Myaso 16
16
Lilombelo lyakukulaela
Mwaso wa Ndaviti
1Yove Njambi njinyunge,
omwo muli yove mukemwo njiwana kuvanda.
2Njendeka kuli yove Shukulu Kalunga ngwange,
“Yove unapu u Shukulu yange,
vyuma vyoshe vyavivwa vinjilinavyo,
vyatunda kuli yove.”
3Vanu va Shukulu Kalunga vaje vakujela vali ano asi,
vanapu va vulemu,
njilinakuvwaelela muli vakevo.
4Vaje vapangela vinjambi veka, valikokela tuyando twakama,
oloni yange kunjikalipandakana navo ku vin̄ombelo vyavo,
nambe kulemesa vinjambi vavo.
5Yove Shukulu Kalunga, yove lika wapwa wange,
unjana vyoshe vinjajena,
kuyoya kwange kwoshe kuli mu mavoko ove.
6Vwana vwove vunapu vwakukomokesa,
vukevwo vwavuvwa manene kuli yange!
7Njikushangazala yove Shukulu Kalunga,
omo unanjana mana.
Nameme simbu ya vutsiki mbunge yange injinangula.
8Simbu yoshe Shukulu Kalunga
ali muyehi nange mukunjikwasa,
co nacimo cai casa kunjizivisa lyova.
9Ngecivene, mbunge yange ivwaelela nakujolela,
co njikakala mwamuvwa kujeneka lyova,
10 #
Vil 13:35
omwo kuukanjiseze mu vukalo vwa vatsi,
nameme kutava muka-kujela wove ngeci akanyonge.
11 #
Vil 2:25-28
Unanjimwesa ngila itwala ku mwonyo,
co njivwaelela kukala kuyehi nove,
simbu yoshe njivwaelela akunyunga kwove.
The Bible in Mbunda ©The Bible Society of Zambia, 2006