Zakaliya Cizivukiso
Cizivukiso
Vanu va mu Yelusalema vakele mu vukalu. Vashangumukile kutungulula Njuvo ya Shukulu Kalunga, oloni Njuvo ya Shukulu Kalunga yaiha kuyaamene ngwe ije yalaja. Kukwakele mwene wa ku naanga ya Ndaviti, Yunda yapwile lika ka mutambela kakandondo ka ku vumwene vwa Mende na Pelesha.
Mutambela wakulivanga mu livulu eli (1–8) Zakaliya endeka muje mwamumwesele Shukulu Kalunga vimona vitanu na vitatu vyakulumbunuka mwamuvwa ngeci vikwase vanu kuhyana vukalu ovu. Litangwa limo, mwene uje wakwangula kuli Shukulu Kalunga waangwile Zelumbambele kupwa nguvulu, co Yoshwa wapwile Muka-kukombelela Wakama, co vakevo vakele na moko ali vanu va Shukulu Kalunga.
Mutambela wamucivali mu livulu eli (9–11) Shukulu Kalunga wakulaesele ngeci akanyanyamesa miyati yaingi ya vanu vaje vali muyehi amo na vantwama va mu Yunda vaje kuvakulaelele.
Mutambela wamucitatu (12–14) Shukulu Kalunga walekele Zakaliya majwi aa simbu ije ikaija kulutwe, omo Yelusalema na Yunda vakavalwisa ku miyati ya vanu veka, oloni Shukulu Kalunga akasholoka nakwamena vanu vendi. Vakatengulukila kuli ikeye, co akavasambesa.
Asinoni minkinda ije yazengelekele Yelusalema vakainyekumwisa, oloni Yelusalema anga ikakala akamwa ya lifuti lije lyazengelekako. Vana va vindonga vaketisa mema amavwa kutunda ku Yelusalema, co vanu voshe va asi vakalemesa Shukulu Kalunga.
Shukulu Kalunga wakulaesele ngeci litangwa limo akaangwila vanu vendi mwene. Mu livulu lya Lizivasano Lyaliha Mateo na Yowano voshe vatumbula mutambela umo wa kaangununo ka mu livulu lya Zakaliya kumwesa ngeci Njambi waangwile Yesu kupwa mwene uje.
Kulumbununa vyuma vili mu livulu
Cimona cakulivanga, tuvalu na vaka-kulondao 1:1-17
Cimona camucivali, vimbinga vya tusitu 1:18-21
Cimona camucitatu, mukole wakusetekesa 2:1-13
Cimona camuciwana, Yoshwa na Satana 3:1-10
Cimona camucitanu, citumbikilo ca ndeya na miti ya olive 4:1-14
Cimona camucitanu na cimo, livulu lyakuzenga lipulula 5:1-4
Cimona camucitanu na vivali, munakazi mu mutonga 5:5-11
Cimona camucitanu na vitatu, matemba awana 6:1-8
Kulinyenga nakulisamba 6:9–8:23
Shukulu Kalunga akapatula vanu vendi nakunyanyamesa vitozi vavo 9:1–11:3
Vantwama va Isalele vanapu tunyungi vangoco 11:4-17
Kuhyana kwa Yelusalema 12:1-9
Vanu vakalinyenga nakwiluka kuli Shukulu Kalunga 12:10–13:9
Nzita yakumaneselela nakuhyana kwa Shukulu Kalunga 14:1-21
Currently Selected:
Zakaliya Cizivukiso: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006