Myaso ya Solomoni 2
2
1Yange njinapu shani ya mu lifuti lya Shalone,
njinapu lin̄anda lya mu cimbongo ca minkinda.
Munalume
2Ngwe lin̄anda akati ka mambimbo,
mukemwo muunafu yove
muka-cizemo cange akati ka vanakazi.
Munakazi
3Ngwe muti wa apulu akati ka miti ya mu shwata,
Mukemwo muunafu yove muka-cizemo cange
akati ka vakwenje,
njizema kutumbama mu munzinze wove,
vushuka vwove vutovala mu kanwa kange.
4Wanjikovelesele mu njuvo yove ya
ciwano ca kulya, nakunjimwesa cizemo cove.
5Njikolese na likende lya mikolovozi ya
vushuka vwa vinyu vwakuma,
co njitakamese na maepulu!
Njilinakuvinja omwo cizemo.
6Aka livoko lyove lya cimoshwe kwisi ya mutwe wange,
co livoko lyove lya cilyo linjizembeleke.
7Yeni vanakazi va mu Yelusalema, njikulaeseni,
lisingeni ali vishonge na vimbambi#2:7 VISHONGE NA VIMBAMBI: Tusitu ava vapwile vakuzila mu vipangi vya vunjambi mu simbu yalaja, vavayongwele kukala na nzili yakukomokesa.
va mu shwata ngeci kumukendula cizemo,
kuvanga noo cikeco vavenya cishaka.
Mwaso wamucivali
Munakazi
8Njinazivi lijwi lya muka-cizemo cange.
Alinakwija nakushatuka a minkinda,
alinakushatuka nakujombozoka
a malundu aija kuli yange.
9Muka-cizemo cange napu ngwe shonge nambe ngwe muna nava,
kenga, nemana kunima ya civumbe ca njuvo yetu.
Alinakunjikengela mu njanena
nakunjishumbilila mu vimbengwa vya njanena.
10Muka-cizemo cange wendekele kuli yange ngwendi,
Munalume
“Induka, muka-cizemo cange,
mwoni wange, ija tuye amo.
11Kenga, cisika cinahu, co nyonzi inahu.
12Vishani vilinakushamwina mu lifuti.
Simbu inete tuzila vaimbe myaso,
tutela valinakwimba myaso mu lifuti lyetu.
13Mikuyu ilinakushangumuka kuhya,
co miti ya mikolovozi ya vushuka vwa
vinyu ilinakushamwina nakunikisa lihunzi
lwengo lwaluvwa.
Ija, muka-cizemo cange,
mwoni wange, ija tuye amo.
14Yove unafu ngwe katela
uje wakala mu myanzi ya mamanya.
Njimwese cihanga cove cacivwa,
co njizive lalo lijwi lyove lyalivwa.
15Tukwateleni vimbanje, vimbanje vavandondo,
simbu kanda vaviise vitungu
vya mikolovozi ya vushuka vwa vinyu ije ilinakushamwina.”
Munakazi
16Muka-cizemo cange unapu u wange,
nange njinapu nji wove,
Ulinakulisa matanga ove akati ka man̄anda,
17noo lihunzi lya mutondo lihuwa,
co lisusulungu lihwa.
Ilukamo, muka-cizemo cange pwa ngwe shonge,
pwa ngwe muna nava wa a minkinda ya Mbetele.
Currently Selected:
Myaso ya Solomoni 2: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006