Salmos 95
95
Vy'a pópe japurahéi Ñandejárape
1Peju japurahéi
Ñandejárape vy'a pópe.
Japurahéi upe jejopy vaígui
ñane renohẽvape.
2Ñaguahẽ hendápe
ha chupe ñamomba'e,
chupe japurahéi.
3Ñandejára Tupã ipokatúva hína,
ha'e oĩ opaichagua tupã ári.#Sal 77.14; 96.4-5; 97.9; 136.2-3; 145.1.
4Ipópe oĩ umi tugua pypuku,
imba'e umi yvyty ijyvatevéva.
5Yguasu imba'e, ha'e ojapo haguére,
ha ko yvy, ipópe ojapo vaekue.#Sal 24.1-2; 89.12-13.
6Peju ñañesũ
ha ñamomba'e guasu chupe.
Ñañesũ ñande apohare,
Ñandejára renondépe.
7Ha'e hína Tupã Ñandejára,
ñande katu hetãgua
ha ovecha iñu megua.#Sal 74.1; 79.13; 100.3.
Hánga'u ra'e pehendu he'i ramo:
8“Ani pende py'a hatã
Meribápe guaréicha,
Masápe pejapo haguéicha,
yvy ojeiko'ỹháme.
9Upérõ pende ru kuéra ypykue
opu'ã vaekue che rehe
ohecha ramo jepe
umi mba'e ajapo vaekue.#Ex 17.1-7; Dt 6.16; 9.22; 33.8; Sal 106.32-33.
10Umívagui
ajeguaru 40 áño#Nm 14.34. pukukue,
ha ha'e:
‘Ko'ãva ipy'ápe opia tape porãgui.
Ndojapói upe che ha'éva.’#Nm 14.20-23,33; Dt 1.34-36.
11Pochýpe che rérare ha'e vaekue:
‘Ko'ãva ndoike mo'ãi
upe aporomombytu'utahápe.’”#Heb 3.7-11.
Currently Selected:
Salmos 95: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
