Mateo 27
27
Yesu vamutwala kuli Pilato
(Mako 15:1; Luka 23:1-2; Yowano 18:28-32)
1Alikaki mutondo-tondo vakulunu va vaka-kukombelela voshe na vakulunu vatumbile matumbe avo akulwisa Yesu ngeci vamutsiye. 2Co vamukutile, co vamutwalele nakumwana kuli Pilato, nguvulu wa vaLoma.
Kutsa kwa Yundasa
(Vilinga vya Miluwa 1:18-19)
3 #
Vil 1:18-19
Omo Yundasa uje wamwendele vungungu, wamwene ngeci Yesu vanamuhisa laja, watengulukile, co welwisile vije vimbongo vya siliva makumi atatu kuli vakulunu va vaka-kukombelela na ku vakulunu. 4Wendekele ngwendi, “Njinalingi vuvi akwenda vungungu munu wakujeneka mulonga.”
Vamukumbulwile ngwavo, “Ovyo vikajo kuli yetu? Owo mulonga wove!”
5Co Yundasa wombilile vije vimbongo mu Njuvo ya Shukulu Kalunga, co waile nakulishukika.
6Oloni vakulunu va vaka-kukombelela vanonele vije vimbongo, vendekele ngwavo, “Evi vinapu vimbongo vya maninga, kucitava kuvyaka mu mbango ya mu Njuvo ya Shukulu Kalunga ngwe ku Mashiko etu.” 7Ngecivene, valizivasanene ngeci vavilande lihya lya Muka-kushonga Vindeo, ngeci lipwe lyakutsinda vangenzi. 8Ngecivene, vatumbwile lihya lije ngwavo, “Lihya lya Maninga,” kweta na ku litangwa lyalelo.
9 #
Zak 11:12-13
Asinoni vilingiwe vije vyendekele Njelemiya muka-kwimanena ngwendi, “Vambatele vimbongo vya siliva makumi atatu, ndando ije ivayongwele vanu va Isalele kumulandesa nayo. 10Co vavipangesele mukulanda lihya lya muka-kushonga vindeo, ngwe mwanjishikile Shukulu Kalunga.”
Pilato ehula Yesu
(Mako 15:2-5; Luka 23:3-5; Yowano 18:33-38)
11Yesu wemanene ku mesho a Pilato nguvulu wa vaLoma, co wamwihwile ngwendi, “Yove mwene wa vaYunda ndi?”
Yesu wamukumbulwile ngwendi, “Muunendeka mukemwo vene.” 12Oloni omo vakulunu va vaka-kukombelela na vakulunu vamuvangelele kakumbulwileko nambe lijwi limo.
13Asinoni Pilato wamwihwile ngwendi, “Kuwazivile vyuma evi vyavingi valinakukuvangela ndi?”
14Oloni Yesu kamukumbulwile nambe lijwi limo, ngecivene, Nguvulu wakomokele manene.
Yesu vamusompela kutsa
(Mako 15:6-15; Luka 23:13-25; Yowano 18:39—19:16)
15A ciwano na Ciwano ca Pasovala, nguvulu wakele na cilika cakwecela cinzinda uje vashakele vanu. 16Co a simbu ije kwakele cinzinda umo watsimanene manene, lizina lyendi Yesu Mbalambasa. 17Ngecivene, omo mbunga ya vanu vakungulukile, co Pilato wavehwile ngwendi, “Iyajo mushaka ngeci njimyeceleye? Yesu Mbalambasa nambe Yesu uje ivatumbula Kilistu?” 18Omwo Pilato wazivukile ngeci vakulunu va vaYunda vanenele Yesu kuli ikeye omwo vakele na lifuwa.
19Omo Pilato watumbamene a litanda lyakusompa, munakazi wendi watumine majwi kuli ikeye ngwendi, “Kesi ulinge cuma cimo ali munu owo wakujeneka mulonga, omwo njozi njinaloto ya ali ikeye inanjiyandesa manene.”
20Vakulunu va vaka-kukombelela na vakulunu vashongangeyeye ije mbunga ngeci valombe Pilato ecele Mbalambasa, co Yesu vamutsiye. 21Oloni Pilato wavehwile lalo ngwendi, “Iyajo umo akati kaava vavali imushaka ngeci njimyeceleye?”
Vamukumbulwile ngwavo, “Mbalambasa.”
22Pilato wavehwile ngwendi, “Vikoni njikalinga na Yesu ou ivatumbula Kilistu?”
Co voshe vatambekele ngwavo, “Mushukike a cilindakano!”
23Oloni Pilato wavehwile lalo ngwendi, “Mulonga ukajo wanalingi?”
Oloni vatambekele manene ngwavo, “Vamushukike!”
24 #
Kwi 21:6-9
Omo Pilato wamwene ngeci nomu mwalinga vene mwai, oloni lwozi lunasa kushangumuka, wambatele mema, wajwelele ku mavoko endi ku mesho a mbunga, co wendekele ngwendi, “Yange kunjesi na mulonga a kutsa kwa munu ou! Ou mulonga weni vavenya.”
25Co voshe vamukumbulwile ngwavo, “Maninga endi aije ali yetu na ali vana vetu!”
26Asinoni Pilato wecelele Mbalambasa, co wapupile Yesu makote, co wavaneneye ngeci vakamushukike a cilindakano.
Mashwalale vashendumuna Yesu
(Mako 15:16-20; Yowano 19:2-3)
27Asinoni mashwalale va Pilato vakovelesele Yesu mu lipela lya nguvulu, co mbunga yoshe ya mashwalale vamuzengelekele. 28Co vamushulwile vuzalo vwendi, co vamuzikile cikoveyo cacilaja cakuvenga. 29Co vavindile cilongo ca minango ya mambimbo vacakele ku mutwe wendi, co vamwakele citi mu livoko lyendi lya cilyo, vatsikamene a mavuli ku mesho endi vamushendumwine ngwavo, “A vulye Mwene wa vaYunda!” 30Co vamujekwilile mate, co vamutambwile cije citi, vamupupisileco ku mutwe. 31Co omo vamanesele kumushendumuna, vamushulwile cije cikoveyo, vamuzikile lalo vuzalo vwendi. Asinoni vamutwalele anja ngeci vakamushukike a cilindakano.
Yesu vamushukika a cilindakano
(Mako 15:21-32; Luka 23:26-43; Yowano 19:17-27)
32Omo vakele nakuya, valiwanene na munalume umo wa ku Silene, lizina lyendi Simoni, co mashwalale vamusindiiye ngeci ambate cilindakano ca Yesu. 33Co omo vetele ku mutambela umo uvatumbwile ngwavo, Ngolongota, kulumbunuka ngwavo, “Mutambela wa Cikola.” 34#Mya 69:21 Vaanene Yesu vinyu vyakukumbasana na nyanga ngeci anwe, oloni omo wavimakelele, wavyanene kuvinwa.
35 #
Mya 22:18
Co omo vamushukikile a cilindakano, vatele n̄ela akulipangela vuzalo vwendi. 36Asinoni vatumbamene asi nakumunyunga. 37Co vasonekele mukanda wa majwi aje vamuhisile nawo, vawakele akamwa ya mutwe wendi ngwavo, “Ou ikeye Yesu Mwene ya vaYunda.” 38Asinoni vashukikile lalo amo nendi vezi vavali, umo ku livoko lyendi lya cilyo, mukwavo ku livoko lyendi lyacimwoshwe.
39 #
Mya 22:7; 109:25 Co vanu vakele nakwita kuje vaningangesele mitwe yavo nakushaula Yesu, 40#Mat 26:61; Yow 2:19 co vendekele ngwavo, “Yove wendekele ngwove ukasiwula Njuvo ya Shukulu Kalunga, co ukaitunga lalo a matangwa atatu! Lyamene yove vavenya nga u muna Njambi! Shuluka a cilindakano!”
41Mu ngila eyi vene vakulunu va vaka-kukombelela na valongisi va majwi a Lishiko na vakulunu vamushendumwine ngwavo, 42“Wovwele vakwavo, oloni kasa kulyovola ikeye vavenya! Kuma kesi ikeye mwene wa Isalele ndi? Ashuluke a cilindakano ololo, co tukamukulaela! 43#Mya 22:8 Wakulaelele muli Njambi, co wendekele ngwendi, ‘Nji Muna Njambi.’ Asinoni tumoneni nga Njambi amwamena.”
44Nameme vezi lalo vaje vavashukikile amo nendi vamushawile mu cifwa cimo.
Kutsa kwa Yesu
(Mako 15:33-41; Luka 23:44-49; Yowano 19:28-30)
45Kushangumuka akati ka mutwe, kwakele lisusulungu mu lifuti lyoshe, a maola atatu. 46#Mya 22:1 Omo kwetile maola atatu, co Yesu watambekele na lijwi lyakama ngwendi, “Eloi, Eloi, lama sambakatani?” Kulumbununa ngwavo, “Njambi yange, Njambi yange, vikajo unanjisezela?”
47Co vanu vamo vaje vemanene kuje, omo vazivileko vendekele ngwavo, “Alinakusana Elinja!” 48#Mya 69:21 Co aje vene umo wavo washatukile vwasi, wanonele mupelo, waujavekele mu vinyu vyakulula, wawakele ku shongo ya lihongo, co wamunwisile.
49Oloni vakwavo vendekele ngwavo, “Vandamena tumone nga Elinja aija nakumwamena!”
50Co Yesu watambekele na lijwi lyakama, co wecelele mwonyo wendi.
51 #
Kut 26:31-33
Asinoni nanga ije yakele nakujenjela mu Njuvo ya Shukulu Kalunga yatavukile akati, kutunda kwilu nakweta asi. Co asi ajajele na mamanya atavukile, 52vimbumbo lalo vyashokolokele, co vaka-kujela vavangi vaje valalele muje vasangukile. 53Co vatundile mu vimbumbo, co omo Yesu wasangukile ku vatsi, vaile ku Nganda Yakujela, kuje vanu vavangi vavamwene.
54Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”
55 #
Luk 8:2-3
Kuje kwakele vanakazi vavangi vakele kuje, vakele kulyala nakukengelela, vaje vakavele Yesu kutunda ku Ngalileya nakumukwasa. 56Akati kavo akele Maliya Mangandalena, Maliya vaina ya Yakomba na Yosefa, na munakazi wa Zembendeo.
Yesu vamutsinda
(Mako 15:42-47; Luka 23:50-56; Yowano 19:38-42)
57Omo vetele ku cingwezi, kwezile munalume umo wakufuka wa ku Alamatiya, lizina lyendi Yosefa, ikeye lalo wapwile ndongisi ya Yesu. 58Ikeye waile kuli Pilato nakulomba muvila wa Yesu. Asinoni Pilato washikile ngeci vamwanewo. 59Ngecivene, Yosefa wambatele muvila wa Yesu, wauzengelele a nanga yaiha ya linyu, 60co waulangekele mu mbumbo yendi yaiha, ije yacokwele mu limanya. Wandumwinine ku cikolo limanya lyakama, co waile. 61Maliya Mangandalena na Maliya mukwavo vatumbamene kuje, oku vanakenge ku mbumbo.
Vaka-kunyunga ku mbumbo
62Alikaki, lyapwile Litangwa Lyakuhwima, vakulunu va vaka-kukombelela na vaFaliseo vakungulukilile kuli Pilato, 63#Mat 16:21; 17:23; 20:19; Mak 8:31; 9:31; 10:33-34; Luk 9:22; 18:31-33 vendekele ngwavo, “Shukulu, twanuka uje muka-kukwisa omo wakele nakuyoya wendekele ngwendi, ‘Njikasanguka omo kuneti matangwa atatu.’ 64Ngecivene, shika vanyunge mwamuvwa ku mbumbo, noo a litangwa lyamucitatu, kutewa vandongisi vendi vakaija nakumwiva vutsiki, co vakaleka vanu ngwavo, nasanguka ku vatsi. Co makuli akukotokela akatuvakana makuli akulivanga.”
65Pilato wavalekele ngwendi, “Muli na mashwalale vaka-kunyunga, yeni mukanyunge mwamuvwa mbumbo.”
66Ngecivene, vaile, co vanyungile mwamuvwa mbumbo, vaakele cisateso a limanya, co vasezele mashwalale kunyungako.
Currently Selected:
Mateo 27: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Mateo 27
27
Yesu vamutwala kuli Pilato
(Mako 15:1; Luka 23:1-2; Yowano 18:28-32)
1Alikaki mutondo-tondo vakulunu va vaka-kukombelela voshe na vakulunu vatumbile matumbe avo akulwisa Yesu ngeci vamutsiye. 2Co vamukutile, co vamutwalele nakumwana kuli Pilato, nguvulu wa vaLoma.
Kutsa kwa Yundasa
(Vilinga vya Miluwa 1:18-19)
3 #
Vil 1:18-19
Omo Yundasa uje wamwendele vungungu, wamwene ngeci Yesu vanamuhisa laja, watengulukile, co welwisile vije vimbongo vya siliva makumi atatu kuli vakulunu va vaka-kukombelela na ku vakulunu. 4Wendekele ngwendi, “Njinalingi vuvi akwenda vungungu munu wakujeneka mulonga.”
Vamukumbulwile ngwavo, “Ovyo vikajo kuli yetu? Owo mulonga wove!”
5Co Yundasa wombilile vije vimbongo mu Njuvo ya Shukulu Kalunga, co waile nakulishukika.
6Oloni vakulunu va vaka-kukombelela vanonele vije vimbongo, vendekele ngwavo, “Evi vinapu vimbongo vya maninga, kucitava kuvyaka mu mbango ya mu Njuvo ya Shukulu Kalunga ngwe ku Mashiko etu.” 7Ngecivene, valizivasanene ngeci vavilande lihya lya Muka-kushonga Vindeo, ngeci lipwe lyakutsinda vangenzi. 8Ngecivene, vatumbwile lihya lije ngwavo, “Lihya lya Maninga,” kweta na ku litangwa lyalelo.
9 #
Zak 11:12-13
Asinoni vilingiwe vije vyendekele Njelemiya muka-kwimanena ngwendi, “Vambatele vimbongo vya siliva makumi atatu, ndando ije ivayongwele vanu va Isalele kumulandesa nayo. 10Co vavipangesele mukulanda lihya lya muka-kushonga vindeo, ngwe mwanjishikile Shukulu Kalunga.”
Pilato ehula Yesu
(Mako 15:2-5; Luka 23:3-5; Yowano 18:33-38)
11Yesu wemanene ku mesho a Pilato nguvulu wa vaLoma, co wamwihwile ngwendi, “Yove mwene wa vaYunda ndi?”
Yesu wamukumbulwile ngwendi, “Muunendeka mukemwo vene.” 12Oloni omo vakulunu va vaka-kukombelela na vakulunu vamuvangelele kakumbulwileko nambe lijwi limo.
13Asinoni Pilato wamwihwile ngwendi, “Kuwazivile vyuma evi vyavingi valinakukuvangela ndi?”
14Oloni Yesu kamukumbulwile nambe lijwi limo, ngecivene, Nguvulu wakomokele manene.
Yesu vamusompela kutsa
(Mako 15:6-15; Luka 23:13-25; Yowano 18:39—19:16)
15A ciwano na Ciwano ca Pasovala, nguvulu wakele na cilika cakwecela cinzinda uje vashakele vanu. 16Co a simbu ije kwakele cinzinda umo watsimanene manene, lizina lyendi Yesu Mbalambasa. 17Ngecivene, omo mbunga ya vanu vakungulukile, co Pilato wavehwile ngwendi, “Iyajo mushaka ngeci njimyeceleye? Yesu Mbalambasa nambe Yesu uje ivatumbula Kilistu?” 18Omwo Pilato wazivukile ngeci vakulunu va vaYunda vanenele Yesu kuli ikeye omwo vakele na lifuwa.
19Omo Pilato watumbamene a litanda lyakusompa, munakazi wendi watumine majwi kuli ikeye ngwendi, “Kesi ulinge cuma cimo ali munu owo wakujeneka mulonga, omwo njozi njinaloto ya ali ikeye inanjiyandesa manene.”
20Vakulunu va vaka-kukombelela na vakulunu vashongangeyeye ije mbunga ngeci valombe Pilato ecele Mbalambasa, co Yesu vamutsiye. 21Oloni Pilato wavehwile lalo ngwendi, “Iyajo umo akati kaava vavali imushaka ngeci njimyeceleye?”
Vamukumbulwile ngwavo, “Mbalambasa.”
22Pilato wavehwile ngwendi, “Vikoni njikalinga na Yesu ou ivatumbula Kilistu?”
Co voshe vatambekele ngwavo, “Mushukike a cilindakano!”
23Oloni Pilato wavehwile lalo ngwendi, “Mulonga ukajo wanalingi?”
Oloni vatambekele manene ngwavo, “Vamushukike!”
24 #
Kwi 21:6-9
Omo Pilato wamwene ngeci nomu mwalinga vene mwai, oloni lwozi lunasa kushangumuka, wambatele mema, wajwelele ku mavoko endi ku mesho a mbunga, co wendekele ngwendi, “Yange kunjesi na mulonga a kutsa kwa munu ou! Ou mulonga weni vavenya.”
25Co voshe vamukumbulwile ngwavo, “Maninga endi aije ali yetu na ali vana vetu!”
26Asinoni Pilato wecelele Mbalambasa, co wapupile Yesu makote, co wavaneneye ngeci vakamushukike a cilindakano.
Mashwalale vashendumuna Yesu
(Mako 15:16-20; Yowano 19:2-3)
27Asinoni mashwalale va Pilato vakovelesele Yesu mu lipela lya nguvulu, co mbunga yoshe ya mashwalale vamuzengelekele. 28Co vamushulwile vuzalo vwendi, co vamuzikile cikoveyo cacilaja cakuvenga. 29Co vavindile cilongo ca minango ya mambimbo vacakele ku mutwe wendi, co vamwakele citi mu livoko lyendi lya cilyo, vatsikamene a mavuli ku mesho endi vamushendumwine ngwavo, “A vulye Mwene wa vaYunda!” 30Co vamujekwilile mate, co vamutambwile cije citi, vamupupisileco ku mutwe. 31Co omo vamanesele kumushendumuna, vamushulwile cije cikoveyo, vamuzikile lalo vuzalo vwendi. Asinoni vamutwalele anja ngeci vakamushukike a cilindakano.
Yesu vamushukika a cilindakano
(Mako 15:21-32; Luka 23:26-43; Yowano 19:17-27)
32Omo vakele nakuya, valiwanene na munalume umo wa ku Silene, lizina lyendi Simoni, co mashwalale vamusindiiye ngeci ambate cilindakano ca Yesu. 33Co omo vetele ku mutambela umo uvatumbwile ngwavo, Ngolongota, kulumbunuka ngwavo, “Mutambela wa Cikola.” 34#Mya 69:21 Vaanene Yesu vinyu vyakukumbasana na nyanga ngeci anwe, oloni omo wavimakelele, wavyanene kuvinwa.
35 #
Mya 22:18
Co omo vamushukikile a cilindakano, vatele n̄ela akulipangela vuzalo vwendi. 36Asinoni vatumbamene asi nakumunyunga. 37Co vasonekele mukanda wa majwi aje vamuhisile nawo, vawakele akamwa ya mutwe wendi ngwavo, “Ou ikeye Yesu Mwene ya vaYunda.” 38Asinoni vashukikile lalo amo nendi vezi vavali, umo ku livoko lyendi lya cilyo, mukwavo ku livoko lyendi lyacimwoshwe.
39 #
Mya 22:7; 109:25 Co vanu vakele nakwita kuje vaningangesele mitwe yavo nakushaula Yesu, 40#Mat 26:61; Yow 2:19 co vendekele ngwavo, “Yove wendekele ngwove ukasiwula Njuvo ya Shukulu Kalunga, co ukaitunga lalo a matangwa atatu! Lyamene yove vavenya nga u muna Njambi! Shuluka a cilindakano!”
41Mu ngila eyi vene vakulunu va vaka-kukombelela na valongisi va majwi a Lishiko na vakulunu vamushendumwine ngwavo, 42“Wovwele vakwavo, oloni kasa kulyovola ikeye vavenya! Kuma kesi ikeye mwene wa Isalele ndi? Ashuluke a cilindakano ololo, co tukamukulaela! 43#Mya 22:8 Wakulaelele muli Njambi, co wendekele ngwendi, ‘Nji Muna Njambi.’ Asinoni tumoneni nga Njambi amwamena.”
44Nameme vezi lalo vaje vavashukikile amo nendi vamushawile mu cifwa cimo.
Kutsa kwa Yesu
(Mako 15:33-41; Luka 23:44-49; Yowano 19:28-30)
45Kushangumuka akati ka mutwe, kwakele lisusulungu mu lifuti lyoshe, a maola atatu. 46#Mya 22:1 Omo kwetile maola atatu, co Yesu watambekele na lijwi lyakama ngwendi, “Eloi, Eloi, lama sambakatani?” Kulumbununa ngwavo, “Njambi yange, Njambi yange, vikajo unanjisezela?”
47Co vanu vamo vaje vemanene kuje, omo vazivileko vendekele ngwavo, “Alinakusana Elinja!” 48#Mya 69:21 Co aje vene umo wavo washatukile vwasi, wanonele mupelo, waujavekele mu vinyu vyakulula, wawakele ku shongo ya lihongo, co wamunwisile.
49Oloni vakwavo vendekele ngwavo, “Vandamena tumone nga Elinja aija nakumwamena!”
50Co Yesu watambekele na lijwi lyakama, co wecelele mwonyo wendi.
51 #
Kut 26:31-33
Asinoni nanga ije yakele nakujenjela mu Njuvo ya Shukulu Kalunga yatavukile akati, kutunda kwilu nakweta asi. Co asi ajajele na mamanya atavukile, 52vimbumbo lalo vyashokolokele, co vaka-kujela vavangi vaje valalele muje vasangukile. 53Co vatundile mu vimbumbo, co omo Yesu wasangukile ku vatsi, vaile ku Nganda Yakujela, kuje vanu vavangi vavamwene.
54Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”
55 #
Luk 8:2-3
Kuje kwakele vanakazi vavangi vakele kuje, vakele kulyala nakukengelela, vaje vakavele Yesu kutunda ku Ngalileya nakumukwasa. 56Akati kavo akele Maliya Mangandalena, Maliya vaina ya Yakomba na Yosefa, na munakazi wa Zembendeo.
Yesu vamutsinda
(Mako 15:42-47; Luka 23:50-56; Yowano 19:38-42)
57Omo vetele ku cingwezi, kwezile munalume umo wakufuka wa ku Alamatiya, lizina lyendi Yosefa, ikeye lalo wapwile ndongisi ya Yesu. 58Ikeye waile kuli Pilato nakulomba muvila wa Yesu. Asinoni Pilato washikile ngeci vamwanewo. 59Ngecivene, Yosefa wambatele muvila wa Yesu, wauzengelele a nanga yaiha ya linyu, 60co waulangekele mu mbumbo yendi yaiha, ije yacokwele mu limanya. Wandumwinine ku cikolo limanya lyakama, co waile. 61Maliya Mangandalena na Maliya mukwavo vatumbamene kuje, oku vanakenge ku mbumbo.
Vaka-kunyunga ku mbumbo
62Alikaki, lyapwile Litangwa Lyakuhwima, vakulunu va vaka-kukombelela na vaFaliseo vakungulukilile kuli Pilato, 63#Mat 16:21; 17:23; 20:19; Mak 8:31; 9:31; 10:33-34; Luk 9:22; 18:31-33 vendekele ngwavo, “Shukulu, twanuka uje muka-kukwisa omo wakele nakuyoya wendekele ngwendi, ‘Njikasanguka omo kuneti matangwa atatu.’ 64Ngecivene, shika vanyunge mwamuvwa ku mbumbo, noo a litangwa lyamucitatu, kutewa vandongisi vendi vakaija nakumwiva vutsiki, co vakaleka vanu ngwavo, nasanguka ku vatsi. Co makuli akukotokela akatuvakana makuli akulivanga.”
65Pilato wavalekele ngwendi, “Muli na mashwalale vaka-kunyunga, yeni mukanyunge mwamuvwa mbumbo.”
66Ngecivene, vaile, co vanyungile mwamuvwa mbumbo, vaakele cisateso a limanya, co vasezele mashwalale kunyungako.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006