Deuteronomio 10

Israel runakunawan Tayta Dios pactuta yapay rurashqan

Éxodo 34.1-10

1<<Saypitanami Tayta Dios nimarqan: <Punta kaqtanöla ishkay parara rumikunata ruray. Saynöpis juk babultapis qerupita ruray. Nirkurna say pararakunata apakurkur noqa kaykashqä jirkaman wisämuy. 2Noqanami pakishqayki rumicho qelqashqätano say parara rumikunaman yapay qelqaykur babulman churanaykipaq entregashayki>.

3<<Sayno nimaptinmi acacia qerupita babulta ruraskir#Éxo. 25.10; 1Rey. 8.9. ishkay parara rumikunata puntata rurashqätano rurarqä. Say pararakunata apakurkurmi jirkaman wisarqä. 4Saychömi nawpata qelqashqannöla Tayta Dios yapay say parara rumikunaman chunka mandamientunkunata qelqarqan. Say mandamientukuna karqan jirka chakincho shuntakäyaptiki nina rupaykaqpita nawpata parlamushqan mandamientunkunalami. Saykunatami pararakunaman qelqaykur Tayta Dios qomarqan. 5Jirkapita kutimurnami Tayta Dios nimashqannöla say pararakunata rurashqä babulman winarqä. Saypita pasami kananyaqpis babulcho winaraykan>>.

6Beerot-bene-jaacánpita aywakurmi Israel runakuna chäyarqan Moseraman. Saychömi Aarón wanuykuptin pampayarqan.#Núm. 20.28; 33.38. Saypitaqa surin Eleazarnami mandaq cüra karqan.

7Saypita aywakurnami Gudgoda partiman chäyarqan. Gudgodapita aywakurnami aska yaku kashqan Jotbata partiman chäyarqan. 8Saychönami levitakunata#Núm. 3.5-8. Tayta Dios akrarqan Pactu Babulta apayänanpaq, paypa nawpancho sirviyänanpaq y paypa jutincho runakunata bendicionta qoyänanpaq. Saypita pasami kananyaqpis paykunaqa saykunata rurayan. 9Sayno rurayänanpaq churayashqanpitami levitakuna chakrata chaskiyashsu wakin kaq trïbukunanöqa. Chakrata chaskiyänanpa trukanqa kikin Tayta Diosmi paykunapa herencian kaykan. Sayno kananpaqmi Tayta Dios nirqan.

10Mastapis Moisés nirqan: <<Jirkacho nawpata kamushqänölami yapaypis chusku chunka (40) junaq chusku chunka paqas qoyämurqä.#Éxo. 34.28. Saycho manakuptïmi Tayta Dios kuyapäyäshushpayki ushakäsiyäshurqaykisu. 11Saypa trukanqa kaynömi nimarqan: <Sharkur Israel runakunata pushay Abrahamta, Isaacta y Jacobta promitishqä nacionman yaykuyänanpaq> >>.

Tayta Dios munashqanno kawayänanpaq nishqan

12Saypita mastapis Moisés nirqan: <<Israel runakuna, kanan wilayäshayki Tayta Dios imata munashqantapis. Pay munan payta mansapakur munashqanno kawayänaykitami. Saynölami munan lapan shonquykikunawan y voluntänikikunawan payta kuyar sirviyänaykita 13y kanan junaq yachasishqä mandamientunkunata y estatütunkunata imaypis cäsukuyänaykitami. Saynöpami ali kawayanki.

14<<Jana pasapapis, kay pasapapis y lapan imaykapapis Tayta Diosmi duëñun kaykan. 15Mayqan nación runakunatapis akrananpaq munayyuq karmi unay ayllunsikunata kuyar akrarqan. Saynölami kuyashqan runakuna kayänaykipaq qamkunatapis akrayäshurqayki. Kananpis kuyashqan runakunami kaykäyanki. 16Sayno kuyaykäyäshuptikiqa shonquykikunata señalakur#10.16 Cuerpunta señalar chiwlakunanpa puntan qaranta kusurir jorquqnömi shonqunkunata señalar jusalikuyta kachariyan. shumaq tantiyakuyay Tayta Dios nishqankunata cäsukuyänaykipaq. Mana wiyakuqqa amana kayaysu.#Deut. 30.6; Jer. 4.4; Rom. 2.25-29.

17<<Tayta Diosninsiqa ima dioskunapitapis y mandaqkunapitapis mas munayyuqmi kaykan.#1Tim. 6.15; Apoc. 17.14; 19.16. Poderyuq y mansaypaqmi kaykan. Manami pitapis jananpansu ni pipapis favornin sharkunanpaq chaskipakunsu.#2Crón. 19.7; Rom. 2.11; Gál. 2.6; Efe. 6.9. 18Waksatapis viüdatapis pay kuyapanmi. Saynölami qamkunacho taq jäpa runakunata kuyapar mikuytapis mödanatapis kamaripan. 19Sayno kaykaptinqa qamkunapis jäpa runakunata kuyapäyanki. Ama qonqäyankisu Egiptucho täyashpayki jäpa runa kayashqaykita.

20<<Tayta Diosta mansapakur pay japalanta adorayanki. Pay munashqannöla imaypis kawayanki. Paypa jutilancho jurayanki. 21Paylata alabayanki. Tayta Diosninsi karmi lapan rikashqansi milagrukunatapis rurash. 22Unay ayllunsikuna qanchis chunkala (70) Egiptuman chäyash kaptinpis#Gén. 46.27. Tayta Diosmi kamakäsirqan qoyllarkunanöraq yupaytapis mana atipaypaq mirayänanpaq>>.#Gén. 15.5; 22.17.

Currently Selected:

Deuteronomio 10: qvhB

Highlight

Copy

Compare