Salmos 11
11
Ñandejára rehe ajerovia
1Ñandejára hína
pe oñangarekóva che rehe.
Mba'éicha piko aipo ramo
peje chéve:
“Guyráicha eveve tereho ka'aguýpe?
2Cháke iñañáva omosãma ihu'y,
ha oipepy ha opoi pytũmbýgui
oha'ã haguã heko potĩvape.
3Opa mba'e ho'apa ramo yvýre,
imarangatúva piko
mba'e ikatu ojapove?”
4Ñandejára oĩ tupaópe,
oĩma yvágape, iguapyhápe.#Hab 2.20; Sof 1.7; Zac 2.17.
Opa rupi omaña
ha ohecha mba'éichapa
yvypóra oiko.#Is 66.1; Mt 5.34.
5Ñandejára oipy'a ra'ã
hekópe oikóvape ha iñañávape.
Mba'eve ndoikuaaséi heko vaívagui.
6Iñañáva ári omongýne
tatapỹi ha tata rendy,
ha yvytu rakúpe
chupe kuéra ombokusuguéne.
7Ñandejára niko heko joja,
ha ohayhu teko joja.
Chupe ohecháne imarangatúva.
Currently Selected:
Salmos 11: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
