Salmos 12
12
Ñandejára ore renohẽ jejopy vaígui
1Salmo, David rembiapokue.
2Ñandejára,
ore renohẽ kena jejopy vaígui.
Opáma niko
umi nde rehe ojeroviáva,
ha ndaipóri véima imarangatúva.#Miq 7.2.
3Maymávante ijapu hapichápe,
juru he'ẽ ha tova mokõime
oiko hikuái.
4Ñandejára tojuru'o
iñe'ẽ guasúvape,
toikũ'o oporombojuru he'ẽvape.
5Umi he'ívape:
“Ore roñe'ẽ kuaa hína.
Roikuaa ro'éva.
Máva piko oñemoĩta ore rehe?”
6Kóicha he'i Ñandejára:
“Imboriahúva ojeguereko vaígui,
ikangýva ipyahẽgui,
upévare apu'ã
chupe kuéra aipytyvõ haguã.”
7Ñandejára he'íva niko
añete ha hesakã,
ojogua plátape
oñemboyku jey-jeýva
ipotĩ haguã.
8Ñandejára,
nde reñangarekóta ore rehe,
nda ore reja mo'ãi ro'a
umíva pópe.
9Iñañáva opa rupi oĩ,
maymávante teko vai ohecha ramo.
Currently Selected:
Salmos 12: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
