Mako Cizivukiso
Cizivukiso
Ku mavulu awana a mu Lizivasano Lyaliha, livulu lyaVin̄anda Vyavivwa vyasonekele Mako linapu livulu lyalindondo manene lije lyendeka akuyoya naa vilongesa vya Yesu, oloni muli vilinga vyakama lalo. Co kutunda akushangumuka vipangi vyendi, Yesu wapangele vikomokeso vyakama. Omo naangula vandongisi vawana (1:16-20), vwasi-vwasi wapangele vikomokeso vyavingi vyakukangwisa. Co akati ka vaje vaakangwisile akele munalume umo wakele na munzinzime wakujwala (1:21-28) na vainamweno ya Simoni (1:30, 31) na vimbunga vya vanu vaka-kuvinja (1:32-34) na munalume muka-mbumba (1:40-45). Mako wakele nakwilukila-ilukila kwendeka muje Yeu mwakangwisile vanu, kumwesa ngeci Yesu walingile vikomokeso evi mu nzili ya Njambi.
Vantwama va vuNjambi vavyanene kutambula Yesu. Eci cavanenelele kulilwisa (2:2-3:6), ngeci mamaneselelo vashakezekele ngila mwakumutsiila (11:18). Oloni minzinzime yakujwala yamwene nzili ya Yesu, co yamuzivukile ngeci wapwile Muna Njambi, nameme Yesu kayitavesele kulekako umo munu embwe.
Omu mu livulu munashulu na vikomokeso vije vyakomokesele vimbunga na vandongisi va Yesu. Oloni mu cifwa ca Mako, cikomokeso ca Yesu cakama cikeco tuyando na kutsa kwendi. Munu wakulivanga kuzivisisa cikomokeso eci wapwile lishwalale wa vaLoma uje wamwene muvatsiile Yesu a cilindakano, co wendekele ngwendi, “Ou munu mwa vushunga vene wapwile Muna Njambi! (15:39)”
Evi Vin̄anda Vyavivwa vaviyongwele kupwa vyakulivanga kuvisoneka. Kulumbunuka kwakama kwa majwi a ciAlamaiki na futisi ya vaYunda mu livulu lya Mako vanu vayongola ngeci Mako wasonekelele vaka-mafuti nambe vaka-Yesu vaje kesi vaYunda. Mako ashaka kwendeka vya Yesu nakutakamesa vaka-kukulaela ngeci vakulaele nzili ya Yesu mukuvapatula ku mishongo na ku minzinzime yakujwala na ku kutsa. Mako ashaka lalo kwanukisa ngeci mwonyo wauha wakukulaela kesi wawasi embwe, co vanapande kukavangeya Yesu akupangela vakwavo nakulivwaesela cimweja kuyanda ngwe mwayandele Yesu.
Vandongisi va Yesu vakulivanga kumona mu mbumbo mwamupulungwa vapwile vanakazi vatatu, co kangelo wavalekele ngwendi, “Kesi muzive lyova! Mulinakushakezeka Yesu wa ku Nazaleta uje ivashukikile a cilindakano. Njambi namusangula ku vatsi, waiko kuno (16:6).”
Kulumbununa vyuma vili mu livulu
Muzimbu wa Yowano Muka-kumbwitika (1:1-8)
Kumbwitika na vyeseko vya Yesu (1:9-13)
Yesu mu Ngalileya (1:14–9:50)
Yesu aya ku Yelusalema kutunda ku Ngalileya (10:1-52)
Simano ya Yesu yakumaneselela na vyeseko na kutsa kwendi (11:1–15:47)
Yesu ayoya (16:1-8)
Yesu alisholola kuli vandongisi vendi (16:9-20)
Currently Selected:
Mako Cizivukiso: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Mako Cizivukiso
Cizivukiso
Ku mavulu awana a mu Lizivasano Lyaliha, livulu lyaVin̄anda Vyavivwa vyasonekele Mako linapu livulu lyalindondo manene lije lyendeka akuyoya naa vilongesa vya Yesu, oloni muli vilinga vyakama lalo. Co kutunda akushangumuka vipangi vyendi, Yesu wapangele vikomokeso vyakama. Omo naangula vandongisi vawana (1:16-20), vwasi-vwasi wapangele vikomokeso vyavingi vyakukangwisa. Co akati ka vaje vaakangwisile akele munalume umo wakele na munzinzime wakujwala (1:21-28) na vainamweno ya Simoni (1:30, 31) na vimbunga vya vanu vaka-kuvinja (1:32-34) na munalume muka-mbumba (1:40-45). Mako wakele nakwilukila-ilukila kwendeka muje Yeu mwakangwisile vanu, kumwesa ngeci Yesu walingile vikomokeso evi mu nzili ya Njambi.
Vantwama va vuNjambi vavyanene kutambula Yesu. Eci cavanenelele kulilwisa (2:2-3:6), ngeci mamaneselelo vashakezekele ngila mwakumutsiila (11:18). Oloni minzinzime yakujwala yamwene nzili ya Yesu, co yamuzivukile ngeci wapwile Muna Njambi, nameme Yesu kayitavesele kulekako umo munu embwe.
Omu mu livulu munashulu na vikomokeso vije vyakomokesele vimbunga na vandongisi va Yesu. Oloni mu cifwa ca Mako, cikomokeso ca Yesu cakama cikeco tuyando na kutsa kwendi. Munu wakulivanga kuzivisisa cikomokeso eci wapwile lishwalale wa vaLoma uje wamwene muvatsiile Yesu a cilindakano, co wendekele ngwendi, “Ou munu mwa vushunga vene wapwile Muna Njambi! (15:39)”
Evi Vin̄anda Vyavivwa vaviyongwele kupwa vyakulivanga kuvisoneka. Kulumbunuka kwakama kwa majwi a ciAlamaiki na futisi ya vaYunda mu livulu lya Mako vanu vayongola ngeci Mako wasonekelele vaka-mafuti nambe vaka-Yesu vaje kesi vaYunda. Mako ashaka kwendeka vya Yesu nakutakamesa vaka-kukulaela ngeci vakulaele nzili ya Yesu mukuvapatula ku mishongo na ku minzinzime yakujwala na ku kutsa. Mako ashaka lalo kwanukisa ngeci mwonyo wauha wakukulaela kesi wawasi embwe, co vanapande kukavangeya Yesu akupangela vakwavo nakulivwaesela cimweja kuyanda ngwe mwayandele Yesu.
Vandongisi va Yesu vakulivanga kumona mu mbumbo mwamupulungwa vapwile vanakazi vatatu, co kangelo wavalekele ngwendi, “Kesi muzive lyova! Mulinakushakezeka Yesu wa ku Nazaleta uje ivashukikile a cilindakano. Njambi namusangula ku vatsi, waiko kuno (16:6).”
Kulumbununa vyuma vili mu livulu
Muzimbu wa Yowano Muka-kumbwitika (1:1-8)
Kumbwitika na vyeseko vya Yesu (1:9-13)
Yesu mu Ngalileya (1:14–9:50)
Yesu aya ku Yelusalema kutunda ku Ngalileya (10:1-52)
Simano ya Yesu yakumaneselela na vyeseko na kutsa kwendi (11:1–15:47)
Yesu ayoya (16:1-8)
Yesu alisholola kuli vandongisi vendi (16:9-20)
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006