Salmos 114
114
Egíptogui oñesẽ ramo guare
1Israel osẽ ramo guare
Egíptogui,#Ex 12.51.
tetã ambuégui osẽ ramo
Jacob ñemoñare,
2Ñandejára ojapo Judágui hekoha,
Israélgui hetã.#Ex 15.17; Sal 78.54.
3Yguasu oguevi#Ex 14.21; Jos 3.14-17; Sal 66.6; 77.17-21.
ohechávo chupe kuéra,
ha Jordán ndosyryvéi.
4Yvyty rusu
kavaráicha opopo,
ha umi yvyty katu
ovecha ra'ýicha.
5Mba'éiko ojehu ndéve yguasu
ajeve reguevi?
Mba'éiko ojehu ndéve Jordán
ajeve nderesyryvéi?
6Peẽ yvyty rusu:
Mba'éreiko kavaráicha pepopo?
Ha peẽ yvyty:
Mba'éreiko ovecha ra'ýicha pepopo?
7Eryrýike yvy
Ñandejára renondépe,
Jacob Tupã rovake.
8Itatýgui ha'e ojapo yrenda,
itágui katu ykua yvu.#Ex 17.1-7; Nm 20.2-13; Sal 107.35; 1 Co 10.4.
Currently Selected:
Salmos 114: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
