Mateo 28
28
Kusanguka kwa Yesu
(Mako 16:1-10; Luka 24:1-12; Yowano 20:1-10)
1Omo Litangwa Lyakuhwima lineti, a mungulungengu a litangwa lya Calumingo, Maliya Mangandalena na Maliya mukwavo vaile nakumona ku mbumbo. 2Vwasi-vwasi kwakele mandunduma, omwo kangelo ka mwene washulukile mwilu, watundisile limanya, co watumbameneo. 3Cifwa cendi cafwile ngwe muhyato, co vuzalo vwendi vwatokele to, ngwe memba. 4Co vaje mashwalale vaka-kunyungako vazivile lyova nakujaja, co vatsile nzanza-vuta.
5Oloni uje kangelo wendekele kuli vaje vanakazi ngwendi, “Kesi muzive lyova. Omwo njinazivuka ngwange mushakezeka Yesu, uje ivashukikile a cilindakano. 6Ikeye waimo muno, omwo nasanguka laja, ngwe muje mwamilekele. Ijeni mumone mu mwela muvamulangekele. 7Asinoni yeni vwasi mukaleke vandongisi vendi ngweni, ‘Nasanguka laja ku vatsi, co nai laja ku Ngalileya kuje vene kukekwo mukamumwena!’ Anukeni vinjinamileka.”
8Ngecivene, vwasi-vwasi vatundile ku mbumbo na lyova nakuvwaelela kwakama, co vashatukile nakukaleka vandongisi vendi.
9Co Yesu waliwanene navo nakwendeka ngwendi, “Kwoloka kukale neni.” Co vezile nakumukwata ku mendi, co vatsikamene nakumulemesa. 10Asinoni Yesu wendekele ngwendi, “Kesi muzive lyova. Yeni mukaleke vandolome vange vakaye ku Ngalileya, kukekwo vakanjimwena.”
Vukaleo vwa vaka-kunyunga
11Omo vaje vanakazi vatundileko, vamo mashwalale vaka-kunyunga ku mbumbo vaile ku nganda nakukaleka vakulunu va vaka-kukombelela vyuma vyoshe vije vyalingiwile kuje. 12Co omo vakulunu va vaka-kukombelela na vakulunu vakungulukile amo nakutumba vutumbe vwavo, vafwetele vimbongo vyavingi kuli mashwalale, 13vavashikile ngwavo, “Ambululeni ngweni vandongisi vendi vanezile vutsiki nakumwiva omo tunakele mu tulo. 14Co nga nguvulu akazivako, tukamuzika-zika, co yeni kumukakala na cuma cakumishotesa mbunge lalo.”
15Ngecivene, vaje vaka-kunyunga vatambwile vije vimbongo valingile ngwe muvavashikile. Co vukaleo ovu vwatsimanene akati ka vaYunda nakweta ku litangwa lyalelo.
Yesu alisholola kuli vandongisi vendi
(Mako 16:14-18; Luka 24:36-49; Yowano 20:19-23; Vilinga vya Miluwa 1:6-8)
16 #
Mat 26:32; Mak 14:28 Vandongisi likumi na umo vaile ku Ngalileya, ku munkinda kuje Yesu wavashikile ngeci vayeko. 17Co omo vamumwene, vamulemesele, oloni vamo vakele na vimata. 18Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo. 19#Vil 1:8 Ngecivene, yeni oni, ku miyati yoshe nakuvapwisa vandongisi vange, vambwitikeni mu lizina lya Tate, na Mwana, na Munzinzime Wakujela. 20Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”
Currently Selected:
Mateo 28: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Mateo 28
28
Kusanguka kwa Yesu
(Mako 16:1-10; Luka 24:1-12; Yowano 20:1-10)
1Omo Litangwa Lyakuhwima lineti, a mungulungengu a litangwa lya Calumingo, Maliya Mangandalena na Maliya mukwavo vaile nakumona ku mbumbo. 2Vwasi-vwasi kwakele mandunduma, omwo kangelo ka mwene washulukile mwilu, watundisile limanya, co watumbameneo. 3Cifwa cendi cafwile ngwe muhyato, co vuzalo vwendi vwatokele to, ngwe memba. 4Co vaje mashwalale vaka-kunyungako vazivile lyova nakujaja, co vatsile nzanza-vuta.
5Oloni uje kangelo wendekele kuli vaje vanakazi ngwendi, “Kesi muzive lyova. Omwo njinazivuka ngwange mushakezeka Yesu, uje ivashukikile a cilindakano. 6Ikeye waimo muno, omwo nasanguka laja, ngwe muje mwamilekele. Ijeni mumone mu mwela muvamulangekele. 7Asinoni yeni vwasi mukaleke vandongisi vendi ngweni, ‘Nasanguka laja ku vatsi, co nai laja ku Ngalileya kuje vene kukekwo mukamumwena!’ Anukeni vinjinamileka.”
8Ngecivene, vwasi-vwasi vatundile ku mbumbo na lyova nakuvwaelela kwakama, co vashatukile nakukaleka vandongisi vendi.
9Co Yesu waliwanene navo nakwendeka ngwendi, “Kwoloka kukale neni.” Co vezile nakumukwata ku mendi, co vatsikamene nakumulemesa. 10Asinoni Yesu wendekele ngwendi, “Kesi muzive lyova. Yeni mukaleke vandolome vange vakaye ku Ngalileya, kukekwo vakanjimwena.”
Vukaleo vwa vaka-kunyunga
11Omo vaje vanakazi vatundileko, vamo mashwalale vaka-kunyunga ku mbumbo vaile ku nganda nakukaleka vakulunu va vaka-kukombelela vyuma vyoshe vije vyalingiwile kuje. 12Co omo vakulunu va vaka-kukombelela na vakulunu vakungulukile amo nakutumba vutumbe vwavo, vafwetele vimbongo vyavingi kuli mashwalale, 13vavashikile ngwavo, “Ambululeni ngweni vandongisi vendi vanezile vutsiki nakumwiva omo tunakele mu tulo. 14Co nga nguvulu akazivako, tukamuzika-zika, co yeni kumukakala na cuma cakumishotesa mbunge lalo.”
15Ngecivene, vaje vaka-kunyunga vatambwile vije vimbongo valingile ngwe muvavashikile. Co vukaleo ovu vwatsimanene akati ka vaYunda nakweta ku litangwa lyalelo.
Yesu alisholola kuli vandongisi vendi
(Mako 16:14-18; Luka 24:36-49; Yowano 20:19-23; Vilinga vya Miluwa 1:6-8)
16 #
Mat 26:32; Mak 14:28 Vandongisi likumi na umo vaile ku Ngalileya, ku munkinda kuje Yesu wavashikile ngeci vayeko. 17Co omo vamumwene, vamulemesele, oloni vamo vakele na vimata. 18Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo. 19#Vil 1:8 Ngecivene, yeni oni, ku miyati yoshe nakuvapwisa vandongisi vange, vambwitikeni mu lizina lya Tate, na Mwana, na Munzinzime Wakujela. 20Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006