Amós 6
6
Israel y Judá nacionkuna castigash kayänanpaq nishqan
1 Sióncho jawka täkuq autoridäkuna, ¡pasaypami nakayankipaq!
Samaria lömacho kushish täkuq yachaq runakuna, ¡pasaypami nakayankipaq!
Qamkuna ali tantiyasikuq kayashqaykita yarparmi Israel mayikikuna shayämun tantiyasiyänaykipaq.
2Calne markaman aywar paykunata ima päsashqantapis tantiyakuyay.
Hamat markamanpis aywar paykunata ima päsashqantapis tantiyakuyay.
Rikayay Filistea nacioncho kaykaq Gat markata ima päsashqantapis.
Say markakunacho taq runakunapita ¿mas ali pelyaq kayashqaykitaku yarpaykäyanki?
Markaykikunapis say markakunapita ¿mas jatun y mas aska runakuna kashqantaku yarpaykäyanki?
3Qamkuna yarpaykäyanki ima desgraciapis mana päsayäshunaykipaq kashqantami.
Sayno yarparpis lutankunata rurarmi desgraciaman ishkiykäyanki.
4Qamkunaqa marfilpita rurash kuyaylapaq catrichöraqmi jitaräyankipis.
Uyshakunata y wera turïtukunataran mikur jamaräyankipis.
5Arpakunatapis waqay waqaylataraq tukarmi versukunatapis mushuqkunalata jamutaykäyanki.
Instrumentukunatapis Davidnöraqmi tukuy niraqta ruraykäyanki.#1Crón. 23.5; Neh. 12.36.
6Jatusaq väsukunawanraqmi vïnutapis upyaykäyanki.
Alinnin perfümikunataraqmi winakuykäyanki.
Qamkunata manami imapis qokuyäshunkisu Israel nación ushakäsish kananpaq kaptinpis.
7Sayno kaykaqtami puntata qamkunataraq jäpa markaman prësu apayäshunki.
Saymi fiesta ruraypis ni ali alilata mikuypis kanqanasu.
8Lapanta mandaq Tayta Diosmi kikinpa jutincho jurar nin:
<<Jacobpita miraqkuna runa tukuyashqan fiyupami rabyanäsiman.
Palaciunkunata rikaytapis manami munäsu.
Saymi markanta y lapan imaykankunatapis contrankunapa munayninman kacharishaq.
9Saynöpami juk wayicho chunka runakuna kawaykar quëdaqlanpis wanuyanqa.
10Wanuq runakunapa ayanta shuntarkur rupasinanpaqmi mayqan ayllulanpis aywanqa.
Wayiman chaykur ruricho pilatapis rikarmi tapur ninqa: <¿Pilaqa qamwan saycho kaykanraqku?>
Saymi ruripita nimunqa: <Manami pipis kaycho kansu>.
Mastapis nimunqa: <Upälakuy. Cuidä Tayta Diospa jutinta joqarinkiman.
Jutinta joqarishqaqa maspis castigamäshunchir.
11 Tayta Diosmi kamakäsinqa jatusaq wayitapis taksha wayitapis juchusiyänanpaq> >>.
12¿Pilaqa cawallun loqakurkur#6.12 Wakin runakunaqa muntakurkur niyan. qaqa pachanpa cörrinmansuraq?
¿Pilaqa lamarcho yuntakunawan yapyanmansuraq?
Say yarpaykuna upa yarpay kashqannömi qamkunapis mana tantiyakuq runakuna kaykäyanki.
¿Imanirtaq mana alikunata rurar Tayta Diospa leyninkunata venënumanno tikraykäsiyanki?
Runakunata kushikasiyänaykipa trukanqa ¿imanirtaq mana alikunata rurar lakikuyman churaykäyanki?
13Qamkunaqa manakaqkunapita alabakurmi nikäyanki:
<<Kikinsipa kalpansiwanmi munayyuq kaykansi>>.
14Lapanta mandaq Tayta Diosmi nin:
<<Israel runakuna, shumaq wiyayämay.
Noqami juk nación runakunata pushamushaq Hamat partipa lindërunpita Arabá pampayaq munaynincho sararäyäshunaykipaq>>.
Currently Selected:
Amós 6: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
