Mateo 22
22
Cisimo ca ciwano ca vulo
(Luka 14:15-24)
1Co lalo Yesu wapangesele visimo omo wendekele na vanu ngwendi, 2“Vumwene vwa mwilu vunalifu ngwe mwene walingile ciwano ca vulo vwa munendi wa munalume. 3Co watumine vangamba vendi mukuleka vaje vavalanyele ku ciwano, oloni vakevo vavyanene. 4Ngecivene, watumine vangamba vakwavo lalo kuli vaje vavalanyele ngwendi, ‘Kengeni, njavwaesa laja vyakulya vyange, vingombe vange na vimuna vange vakununa vanavatsii laja, co vyuma vyoshe vinavwaa laja. Ijeni ku ciwano ca vulo!’ 5Oloni vaje vavalanyele kuvombileko mbunge, vaile ku vipangi vyavo, umo waile ku lihya lyendi, mukwavo lalo waile ku venda yendi, 6vamoco vakwatele vaje vindungo, vavapupile nakuvatsiya. 7Mwene waluvalele manene, co watumine mashwalale vendi vaile nakutsiya vaje vatsiile vaje vindungo, co venyekele nganda yavo. 8Asinoni wendekele kuli vangamba vendi ngwendi, ‘Ciwano ca vulo vanacivwaesa laja, oloni vanu vaje vavalanyele kuvezileko. 9Ngecivene, yeni ku masambwa-ngila, co voshe vamuwanako vasaneni vaije ku ciwano.’ 10Ngecivene, vaje vangamba vaile kuje ku masambwa-ngila, co vanenele vanu voshe vaje vavawaneneko, vavavwa na ava vavavi, co ije njuvo ya ciwano ca vulo yashulile ya vanu.
11“Oloni omo mwene wakovelelemo mukumona vaje vangenzi, co wawanenemo munu umo uje kazalele cikoveyo ca ciwano ca vulo. 12Co mwene wamwihwile ngwendi, ‘Musamba, vatijo unakovelele muno kujeneka vuzalo vwa ciwano ca vulo?’ Oloni uje munu wolokele kuluu nacimo cai cendekele. 13#Mat 8:12; 25:30; Luk 13:28 Asinoni mwene walekele vangamba vendi ngwendi, ‘Mukuteni ku mavoko na ku mendi, co mumbileni anja mu lisusulungu, kuje akalila nakulingenjenga ku mayo.’ ”
14Co Yesu wamanesele kwendeka ngwendi, “Vavangi vanavalanya, oloni vavandondo lika vavanaangula.”
Cihula ca kufweta lisimu
(Mako 12:13-17; Luka 20:20-26)
15Asinoni vaFaliseo vaile nakutumba vutumbe ngeci vakamweseke na vihula. 16Co vatumine vandongisi vavo vamo kuli Yesu naveka lalo vaka-munga ya Helonde ngwavo, “Mulongisi, twazivuka ngwetu yove ukendeka vushunga, co ukalongesa vushunga vwa cizango ca Njambi ali munu, kujeneka kulipesa a viyongola vya vanu, omwo kuwesi kukenga ali munu nambe wapwa wa vulemu nambe kesi wa vulemu. 17Tuleke, wayongola vati? Kuma Lishiko lyetu livindika kufweta lisimu kuli Sezale mwene wa vaLoma indi embwe?”
18Oloni Yesu wazivukile laja viyongola vyavo na vutumbe vwavo vwavuvi, co wendekele ngwendi, “Yeni vaka-civembulu! Vikajo mulinakunjesekela? 19Njimweseni mbongo yakufweta lisimu!”
Co vamwanene mbongo imo, 20co wavehwile ngwendi, “Cihanga ceya na lizina lyeya evi viliho?”
21Vamukumbulwile ngwavo, “Vya Sezale.”
Asinoni Yesu wendekele kuli vakevo ngwendi, “Mwamuvwa, ngecivene, aneni kuli Sezale vije vinakundama kuli Sezale, co aneni kuli Njambi vije vinakundama kuli Njambi.”
22Omo vazivile ngacije, valikomokelele, co vamusezele vaile.
Cihula ca kusanguka ku vatsi
(Mako 12:18-27; Luka 20:27-40)
23 #
Vil 23:8
A litangwa lije vene vaSanduki vamo vezile kuli Yesu nakwendeka ngeci vanu kuvakasanguka ku vatsi. 24#Kwi 25:5 Vamwihwile ngwavo, “Mulongisi, Mosesa watusonekelele ngeci nga munalume umo kesi na vana atsa, ndolome yendi ambate uje fwile ngeci vakase kukala na vana ali uje natsi. 25Kwakele vandolome vatanu na vavali. Wa mukulunu wambatele munakazi, co watsile kujeneka vana, ngecivene, wasezele uje fwile kuli ndolome yendi. 26Cuma cimo calingiwile kuli ndolome yendi wamucivali, na kuli wamucitatu, co na kuli voshe vaje vatanu na vavali. 27Akukotoka kwa vyoshe evi uje munakazi watsile. 28A litangwa lije omo vatsi vakasanguka, uje munakazi akapwa weya akati ka vaje voshe vamwambatele vatanu na vavali?”
29Oloni Yesu wavakumbulwile ngwendi, “Yeni mwasevuka! Omwo kumuzivuka Visoneka nambe nzili ya Njambi. 30Omo vatsi vakasanguka, vakevo vakafwa ngwe tungelo vali mwilu, co kuvakambata. 31Co ngwe akusanguka kwa vatsi, kuma kumwalavele vije vyendekele Njambi kuli yeni ngwendi, 32#Kut 3:6 ‘Yange Njambi ya Avilahama na Njambi ya Isake na Njambi ya Yakomba.’ Ikeye wapwa Njambi wa vaka-kuyoya, kesi wa vaka-kutsa embwe.”
33Co omo vije vimbunga vazivileko, valikomokelele akulongesa kwendi.
Lishiko lyakama
(Mako 12:28-34; Luka 10:25-28)
34Omo vaFaliseo vazivile ngeci Yesu nolwesa vaSanduki, valikungulwile amolika, 35#Luk 10:25-28 co umo akati kavo wapwile mulongisi wa majwi a Lishiko, wamwihwile cihula cakumweseka. 36Wamwihwile ngwendi, “Mulongisi, lishiko mukajo lyakama ku Mashiko?”
37 #
Kwi 6:5
Co Yesu wamukumbulwile ngwendi, “Zema Shukulu Kalunga Njambi yove na mbunge yove yoshe, na mwonyo wove woshe, na mana ove oshe! 38Eli likelyo lishiko lyakama lyakulivanga. 39#VaLe 19:18; Kwi 6:5 Co lishiko lyamucivali lalo lyakufwa ngwe eli ngwalyo, ‘Unapande kuzema mukweni ngwe muwalizema yove vavenya.’ 40Mashiko oshe a Mosesa na vilongesa vya vaka-kwimanena vinemana a mashiko awa avali.”
Cihula ali Wakuvwavesa
(Mako 12:35-37; Luka 20:41-44)
41Omo vaFaliseo valikungulwile amo, Yesu wavehwile ngwendi, 42“Mulinakuyongola vati ali Wakuvwavesa? Ikeye napu mutekulwila weya?”
Vakumbulwile ngwavo, “Ikeye napu mutekulwila wa Ndaviti.”
43Yesu wavehwile ngwendi, “Omwo vikajo Munzinzime walongesele Ndaviti kwendeka ngwendi, ‘Mwene?’ Ndaviti wendekele ngwendi,
44 #
Mya 110:1
‘Shukulu Kalunga wendekele kuli Shukulu yange ngwendi,
Tumbama ku livoko lyange lya cilyo,
noo njinaka vitozi vove mwisi ya myanja yove.’
45“Nga Ndaviti wamutumbwile ngwendi, ‘Mwene,’ vatijo Wakuvwavesa asa kupwa mutekulwila wa Ndaviti?”
46Co naumo wai wasele kukumbulula Yesu tunde a litangwa lije, naumo wai lalo waashukile kumwihula lijwi limo.
Currently Selected:
Mateo 22: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Mateo 22
22
Cisimo ca ciwano ca vulo
(Luka 14:15-24)
1Co lalo Yesu wapangesele visimo omo wendekele na vanu ngwendi, 2“Vumwene vwa mwilu vunalifu ngwe mwene walingile ciwano ca vulo vwa munendi wa munalume. 3Co watumine vangamba vendi mukuleka vaje vavalanyele ku ciwano, oloni vakevo vavyanene. 4Ngecivene, watumine vangamba vakwavo lalo kuli vaje vavalanyele ngwendi, ‘Kengeni, njavwaesa laja vyakulya vyange, vingombe vange na vimuna vange vakununa vanavatsii laja, co vyuma vyoshe vinavwaa laja. Ijeni ku ciwano ca vulo!’ 5Oloni vaje vavalanyele kuvombileko mbunge, vaile ku vipangi vyavo, umo waile ku lihya lyendi, mukwavo lalo waile ku venda yendi, 6vamoco vakwatele vaje vindungo, vavapupile nakuvatsiya. 7Mwene waluvalele manene, co watumine mashwalale vendi vaile nakutsiya vaje vatsiile vaje vindungo, co venyekele nganda yavo. 8Asinoni wendekele kuli vangamba vendi ngwendi, ‘Ciwano ca vulo vanacivwaesa laja, oloni vanu vaje vavalanyele kuvezileko. 9Ngecivene, yeni ku masambwa-ngila, co voshe vamuwanako vasaneni vaije ku ciwano.’ 10Ngecivene, vaje vangamba vaile kuje ku masambwa-ngila, co vanenele vanu voshe vaje vavawaneneko, vavavwa na ava vavavi, co ije njuvo ya ciwano ca vulo yashulile ya vanu.
11“Oloni omo mwene wakovelelemo mukumona vaje vangenzi, co wawanenemo munu umo uje kazalele cikoveyo ca ciwano ca vulo. 12Co mwene wamwihwile ngwendi, ‘Musamba, vatijo unakovelele muno kujeneka vuzalo vwa ciwano ca vulo?’ Oloni uje munu wolokele kuluu nacimo cai cendekele. 13#Mat 8:12; 25:30; Luk 13:28 Asinoni mwene walekele vangamba vendi ngwendi, ‘Mukuteni ku mavoko na ku mendi, co mumbileni anja mu lisusulungu, kuje akalila nakulingenjenga ku mayo.’ ”
14Co Yesu wamanesele kwendeka ngwendi, “Vavangi vanavalanya, oloni vavandondo lika vavanaangula.”
Cihula ca kufweta lisimu
(Mako 12:13-17; Luka 20:20-26)
15Asinoni vaFaliseo vaile nakutumba vutumbe ngeci vakamweseke na vihula. 16Co vatumine vandongisi vavo vamo kuli Yesu naveka lalo vaka-munga ya Helonde ngwavo, “Mulongisi, twazivuka ngwetu yove ukendeka vushunga, co ukalongesa vushunga vwa cizango ca Njambi ali munu, kujeneka kulipesa a viyongola vya vanu, omwo kuwesi kukenga ali munu nambe wapwa wa vulemu nambe kesi wa vulemu. 17Tuleke, wayongola vati? Kuma Lishiko lyetu livindika kufweta lisimu kuli Sezale mwene wa vaLoma indi embwe?”
18Oloni Yesu wazivukile laja viyongola vyavo na vutumbe vwavo vwavuvi, co wendekele ngwendi, “Yeni vaka-civembulu! Vikajo mulinakunjesekela? 19Njimweseni mbongo yakufweta lisimu!”
Co vamwanene mbongo imo, 20co wavehwile ngwendi, “Cihanga ceya na lizina lyeya evi viliho?”
21Vamukumbulwile ngwavo, “Vya Sezale.”
Asinoni Yesu wendekele kuli vakevo ngwendi, “Mwamuvwa, ngecivene, aneni kuli Sezale vije vinakundama kuli Sezale, co aneni kuli Njambi vije vinakundama kuli Njambi.”
22Omo vazivile ngacije, valikomokelele, co vamusezele vaile.
Cihula ca kusanguka ku vatsi
(Mako 12:18-27; Luka 20:27-40)
23 #
Vil 23:8
A litangwa lije vene vaSanduki vamo vezile kuli Yesu nakwendeka ngeci vanu kuvakasanguka ku vatsi. 24#Kwi 25:5 Vamwihwile ngwavo, “Mulongisi, Mosesa watusonekelele ngeci nga munalume umo kesi na vana atsa, ndolome yendi ambate uje fwile ngeci vakase kukala na vana ali uje natsi. 25Kwakele vandolome vatanu na vavali. Wa mukulunu wambatele munakazi, co watsile kujeneka vana, ngecivene, wasezele uje fwile kuli ndolome yendi. 26Cuma cimo calingiwile kuli ndolome yendi wamucivali, na kuli wamucitatu, co na kuli voshe vaje vatanu na vavali. 27Akukotoka kwa vyoshe evi uje munakazi watsile. 28A litangwa lije omo vatsi vakasanguka, uje munakazi akapwa weya akati ka vaje voshe vamwambatele vatanu na vavali?”
29Oloni Yesu wavakumbulwile ngwendi, “Yeni mwasevuka! Omwo kumuzivuka Visoneka nambe nzili ya Njambi. 30Omo vatsi vakasanguka, vakevo vakafwa ngwe tungelo vali mwilu, co kuvakambata. 31Co ngwe akusanguka kwa vatsi, kuma kumwalavele vije vyendekele Njambi kuli yeni ngwendi, 32#Kut 3:6 ‘Yange Njambi ya Avilahama na Njambi ya Isake na Njambi ya Yakomba.’ Ikeye wapwa Njambi wa vaka-kuyoya, kesi wa vaka-kutsa embwe.”
33Co omo vije vimbunga vazivileko, valikomokelele akulongesa kwendi.
Lishiko lyakama
(Mako 12:28-34; Luka 10:25-28)
34Omo vaFaliseo vazivile ngeci Yesu nolwesa vaSanduki, valikungulwile amolika, 35#Luk 10:25-28 co umo akati kavo wapwile mulongisi wa majwi a Lishiko, wamwihwile cihula cakumweseka. 36Wamwihwile ngwendi, “Mulongisi, lishiko mukajo lyakama ku Mashiko?”
37 #
Kwi 6:5
Co Yesu wamukumbulwile ngwendi, “Zema Shukulu Kalunga Njambi yove na mbunge yove yoshe, na mwonyo wove woshe, na mana ove oshe! 38Eli likelyo lishiko lyakama lyakulivanga. 39#VaLe 19:18; Kwi 6:5 Co lishiko lyamucivali lalo lyakufwa ngwe eli ngwalyo, ‘Unapande kuzema mukweni ngwe muwalizema yove vavenya.’ 40Mashiko oshe a Mosesa na vilongesa vya vaka-kwimanena vinemana a mashiko awa avali.”
Cihula ali Wakuvwavesa
(Mako 12:35-37; Luka 20:41-44)
41Omo vaFaliseo valikungulwile amo, Yesu wavehwile ngwendi, 42“Mulinakuyongola vati ali Wakuvwavesa? Ikeye napu mutekulwila weya?”
Vakumbulwile ngwavo, “Ikeye napu mutekulwila wa Ndaviti.”
43Yesu wavehwile ngwendi, “Omwo vikajo Munzinzime walongesele Ndaviti kwendeka ngwendi, ‘Mwene?’ Ndaviti wendekele ngwendi,
44 #
Mya 110:1
‘Shukulu Kalunga wendekele kuli Shukulu yange ngwendi,
Tumbama ku livoko lyange lya cilyo,
noo njinaka vitozi vove mwisi ya myanja yove.’
45“Nga Ndaviti wamutumbwile ngwendi, ‘Mwene,’ vatijo Wakuvwavesa asa kupwa mutekulwila wa Ndaviti?”
46Co naumo wai wasele kukumbulula Yesu tunde a litangwa lije, naumo wai lalo waashukile kumwihula lijwi limo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006