Kulava Cizivukiso
Cizivukiso
Livulu lya Kulava lyendeka vin̄anda vya vaIsalele a simbu ya kuyehi na myaka makumi awana kutunda a simbu ije vatundile ku Munkinda wa Sinai noo vetele ku nginga ya mu ngangela ya lifuti lije Njambi wavakulaesele kuvanalyo. Lizina lya livulu eli vanalyesekesa na muje mwaila vin̄anda, cije kulava calingile Mosesa kuli vaIsalele a Munkinda wa Sinai simbu kanda valishandoke, na mu Mowavi lalo mu ngangela ya Yondau ku cisemwa cakukotokela. Mukati ka visimbu vivali vya kulava oku, vaIsalele vaile ku Kandeshe Mbaleneya a nginga ya mu mbwela ya Kanana, oloni kuje vene vonwele kukovela mu lifuti lije lya cikulaeso. Munima yakukala myaka yaingi muje mu mutambela, vaile ku mutambela wa mu ngangela ya Ndonga ya Yondau, vamo vavo vatumbamene kuje, oloni vakwavo valivwaeselele kujavuka ndonga kuya mu Kanana.
Livulu lya Kulava lituleka n̄anda ya vamu vaje vakele nakwonwa nakuziva lyova a visimbu vyakukaluwa, na vanu vaje vatengulukilile Njambi na Mosesa munalume uje yaangwile Njambi kuvatwamenena. Inapu n̄anda ya cikulaeso ca Njambi nakunyunga kwendi kuje kukwesi kuhwa kuli vanu vendi omwo vuvi vwavo nakujeneka kwononoka kwavo na cizemo cendi cije kucesi kutenguluka nakusimpa lalo kwa Mosesa nakulikundika kwendi kuli Njambi na kuli vanu vendi.
Kulumbununa vyuma vili mu livulu
Kulivwaesela kwa vaIsalele kutunda ku Munkinda wa Sinai 1:1–9:23
a. Kulava kwakulivanga 1:1–4:49
b. Mashiko na kushika kwakuliseza-seza 5:1–8:26
c. Ciwano ca Pasovala camucivali 9:1-23
Kutunda ku Munkinda wa Sinai nakweta ku Mowavi 10:1–21:35
Vije vyalingiwile mu Mowavi 22:1–32:42
Vungenzi mu vwihi kutunda ku Ingito nakweta ku Mowavi 33:1-49
Vilongesa simbu kanda vajavuke Yondau 33:5–36:13
Currently Selected:
Kulava Cizivukiso: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006