaqta. 7Mana kutipaq y ishkay shiluyuq mana kaptinqa ama mikuyankisu. Sayno kaptinqa camëlluta, liebrita#14.7a Liebriqa conëju niraqmi. Isanqa jatun y chankasapami. y tejonta ama mikuyankisu. Say uywakunaqa kutipaq#14.7b Mana kutipaq kaptinpis kuchkuypa mikuq kaq uywakunata say wisan niyarqan kutipaq kayashqantami. karpis mana ishkay shiluyuq karmi qamkunapaq impüru kaykan. 8Kuchiqa ishkay shiluyuq karpis mana kutiparmi qamkunapaq impüru kaykan. Say uywakunapa aysanta ama mikuyankisu. Wanuptinpis ama yataylapis yatayankisu.

9<<Mayucho kaqkunata y lamarcho kaqkunatapis alëtayuq y escämayuq kaqkunalata mikuyanki. 10Escämayuq kaptinpis alëtan mana kaptinqa ama mikuyankisu. Saynöla alëtayuq kaptinpis escäman mana kaptinqa ama mikuyankisu. Saykunaqa qamkunapaq impürumi kaykan.

11<<Mayqan pajaqkunatapis#14.11 Wakin runakunaqa vuelaqkunatapis niyanmi. püru kaqlata mikuyanki. 12Ama mikuyankisu ankata, wiskurta, lamarcho pescaq äguilata, 13milänu niyashqan ankata, tukuy casta halconkunata, 14tukuy casta cuervukunata, 15avestruzta, chushiqta, qewllanchuta, tukuy casta ankata, 16tukuta, ibis niyashqan yaku pätuta, cisnita, 17pelïcanuta, condorta, cormorán niyashqan yaku pätuta, 18cigüeñata, abubillata ni siksitapis.

19<<Lapan casta pajaq insectukuna#14.19 Insectukunaqa kaykäyan chushpikuna, qenrashkuna, pitishkuna, upakurukuna, tinyaqkuna, chukluskuna y mas wakinkunapis. qamkunapaq impürumi kaykan. Saykunata ama mikuyankisu. 20Riprayuqkunatapis#14.20 Wakin runakunaqa älayuqkunatapis niyan. püru kaqkunalata mikuyanki.

21<<Tayta Dios kuyashqan santu runakuna kaykarqa ima uywatapis kikilan wanushtaqa ama mikuyankisu. Saypa trukanqa markaykikunacho taq jäpa runakunata qaraykuyanki o rantikuykuyanki.

<<Cabra malwapa aysantapis mamanpa lichinwanqa ama yanuyankisu.#Éxo. 23.19; 34.26.

Diezmupita Moisés tantiyasishqan

22<<Cada wata cosëchata ushaskilar mana qonqaypa diezmuta rakiyanki.#Lev. 27.30-33; Núm. 18.21; Mal. 3.8-10. 23Saymi trïguta cosechar cada chunka tupuypita diezmupaq jukta rakiyanki. Vïnuta rurarpis cada chunka tupuypita diezmupaq jukta rakiyanki. Olïvupita aceitita rurarpis cada chunka tupuypita juk tupuyta diezmupaq rakiyanki. Saynöpis wäkaykipa, uyshaykipa y cabraykipa qechpa wawankunata primiciapaq rakiyanki. Say rakiyashqaykikunata Tayta Dios akrashqan sitiuman apaykur paypa nawpancho mikuyanki. Saynöpami Tayta Diosta imaypis mansapakuyta yachakuyanki.

24<<Say sitiu aläpa karucho kaptinqa Tayta Dios bendisiyäshushqaykipita jorquyashqayki diezmuta apayta mana kamäpakurqa 25rantikuykuyanki. Nirkur qellaylatana Tayta Diosta adorayänaykipaq akrashqan sitiuman apayanki. 26Saychöna rantiyanki munayashqaykita wäkata karpis, uyshata karpis, cabrata karpis, vïnuta karpis, o aswata karpis. Nirkur Tayta Diospa nawpancho aylluykikunawan kushikuyashpayki mikuyanki.

27<<Markaykicho taq levitakunata mana qonqaypa imalawanpis yanapäyanki. Paykunapa manami chakrankunapis kanqasu.

28<<Saynöpis cada kimsa watacho mikuynikita cosechayashqaykipita diezmuta rakir markaykikunacho juk sitiuman churayanki. 29Say churayashqayki diezmupitami pacha junta mikuyanqa levitakuna, qamkunacho taykaq jäpa runakuna, waksa wamrakuna y viüdakunapis. Sayno mikuyänanpaq churayaptikimi Tayta Dios bendicionninta lapan aruyashqaykiman churamunqa.#Deut. 26.12.

Currently Selected:

Deuteronomio 14: qvhB

Highlight

Copy

Compare