Amós 5
5
1Israel runakuna, wanupakuy cantatano kanan cantapaptï shumaq wiyayämay.
2Doncëlla jipashno kuyaylapaq kaykarpis nacionniki ushakanqami.
Pasaypa asulash kaptinmi pipis sharkasinqanasu.
3 Tayta Diosmi nin:
<<Israel nacioncho juk markapita waranqa (1,000) runakuna pelyaman aywar pachaklanami (100) kutiyämunqa.
Juk markapita pachak runakuna pelyaman aywar chunkalanami kutiyämunqa>>.
4 Tayta Diosmi nin:
<<Israel runakuna, noqata ashiyämay.
Ashimarqa kawayankimi.
5Bet-elman ama aywayaysu.
Gilgalman ni Beersebamanpis ama chäyaysu.
Gilgal markacho taq runakunata juk nacionmanmi prësu apakuyanqa.
Bet-el markapis lapanmi ushakäsish kanqa>>.
6 Tayta Diosta ashirqa kawayankimi.
Mana cäsukuyaptikiqa imaykatapis nina ushashqannömi lapaykita ushakäsiyäshunki.
Say höraqa Bet-elcho adorayashqayki ïdulukuna manami mayqanpis salvayäshunkisu.
7Qamkunaqa pobrikuna quejakayämushqantapis manami arreglayankisu.
Jusayuqpa favornin sharkurmi jusaynaq kaqpa contran rikakuykäyanki.
8 Tayta Diosmi kamash Pléyades nishqan qoyllarkunata y Orión nishqan qoyllarkunatapis.
Paymi sakaytapis junaqman tikrasin.
Junaqtapis yanawyaykaq sakaymanmi tikrasin.
Lamarpita pukutayta joqarkurmi tamyasimun.
Jutinpis Yahwehmi kaykan.
9Kalpasapa runatapis ushakäsinmi.
Altu murällayuq markakunatapis ushakäsinmi.
10Qamkunaqa demanduta ali arreglaq kaqta chikiykäyankimi.
Rasun kaqlata wilakuq testïgukunatapis qarquykäyankimi.
11Impuestukunata pobrikunata pägasirmi mikuyänanpaq shuntayashqantapis qechuykäyanki.
Sayno kayashqaykipitami laqlash rumiwan kuyaylapaq wayikunata sharkasirpis täyankisu.
Üvata plantarpis vïnunta manami upuyankipaqsu.
12Musyämi jusalikur mana cäsukayämashqaykitapis.
Qamkunaqa chaskipakur jusayuqkunapa favorninmi sharkuykäyanki y jusaynaq kaqtami tikrapaykäyanki.
13Tikrapäyänaykipaq kashqanta musyarmi tantiyakuq runakunapis upälakuyan.
Fiyu kayaptikimi pïmaypis mansa mansalana kawayan.
14Kuyaypaq munaypaq kawayänaykipaq lutankunata rurayaysu, sinöqa ali kaqkunalata rurayay.
Saymi lapanta mandaq Tayta Dios yarpäyashqaykinöla yanapäyäshunki.
15Lutan ruraykunata kacharir ali kaqkunalata rurayay.
Despächuykikunachöpis shumaq arreglayay.
Sayno rurayaptikiqa Josépita miraqkuna lapayki mana ushakäyänaykipaq capazchir lapanta mandaq Tayta Dios kuyapaykuyäshunkimanpis.
16Munayyuq y lapanta mandaq Tayta Diosmi nin:
<<Pläzakunacho waqakuylami kanqa.
Cällikunachöpis fiyupa lakikuyashpanmi qaparäyanqa.
Chakracho aruqkunatapis waqäsiyänanpaqmi qayayanqa.
Waqapakuqkunawanmi juntu waqayanqa.
17Shamur castigaptïmi lapan üva chakrakunachöpis Israel runakuna waqayanqa>>.
Tayta Diosmi sayno nin.
18¡Ay, imanöraq kayanki Tayta Dios juzganan junaq chämuptin!
¿Imanirtaq munaykäyanki say junaq chämunanta?
Say junaq ali kananpaq kashqanta yarpäyaptikipis pasaypa mansariypaqmi kanqa.
19Say junaq kanqa leonpita qeshpir ukumaryawan#5.19 Wakin runakunaqa ösuwan niyanmi. tinkuqnömi.
Saynöpis kanqa wayinman yaykur tuknakuptin perqa uchkupita makinta culebra picamuqnömi.
20Saymi Tayta Dios juzganan junaq chämuptin kushikuyänanpa trukan fiyupa lakikuyanqa.
Sakaychöno kar manami ima ruraytapis kamäpakuyanqasu.
21<<Noqapaq fiestata rurayashqaykitapis pasaypami melanä.
Shuntakar janan shonqula adorayämashqaykitapis pasaypami ajayashkä.
22Rupasina sacrificiukunata y saki mikuykunata noqapaq rupasiyaptikipis manami chaskishaqsu.
Werannin turïtuta jawka kawakuy sacrificiupaq rupasiyaptikipis manami chaskishaqsu.#Isa. 1.11-14.
23Arpata tukar kushish cantayashqaykitapis manami wiyayta munäsu.
24Noqa munä runa mayikikunawan ali kawar munashqäno kawayänaykitami.
Mayu mana ushakaypa aywashqanno runa mayikikunawan imaypis ali kawayay.#1Sam. 15.22; Prov. 21.3; Jer. 7.22-23; Ose. 6.6; Miq. 6.6-8.
25<<Israel runakuna, chusku chunka (40) wata sunyaq jirkapa purir manami noqapaqsu uywakunata y saki mikuykunata rupasiyarqayki.
26Saypa trukanqa rey kashqanta yarparmi Sicut jutiyuq ïduluta aparish purisiyarqayki.
Saynöpis qoyllar niraq Quiún ïdulutami aparish purisiyarqayki.
Saykunataqa kikikikunami rurayarqayki diosnikikuna kayänanpaq.
27Saymi Damascupita mas washaqan partiman qarqusishayki>>.#Hech. 7.42-43.
Sayno rurayäshunaykipaqmi Tayta Dios nin.
Paypa jutinqa Lapanta Mandaq Tayta Diosmi#5.27 Hebreo idiömachömi jutin kaykan Elohim Tsaba..
Currently Selected:
Amós 5: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
