Amós 4
4
1Samaria warmikuna, shumaq wiyakuyay.
Qamkunaqa rïcu karmi Basán particho kaykaq wera wäkakunano llushwäyankiraq.
Pobrikunatami nakaykäsiyanki.
Muchuqkunatapis maqarmi ushaykäyanki.
Upyaman qokash karmi runaykitapis vïnuta manayparaq manaykäyanki.
2 Santu Tayta Diosmi jurashpan kayno niyäshunki:
<<Höra chämunqanami qamkunatapis wamraykikunatapis pescädutano shimipita anzuëluwan shequrkur prësu apayäshunaykipaq.
3Marka murälla uchkukunapa jorqurirmi prësu apayäshunki.
Nirkurmi Hermón jirkaläpa qarquyäshunki>>.
Tayta Diosmi sayno nin.
Tayta Dios olqutupashqan
4<<Ïdulukunata adorayta munarqa ¡Bet-elman y Gilgalman#Ose. 4.15; Amós 5.5-6. aywaykur adorayay ari!
¡Jusa kashqanta musyaykar adorarqa saycho mas jusalikuyay!
¡Cada tuta sacrificiuta rupasiyay ari!
¡Cada kimsa junaqchöpis diezmuykita apayay ari!
5¡Agradëcikuyashpayki levadürayuq tantakunatapis rupasiyay ari!
Qamkunataqa ofrendakunata churayashlaykipitapis alabakuymi gustäyäshunki>>.
Sayno kayashqaykitami munayyuq Tayta Dios nin.
6 Tayta Diosmi nin:
<<Muchuycho kayänaykipaq y may markachöpis mikuy mana kananpaq kamakäsiptïpis manami perdonta manakayämashkankisu.
7Saymi mikuykuna poqunanpaq kimsa killa pishiykaptin usyäsimurqä.
Wakin markacho tamya kananpaq y wakin markacho usya kananpaqpis noqami kamakäsirqä.
Saymi tamya chashqan chakrachöqa mikuykuna ali wayurqan y mana tamyashqan kaqchönami mikuykuna sakikäkuyarqan.
8Yakuynaq markakunacho taq runakunami yakuyuq markakunaman aywayarqan yaku manakuq.
Saycho yakuta upurpis manami jimayarqansu.
Sayno castigaykaptïpis manami perdonta manakayämashkankisu>>.
Tayta Diosmi sayno nin.
9<<Noqami qamkunata castigarqä ranchawan y mikuyta ushaq kurukunawanpis.
Chakraykikunacho hïgusta y üvatapis chukluswanmi ushasirqä.
Sayno castigaykaptïpis manami perdonta manakayämashkankisu>>.#Deut. 28.38; Joel 1.4-6; 2.4-9.
Tayta Diosmi sayno nin.
10<<Egipto nacionta castigashqä plägakunawanmi qamkunatapis castigarqä.#Éxo. 9.1-6; Deut. 28.27, 60.
Maqtakunata guërracho contraykikuna wanusiyänanpaq y cawalluykikunata apakuyänanpaqpis noqami kamakäsirqä.
Contraykikuna vinciyäshuptiki wanuq runakuna ismush jitarpänanpaqpis noqami kamakäsirqä.
Sayno castigaykaptïpis manami perdonta manakayämashkankisu>>.
Tayta Diosmi sayno nin.
11<<Sodomata y Gomorrata#Gén. 19.24. ushakäsishqänömi wakin markaykikunatapis ushakäsirqä.
Saymi qamkunaqa ninapita pusuq tisunnölana quëdayarqayki.
Sayno castigaykaptïpis manami perdonta manakayämashkankisu>>.
Tayta Diosmi sayno nin.
12<<Saynöla mana cäsukayämaptikiqa masraqmi castigayäshayki.
¡Ukush wirawan kupakuykäyay shamur castiganäpaq!>>
13Noqami jirkakunatapis y wayratapis kamashkä.
Noqami imata yarpashqätapis runakunata musyasï.
Junaqtapis sakaymanmi tikrasï.
Noqami jirka puntakunapapis purï.
Jutïpis lapanpaq munayyuq Yahwehmi kaykan.
Currently Selected:
Amós 4: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
