Hangai 2
2
Vuvwa vwa Njuvo ya Shukulu Kalunga yaiha
1A litangwa lyamumakumi avali na limo ku ngonde yamucitanu na vivali#2:1 NGONDE YAMUCITANU NA VIVALI: Ngonde ya Tishili (ikeye lalo Etanaime) mu ciHevelu inapu ngonde yamucitanu na vivali, kutunda akati ka Kapepo nakweta akati ka Lipepo (kenga 1:1). mu mwaka uje vene, Shukulu Kalunga wendekele lalo kuli Hangai muka-kwimanena. 2Shukulu Kalunga walekele Hangai kwendeka kuli Zelumbambele, nguvulu wa mu Yunda, na kuli Yoshwa Muka-kukombelela Wakama, na kuli vanu, ngwendi, 3#Eze 3:12 “Kwali umo akati keni uje acili nakwanuka vuvwa vwa Njuvo yange yalaja ndi? Vatijo munaimono muyinafu ololo? Inapu vene ngwe vyangoco. 4Oloni ololo kesi muzeye yeni voshe, pangeni vipangi, yange njili amo neni. 5#Kut 29:45-46 Omo mwatundile mu Ingito, njamikulaesele ngwange njikakala amo neni simbu yoshe. Co anga vene njili amo neni, ngecivene, kesi muzive lyova embwe.
6 #
VaHe 12:26
“Mu kasimbu lika kakandondo njikajajesa lilu na asi, na lifuti, na mema a kalunga. 7Co njikatundisa miyati yoshe ya vanu, na vyuma vyavo vyoshe vya seo vikaija kuno, co Njuvo yange ikashula na vufuko. 8Siliva yoshe na ngolinde yoshe ya mu lifuti vyapwa vyange. 9Njuvo yange yaiha ikapwa yaivwa manene kutuvakana ije yakulivanga. Co njikana vanu vange vuvwa na kwoloka.” Mwanendeka Shukulu Kalunga, Muka-nzili yoshe.
Muka-kwimanena ehula vaka-kukombelela
10A litangwa lyamumakumi avali na awana ku ngonde yamucitanu na viwana mu mwaka wamucivali omo Ndalyuse wapwile mwene, co Shukulu Kalunga wendekele lalo kuli Hangai muka-kwimanena ngwendi, 11“Ihula vaka-kukombelela cihula eci ngwove, 12‘Nga munu umo ambata cipuka ca situ yakujela a cikoveyo cendi, co omo enda cikoveyo cendi cimbola ku likende, nambe kuvyakulya vya kuteleka, nambe ku vinyu, nambe ku mazi a olive, nambe ku vyakulya vya muyati weka, co vyakulya vije vikajela ndi?’ ”
Omo vaka-kukombelela vavehwile, co vakumbulwile ngwavo, “Embwe.”
13 #
Kul 19:11-22
Asinoni Hangai wehwile ngwendi, “Nga munu umo nalijwalesa omo nakwatele a civimbi. Co nga akwata lalo a vyakulya, co vije vyakulya vikajwala ndi?”
Co vaka-kukombelela vakumbulwile ngwavo, “Eyo.”
14Asinoni Hangai wendekele ngwendi, Shukulu Kalunga alinakwendeka ngwendi, “Cuma eci vene cinalifu na vanu va muyati ou, na vyuma vyoshe vivalinga, ngecivene, vyuma vyoshe vivakombelela a mutula vinapu vyakujwala.”
Shukulu Kalunga akulaesa vivezikiso vyendi
15Shukulu Kalunga alinakwendeka ngwendi, “Kumwamwene vije vinalingiwa kuli yeni? Simbu kanda mushangumuke kutungulula Njuvo yange, 16mwaile ku mutumbo wa vimbuto ngeci mukashakeko makilo 200, oloni mwakawaneneko lika makilo 100. Mwaile mukutekula malita 100 a vinyu vyakutunda mu shuwa yakama, oloni mwawanene lika malita makumi awana. 17Njatumine litanya na nyonzi ya mamanya mukuviisa vyuma vyoshe vije mwakunine, oloni nameme ngoco kumwatengulukile. 18Lelo linapu litangwa lyamumakumi avali na awana ku ngonde yamucitanu na viwana, likelyo litangwa munamanesa luvula lwa Njuvo yange. Kengeni vije vikalingiwa lelo nakuya kulutwe. 19Nameme kukwesi vimbuto vyasalao, na mikolovozi ya vushuka vwa vinyu, na miti ya mikuyu, na mapomingilanete, na miti ya olive kanda iciime, oloni kutunda ku lelo na kulutwe njikamivezikisa.”
Cikulaeso ca Shukulu Kalunga kuli Zelumbambele
20A litangwa lije vene, litangwa lyamumakumi avali na awana ku ngonde ije vene, Shukulu Kalunga wendekele kuli Hangai simbu yamucivali ngwendi, 21“Leka Zelumbambele, nguvulu wa mu Yunda ngwove, njikajajesa lilu na asi, 22nakutundisa vumwene nakushika kwavwo. Njikafulumika matemba na vaka-kuwendesa, tuvalu vakatsa, co vaka-kulondao vakalitsiya umo na mukwavo. 23A litangwa lije vene njikakwambata yove Zelumbambele ngamba yange, co ukashwana mu lizina lyange. Yove vene injinaangula.” Mukemwo mwanendeka Shukulu Kalunga, Muka-nzili yoshe.
Currently Selected:
Hangai 2: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006