Myaso 113
113
Kushangazala vuvwa vwa Shukulu Kalunga
1Shangazaleni Shukulu Kalunga!
Shangazaleni lizina lyendi
yeni vangamba va Shukulu Kalunga!
2Lizina lyendi valishangazale ololo na ku myaka yoshe!
3Kutunda mu ngangela kutwala mu kangombe ka yambi,
vashangazale lizina lya Shukulu Kalunga!
4Shukulu Kalunga ali akamwa ya miyati yoshe,
vumpau vwendi lalo vuli akamwa ya melu.
5Kukwesi weka lalo wakulifwa na Shukulu Kalunga Njambi yetu,
ikeye wayoya akamwa ya akamwa,
6oloni ikeye amona vije vili mwilu nevi vili ano asi.
7Njambi atundisa tuutu mu likungu,
nakwindula vaka-kujeneka mu lito,
8nakuvapwisa amo na vana va vimyene,
vana va vimyene va vanu vendi.
9Shukulu Kalunga avezikisa mumba mu njuvo yendi,
amuvwaelelesa akumwana vana.
Shangazaleni Shukulu Kalunga!
The Bible in Mbunda ©The Bible Society of Zambia, 2006