Myaso 149
149
Mwaso wakushangazala
1Shangazaleni Shukulu Kalunga!
Imbeni mwaso wauha kuli Shukulu Kalunga,
mushangazaleni mu cikungulukilo ca vanu vendi va kulongwa!
2Vwaelela Isalele omwo Ishamatanga wove,
joleleni, yeni vanu va ku Siyone,
omwo ali mwene yeni!
3Shangazaleni lizina lyendi nakukina,
mwimbileni myaso yakumushangazala,
na vingoma na tulyalya.
4Shukulu Kalunga avwaelela ali vanu vendi,
asingimika vaka-kulikeesa nakuvahyanesa.
5Vanu va Njambi vavwaelele nakulisamba,
vaimbe nakujolela vutsiki vwoshe.
6Valisambe nakutambeka manene
omo vashangazala Njambi,
amo na mikwale yavo yakuvambuka
mu mavoko avo,
7mukufungulula nakuhisa miyati ya vanu,
8kukuta vimyene vavo na malyenge,
na vantwama vavo lalo na malyenge,
9kuhisa miyati ya vanu ngwe kukushika kwa Njambi.
Oku kukekwo kuhyana kwa vanu va Njambi!
Shangazaleni Shukulu Kalunga!
The Bible in Mbunda ©The Bible Society of Zambia, 2006