Filipu Cizivukiso
Cizivukiso
Mukanda wa Paulu kuli vaka-Filipu vausonekelele ku cikungulukilo cakulivanga cije cashangumukile Paulu a livu lya Yulopu mu lifuti lya vaLoma lya Masendoniya. Paulu wasonekele ou mukanda omo wakele mu kamenga a simbu ije omo wakele mu vukalu vwakumulwisa kuli vakwavo vaka-Yesu mu vipangi. Co wazivile shwamwa a cilongesa ca makuli mu cikungulukilo ku Filipu. Oloni ou mukanda wanenele mbwase nakukulaela ngeci evi vyasa kulumbunuka lika nakukulalela manene kwa Paulu muli Yesu Kilistu.
Paulu wasonekele ou mukanda vwasi-vwasi mukukandelelal vaka-Yesu va ku Filipu a vwana vuje vuvamutuminine a simbu yendi yakujeneka. Paulu wapangesele eyi simbu mukuvaleka vyuma vyavivwa lalo, ngeci vasimpe nakukulalela manene a tuyando twendi na tuje twa vakwavo lalo. Paulu wavalambelelele mukukala na cifwa cakwononoka ngwe Yesu kutuvakana kukala na mashungu na kulyalesa. Paulu wavanukisile ngeci kuyoya kwavo na kulitombola na Kilistu kunapu vwana vwa kutetela kwa Njambi kuje vatambwile akukulalela, kesi akwononoka vilika vya Lishiko lya vaYunda embwe. Paulu wasonekele ou mukanda a mbwase na kwoloka vije vyaana Njambi kuli vaje vayoya mu kulitombola na Yesu.
Ou mukanda vausonekele nakusindakana a mbwase nakukulalela na kulitombola nakuyanda manene mukukulaela kwa vuka-Yesu nakuyoya. Co lalo ou mukanda usholola cizemo cakama cije cakele naco Paulu a cikungulukilo ca ku Filipu.
Kulumbununa vyuma vili mu mukanda
Cizivukiso 1:1-11
Cifwa cendi Paulu vavenya 1:12-26
Kuyoya muli Kilistu 1:27–2:18
Vutumbe ali Timateo na Epafolonditu 2:19-30
Kunangula vitozi na vushonde 3:1–4:9
Paulu na vasamba vendi va ku Filipu 4:10-20
Mamaneselelo 4:21-23
Currently Selected:
Filipu Cizivukiso: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006