Salmos 96
96
Purahéi pyahu Ñandejárape
(1 Cr 16.23-33)
1Peropurahéi Ñandejárape
purahéi pyahu.
Topurahéi Ñandejárape
opa ko yvy.
2Pepurahéi Ñandejárape,
héra pemomba'e.
Opa árape pemoherakuã
ha'e oporoguenohẽha jejopy vaígui.
3Pemombe'u opa tetã rupi
ha maymávape,
ha'e tuichaha,
ha umi mba'e hechapyrãva
ha'e ojapóva.
4Ñandejára tuicha hína,
chupe ñamomba'e guasu vaerã,#Sal 18.4; 48.2; 145.3.
chugui jakyhyjeve vaerã
opa tupãgui.
5Umi mba'e
tetã nguéra oguerekóva tupã ramo,
umíva ta'ãnga reínte.#Sal 97.7; 115.4-8; 135.15-18; Is 41.21-24.
Ñandejára katu yvága apohare hína,
6teko jajái ha teko mimbipa
ijerére oĩ,
hekoha iporãitéva
pokatúgui henyhẽ.
7Pemomba'e guasu Ñandejárape
opa tetã nguéra,
pemomba'e guasu Ñandejárape
ha'e ipokatu ha omimbipágui,
8pemomba'e guasu Ñandejárape
héra tuichágui,
itupao róga guýpe
pemoguahẽ pene mba'e kuave'ẽ.
9Pemomba'e guasu Ñandejárape
ojehechaukáva heko marangatúpe.
Opa yvypóra henondépe toryrýi.#Sal 29.1-2.
10Toje'e opa tetã rupi:
“Ñandejára ñande ruvicha guasu hína”.
Hatã omoĩ hendápe ko yvy,
ha ndaipóri omongu'éva.
Ha'e oisãmbyhy teko jojápe
tetã nguéra.
11Tovy'a yvága ha yvy.
Tosununu pe yguasu
ha opa ipype oĩva.
12Tovy'a umi ñu
ha opa mba'e ipype oĩva.
Vy'águi tosapukái
umi yvyra ka'aguy pegua.
13Tojepurahéi Ñandejára renondépe,
ha'e ou ko yvy oisãmbyhy haguã.
Teko jojápe ko yvy oisãmbyhýta,
ha añetépe tetã nguéra.#Sal 98.9.
Currently Selected:
Salmos 96: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
