Salmos 113
113
Ñandejára ipy'a porã
1Aleluya.
Ñandejára rehe ojeroviáva
tomomba'e guasu chupe,
toguerohory héra.
2Ñandejára réra
toñemomba'e guasu,
ko'ágã ha opa ára.
3Kuarahy osẽ guive oike peve
héra toñemomba'e guasu.
4Ñandejára oĩ
tetã nguéra ári,#Sal 99.2.
imimbikue yvága rehe iñasãi.
5Tupã Ñandejaraichagua
ndaipóri,
ha'e oiko amo yvate,
6ha ojayvy omaña haguã
yvága ha yvýre.
7Yvýgui ha'e omopu'ã
imboriahúvape,
ha oikotevẽvape
pe oĩ vaivehágui.
8Poguasu kuéra apytépe
chupe omoĩ,
hetãgua poguasu apytépe
omohenda.#1 S 2.2-8; Lc 1.48-53.
9Kuña ikatu'ỹvagui imemby
ojapo óga jára
sy ramo ojeguereko haguã.
Aleluya.
Currently Selected:
Salmos 113: GPC2006
Highlight
Copy
Compare
Share
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
