Myaso 32
32
Kulitavela nakusambesa
Mwaso wa Ndaviti
1Navezika munu uje ivanasambesa ku milonga yendi,
munu uje vuvi vwendi vanavufwiki.
2 #
Lom 4:7-8
Navezika munu uje Shukulu Kalunga
kamulavela lalo vivi vyendi,
munu uje kesi na makuli mu mbunge yendi.
3Muvila wange wazeyele,
omo kunjalitavelele vuvi vwange,
co njakele nakukemanga litangwa lyoshe.
4Mutanya na vutsiki Shukulu Kalunga wanjihisile,
co nzili yange yoshe yahwile
ngwe mulikomu litukuta lya nyangao.
5Njalitavelele vivi vyange kuli yove,
co kunjakushwekelele vuvi vwange,
njalyendekesele mu mbunge yange ngwange,
“Njikalitavela vivulumuna vyange
kuli yove Shukulu Kalunga,”
co yove wanjisambesele ku milonga ya vuvi vwange.
6Ngecivene, voshe vaka-kulongwa vanapande kulombela kuli yove
a simbu yakujeneka,
co omo tuyando twakama twija,
kutwasa kuvawana.
7Yove unapu cishwamo cange,
ukanjamena ku tuyando,
njikaimba nakutambeka akwamena kwove,
omwo yove ukanjinyungu.
8Shukulu Kalunga nendeka ngwendi,
“Njikakulongesa ngila ije iwunapande kwendelamo,
co njikakulongesa nakukunangula.
9Kesi mupwe ngwe kavalu
nambe kupanga ngwe cimulu,
vaje kuvesi na mana,
vaje vavendesa na cikuvo ca mu kanwa,
mukuvononwesa ngeci vende mwamuvwa.”
10Vaka-vuvi vakayanda,
oloni vaje vakulaela kuli Shukulu Kalunga
vakavanyunga na cizemo cendi
cije kucesi kutenguluka.
11Vwaeleleni nakujolela yeni vaka-vushunga,
omwo vije vyanalingi Shukulu Kalunga!
Tambekeni nakujolela yeni vaka-kumwononoka!
The Bible in Mbunda ©The Bible Society of Zambia, 2006