Daniel 12

Ultimu tiempupaq tantiyasikuy

1<<Say wisanmi Israel runakunata cuidaq y angilkunapa mandaqnin Miguel Israel runakunapa favornin sharkunqa. Runakuna fiyupa nakaycho karmi lakikuyanqa. Kay pasacho nacionkuna kashqanpita pasa imaypis manami sayjinanpa nakaykuna y lakikuykunapis kashsu.#Mat. 24.21; Mar. 13.19; Apoc. 12.7. Librucho jutinkuna apuntaraykaqlami Israel mayikikuna salvakuyanqa.

2<<Say junaqmi pamparaykashqanpita saysika runakuna kawariyämunqa. Wakinnami kawariyämunqa imayyaqpis kawayänanpaq y wakinnami kawariyämunqa imayyaqpis nakayänanpaq. Nakayänanpaq kawarimuqkunami jusalikuyashqanpita pasaypa penqaycho kayanqa.#Mat. 25.46; Juan 5.29. 3Tantiyakuq runakunaqa chiwyaykaq ciëlunömi asikyäyanqa. Runakunata ali kawayänanpaq yachasiqkunaqa qoyllarkunanöraqmi imayyaqpis chipipïyanqa.

4<<Daniel, wilapashqäta tiempun chämushqanyaq pitapis ama wilapaysu. Qelqaraykaq rölluta cërawan shumaq churay.#Apoc. 22.10. Runakunaqa maysaypapis aywar yachakuyashpanmi mas yachaq rikakuyanqa>>.

5Saypitanami noqa Daniel rikarqä ishkay runakunata. Jukaq runami ichiraykarqan mayu kay simpancho y jukaqnami ichiraykarqan wak simpancho. 6Yaku janancho ichiraykaq lïnu mödanash runatami jukaq runa tapurqan: <<Nishqaykino mansariypaq kaqkuna kananpaq ¿ayka tiemputaq pishiykan?>>

7Sayno niptinmi lïnu mödanash runa mayu janancho kaykashqanpita ishkan makinta joqarkur imayyaqpis kawaq Tayta Diospa jutincho jurashpan nirqan: <<Lapan saykuna cumplinanpaq kimsa wata pulanmi pishiykan. Say wisanmi Diosman yärakuqkuna munayniynaqna rikakuyanqa>>.

8Sayno nishqankunata manami shumaqlaqa tantiyarqäsu. Saymi tapurqä: <<Taytay, saypita ¿imataq mas päsanqa?>>

9Saymi nimarqan: <<Daniel, lapanpis saykuna sëllaraptinmi pipis musyanqasu hasta tiempu chämushqanyaq. Qamqa imaypis alita rurar kaway. 10Aska runakunami tantiyakuyanqa imano nakarpis Tayta Diosman yärakur mana jusalikuypa kawayänanpaq. Jusalikuqkunaqa jina jusalikur kawayäsun. Paykuna mana tantiyakuyaptinpis Dios munashqanno kawaq runakunami isanqa tantiyakuyanqa.

11<<Waran waran sacrificiuta rupasiyänanta mana kachapashqanpita hasta Dios mana munashqan kaqta templuman churashqanyaq juk waranqa ishkay pachak esqun chunka (1,290) junaqmi kanqa.#Mat. 24.15; Mar. 13.14. 12Kushishqami kawayanqa juk waranqa kimsa pachak kimsa chunka pisqa (1,335) junaqyaq mana ajayaypa shuyaraqkunaqa.

13<<Qamqa wanushqaykiyaq Tayta Dios munashqanno kaway. Ushanan junaqchömi kawarirkamur herenciaykita chaskinkipaq>>.

Currently Selected:

Daniel 12: qvhB

Highlight

Copy