Myaso 43
43
Lilombelo lya munu wa mu vunzinda
(Majwi akutunda ku Myaso 42)
1Njisompele yove Njambi,
nakunjakwila mulonga wange
ku muyati wa kukomoka Njambi,
njamene ku vaka-makuli na vaka-vuvi!
2Yove unapu u cimpaka cange,
omwo vikajo unanjisezela?
Omwo vikajo njilinakuyandela
ku muuka wa vitozi vange?
3Twisa ceke cove na vushunga vwove,
ngeci vinjitwamenene nakunjitwala ku Siyone,
lilundu lyove lyakujela,
na ku Njuvo yove kuje kuwakala!
4Asinoni njikaya ku mutula wove yove Njambi,
yove muka-kunjivwaelelesa,
co njikaimba kalyalya kange
nakwimba myaso yakukushangazala yove Njambi,
Njambi yange!
5Omwo vikajo njinaviilila?
Omwo vikajo njilinakulinyengela?
Njikaka cinyangavili cange muli Njambi,
co njikamushangazala lalo,
muyoyesi wange, na Njambi yange.
The Bible in Mbunda ©The Bible Society of Zambia, 2006