Mateo 21
21
Yesu akovela na vumpau mu Yelusalema
(Mako 11:1-11; Luka 19:28-40; Yowano 12:12-19)
1Omo Yesu na vandongisi vendi vashwenyele kuyehi na Yelusalema, vetele ku Mbetefanje, ku Munkinda wa Oliveta. Asinoni Yesu watumine vandongisi vavali kulutwe 2wavashikile ngwendi, “Yeni ku limbo lije lili kulutwe lweni, co mukawana cimulu wa lwavo vanamukutu na munendi nemana kumukulo wendi, vazituleni munjinenelevo. 3Co nga munu umo akamivindika, mulekeni ngweni, ‘Vavenya#21:3 VAVENYA: Nambe, Mwene. avashaka, co akavelwisa vwasi.’ ”
4Evi vyoshe vyalingiwile ngeci visholoke vije vyendekele muka-kwimanena ngwendi,
5 #
Zak 9:9
“Lekeni nganda ya Siyone ngweni,
Kenga, mwene yove alinakwija kuli yove!
Wa kulikeesa, co nalondo a cimulu,
naa muna cimulu wamundondo.”
6Ngecivene, vandongisi vaile, co valingile vyoshe vije vyavashikile Yesu, 7vanenele uje cimulu na munendi, vajalele vikoveyo vyavo a myongo yavo, co Yesu watumbameneo. 8Mbunga ya vanu vajalele vikoveyo vyavo mu ngila, vamo vatetele minango ya mashakavale vaijalele lalo mu ngila. 9#Mya 118:25,26 Co mbunga ije yatwamene kulutwe naije mbunga yakavele munima yendi vashangumukile kutambeka ngwavo, “Wakushangazala Muna Ndaviti! Njambi amuvezikise uje aija mu lizina lya Mwene! Shangazaleni Njambi!”
10Omo Yesu wakovelele mu Yelusalema, co voshe vakele mu nganda valijujukilile ngwavo, “Iyajo ou?”
11Co mbunga ije vendekele ngwavo, “Ou ikeye Yesu muka-kwimanena wa ku Nazaleta mu Ngalileya.”
Yesu aya ku Njuvo ya Shukulu Kalunga
(Mako 11:15-19; Luka 19:45-48; Yowano 2:13-22)
12Co Yesu wakovelele mu Njuvo ya Shukulu Kalunga washekelemo voshe vaje vakele nakulanda nakulandulwilamo. Co wafulumikile vimesa vya vaje vakele nakulandakana vimbongo na vitumbamo vya vaje vakele nakulandesa mayembe, 13#Isa 56:7; Njele 7:11 co wendekele kuli vakevo ngwendi, “Vanasoneka mu Visoneka ngwavo Njambi wendekele ngwendi, ‘Njuvo yange vakaitumbula Njuvo yakulombelela.’ Oloni yeni munaipwisa mwela mwakuvanda vezi!”
14Co tupuputwa na vilema vezile kuli Yesu mu Njuvo ya Shukulu Kalunga, co wavakangwisile. 15Oloni vakulunu va vaka-kukombelela na valongisi va majwi a Lishiko valuvalele omo vamwene vikomokeso na vyuma vije vyalingile, co vazivile vanike vavandondo vatambekele mu Njuvo ya Shukulu Kalunga ngwavo, “Wakushangazala Muna Ndaviti!” 16#Mya 8:2 Ngecivene, vehwile Yesu ngwavo, “Unazivi evi valinakwendeka ava ndi?”
Yesu wavakumbulwile ngwendi, “Eyo njavizivi. Kuma kumwalavele mu visoneka ngwavo, ‘Mutunwa twa vanike na vimbututu mukemwo mukatunda kushangazala kwa vushunga ndi?’ ”
17Co Yesu wavasezele, watundile mu nganda waile ku Mbeteniya, co wakalalele kuje.
Yesu asinga muti wa mukuyu
(Mako 11:12-14,20-24)
18Alikaki mutondo, omo Yesu welukile ku nganda, co wazivile njala. 19Wamwene muti wa mukuyu kumukulo wa ngila, co waileko, oloni kawaneneko vushuka kuvanga maputa lika. Ngecivene, wendekele ku muti uje ngwendi, “Tunde ano kesi ukaime lalo vushuka!” Co aje vene uje muti womine cau.
20Omo vandongisi vamwene evi, co valikomokelele manene. Vamwihwile ngwavo, “Vatijo ou muti wa mukuyu unomu vwasi ngacije?”
21 #
Mat 17:20; 1 Koli 13:2 Co Yesu wavakumbulwile ngwendi, “Mwa vushunga njimileka ngwange, nga mukulaela nakujeneka vimata, mukasa kulinga evi vinjinalingi ku muti ou wa mukuyu. Co kesi evi lika embwe, oloni mukasa nameme kwendeka ku lilundu eli ngweni, ‘Katuka ulyumbile mu mema a kalunga,’ co likalyumbila vene. 22Nga mukulaela mukatambula vyuma vyoshe vimukalomba.”
Cihula ca moko ya Yesu
(Mako 11:27-33; Luka 20:1-8)
23Co omo Yesu wakovelele mu Njuvo ya Shukulu Kalunga, co omo wavalongesele, vakulunu va vaka-kukombelela na vakulunu vezile kuli ikeye, vamwihwile ngwavo, “Na moko yeyajo ulinakulinga nayo vyuma evi? Iyajo nakwana moko eyi?”
24Yesu wavakumbulwile ngwendi, “Nange lalo njimihula cihula cimo, co nga munjikumbululaco, asinoni nange lalo njikamileka kunjinawana moko yakulinga vyuma evi. 25Moko yambwitikile nayo Yowano yatundile kuli Njambi indi yatundile kuli munu? Njikumbululeni.”
Co vashangumukile kulikanangana akati kavo ngwavo, “Vatijo twendeka? Nga tukumbulula ngwetu, ‘Yatundile kuli Njambi,’ co endeka ngwendi, ‘Omwo vikajo kumwamukulaelele?’ 26Oloni nga twendeka ngwetu, ‘Yatundile kuli vanu,’ tuli na lyova lya vanu, omwo voshe vazivuka ngeci Yowano wapwile muka-kwimanena.” 27Ngecivene, vakumbulwile Yesu ngwavo, “Kutuzivuka.”
Co Yesu wendekele kuli vakevo ngwendi, “Nameme yange lalo kunjimileka kunjinawana eyi moko njilinakulinga nayo vyuma evi.”
Cisimo ca vana va vanalume vavali
28“Cooni yeni mwayongola vatijo? Munalume umo wakele na vana vendi va vanalume vavali. Co waile kuli uje wakulivanga, wamulekele ngwendi, ‘Munange, ya ukapange ku lihya lya mikolovozi ya vushuka vwa vinyu.’ 29Co wamukumbulwile ngwendi, ‘Kunjiiko,’ oloni kweta muje watengulwile viyongola vyendi, co waile ku lihya nakupanga. 30Asinoni waile kuli uje munendi wamucivali wendekele nendi cuma cimo. Co wamukumbulwile ngwendi, ‘Eyo tate njiya,’ oloni kaileko. 31Iyajo akati kaava vanu vavali walingile cizango ca ishavo?”
Vamukumbulwile ngwavo, “Uje mwana wa mukulunu.”
Ngecivene, Yesu wendekele kuli vakevo ngwendi, “Mwa vushunga njimileka ngwange, vaka-kutambula lisimu na vikwizi vakalivanga kukovela mu Vumwene vwa Njambi, yeni mukakotokela. 32#Luk 3:12; 7:29-30 Omwo Yowano Muka-kumbwitika wezile mukumimwesa ngila ya vushunga, co kumwamukulaelele, oloni vaka-kutambula lisimu na vikwizi vamukulaelele. Co nameme omo mwamwene evi, kumwatengulukile mu vimbunge vyeni ngeci mumukulaele.”
Cisimo ca vaka-kupanga mu citungu ca mikolovozi ya vushuka vwa vinyu
(Mako 12:1-12; Luka 20:9-19)
33 #
Isa 5:1-2
Yesu wavalekele ngwendi, “Tolilileni ku cisimo cikwavo. Kwakele munalume umo wakele na citungu ca mikolovozi ya vushuka vwa vinyu, wasitileko cipatanga, wendilemo citeke cakukamwina vinyu, co watungile kaposhi. Asinoni wasezele cije citungu ku vaka-kupanga, co waile vungenzi ku lifuti lyeka. 34Omo simbu yakuvuya vushuka yetele, watumine vindungo vendi kuli vaka-kupanga mukutambula litambelo lyendi ku vije vanateje. 35Co vaje vaka-kupanga vakwatele vaje vindungo, co vapupileo umo, mukwavo vamutsiile, co mukwavo vamwashele mamanya. 36Watumine vindungo veka vavangi kutuvakana vakulivanga, co anga vene vavalingile cifwa cimo. 37Akukotoka watumineko munendi wendekele ngwendi, ‘Mwa vushunga vakasingimika munange.’ 38Oloni omo vaka-vipangi vamwene munendi, valyendekesele akati kavo ngwavo, ‘Ou ikeye mwana wa vavenya citungu, ijeni tumutsiye, co tukafungula vufuko vwendi!’ 39Ngecivene, vamukwatele, vamumbilile anja ya citungu, co vamutsiile.”
40Yesu wavehwile ngwendi, “Omo vavenya citungu akaija, vatijo akalinga na vaje vaka-vipangi?”
41Vamukumbulwile ngwavo, “Akatsiya vaje vaka-vuvi, co akana cije citungu ku vaka-vipangi veka, vaje vakamwana-anako vushuka omo vuhya.”
42 #
Mya 118:22-23
Yesu wendekele kuli vakevo ngwendi, “Kumwalavele majwi awa mu visoneka ndi?
‘Limanya lije livavyanene vaka-kutunga
ngwe kulyesi na seo,
likelyo ololo linapu lya seo yakama
kutuvakana mamanya oshe.
Eci cikeco calingile Shukulu Kalunga,
co cinapu cakukomokesa kuli yetu!’ ”
43Ngecivene, Yesu wavalekele ngwendi, “Vumwene vwa Njambi vakavutundisa kuli yeni, co vakavwana kuli vanu vaje vononoka Njambi. 44Woshe atanuka a limanya eli likamutetanga vipuka-vipuka, co woshe likawila limanya eli akasanyozoka visanyu-visanyu.”#21:44 WOSHE ATANUKA...VISANYU-VISANYU: Kunungulula kumo vesi 44 yaimo.
45Omo vakulunu va vaka-kukombelela na vaFaliseo vazivile visimo vya Yesu, vazivukile ngeci Yesu navatela visimo evi mukuvalwisa, 46ngecivene, vashakele kumukwata. Oloni vazivile lyova lya mbunga ya vanu vaje vamwene ngeci Yesu napu muka-kwimanena.
Currently Selected:
Mateo 21: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Mateo 21
21
Yesu akovela na vumpau mu Yelusalema
(Mako 11:1-11; Luka 19:28-40; Yowano 12:12-19)
1Omo Yesu na vandongisi vendi vashwenyele kuyehi na Yelusalema, vetele ku Mbetefanje, ku Munkinda wa Oliveta. Asinoni Yesu watumine vandongisi vavali kulutwe 2wavashikile ngwendi, “Yeni ku limbo lije lili kulutwe lweni, co mukawana cimulu wa lwavo vanamukutu na munendi nemana kumukulo wendi, vazituleni munjinenelevo. 3Co nga munu umo akamivindika, mulekeni ngweni, ‘Vavenya#21:3 VAVENYA: Nambe, Mwene. avashaka, co akavelwisa vwasi.’ ”
4Evi vyoshe vyalingiwile ngeci visholoke vije vyendekele muka-kwimanena ngwendi,
5 #
Zak 9:9
“Lekeni nganda ya Siyone ngweni,
Kenga, mwene yove alinakwija kuli yove!
Wa kulikeesa, co nalondo a cimulu,
naa muna cimulu wamundondo.”
6Ngecivene, vandongisi vaile, co valingile vyoshe vije vyavashikile Yesu, 7vanenele uje cimulu na munendi, vajalele vikoveyo vyavo a myongo yavo, co Yesu watumbameneo. 8Mbunga ya vanu vajalele vikoveyo vyavo mu ngila, vamo vatetele minango ya mashakavale vaijalele lalo mu ngila. 9#Mya 118:25,26 Co mbunga ije yatwamene kulutwe naije mbunga yakavele munima yendi vashangumukile kutambeka ngwavo, “Wakushangazala Muna Ndaviti! Njambi amuvezikise uje aija mu lizina lya Mwene! Shangazaleni Njambi!”
10Omo Yesu wakovelele mu Yelusalema, co voshe vakele mu nganda valijujukilile ngwavo, “Iyajo ou?”
11Co mbunga ije vendekele ngwavo, “Ou ikeye Yesu muka-kwimanena wa ku Nazaleta mu Ngalileya.”
Yesu aya ku Njuvo ya Shukulu Kalunga
(Mako 11:15-19; Luka 19:45-48; Yowano 2:13-22)
12Co Yesu wakovelele mu Njuvo ya Shukulu Kalunga washekelemo voshe vaje vakele nakulanda nakulandulwilamo. Co wafulumikile vimesa vya vaje vakele nakulandakana vimbongo na vitumbamo vya vaje vakele nakulandesa mayembe, 13#Isa 56:7; Njele 7:11 co wendekele kuli vakevo ngwendi, “Vanasoneka mu Visoneka ngwavo Njambi wendekele ngwendi, ‘Njuvo yange vakaitumbula Njuvo yakulombelela.’ Oloni yeni munaipwisa mwela mwakuvanda vezi!”
14Co tupuputwa na vilema vezile kuli Yesu mu Njuvo ya Shukulu Kalunga, co wavakangwisile. 15Oloni vakulunu va vaka-kukombelela na valongisi va majwi a Lishiko valuvalele omo vamwene vikomokeso na vyuma vije vyalingile, co vazivile vanike vavandondo vatambekele mu Njuvo ya Shukulu Kalunga ngwavo, “Wakushangazala Muna Ndaviti!” 16#Mya 8:2 Ngecivene, vehwile Yesu ngwavo, “Unazivi evi valinakwendeka ava ndi?”
Yesu wavakumbulwile ngwendi, “Eyo njavizivi. Kuma kumwalavele mu visoneka ngwavo, ‘Mutunwa twa vanike na vimbututu mukemwo mukatunda kushangazala kwa vushunga ndi?’ ”
17Co Yesu wavasezele, watundile mu nganda waile ku Mbeteniya, co wakalalele kuje.
Yesu asinga muti wa mukuyu
(Mako 11:12-14,20-24)
18Alikaki mutondo, omo Yesu welukile ku nganda, co wazivile njala. 19Wamwene muti wa mukuyu kumukulo wa ngila, co waileko, oloni kawaneneko vushuka kuvanga maputa lika. Ngecivene, wendekele ku muti uje ngwendi, “Tunde ano kesi ukaime lalo vushuka!” Co aje vene uje muti womine cau.
20Omo vandongisi vamwene evi, co valikomokelele manene. Vamwihwile ngwavo, “Vatijo ou muti wa mukuyu unomu vwasi ngacije?”
21 #
Mat 17:20; 1 Koli 13:2 Co Yesu wavakumbulwile ngwendi, “Mwa vushunga njimileka ngwange, nga mukulaela nakujeneka vimata, mukasa kulinga evi vinjinalingi ku muti ou wa mukuyu. Co kesi evi lika embwe, oloni mukasa nameme kwendeka ku lilundu eli ngweni, ‘Katuka ulyumbile mu mema a kalunga,’ co likalyumbila vene. 22Nga mukulaela mukatambula vyuma vyoshe vimukalomba.”
Cihula ca moko ya Yesu
(Mako 11:27-33; Luka 20:1-8)
23Co omo Yesu wakovelele mu Njuvo ya Shukulu Kalunga, co omo wavalongesele, vakulunu va vaka-kukombelela na vakulunu vezile kuli ikeye, vamwihwile ngwavo, “Na moko yeyajo ulinakulinga nayo vyuma evi? Iyajo nakwana moko eyi?”
24Yesu wavakumbulwile ngwendi, “Nange lalo njimihula cihula cimo, co nga munjikumbululaco, asinoni nange lalo njikamileka kunjinawana moko yakulinga vyuma evi. 25Moko yambwitikile nayo Yowano yatundile kuli Njambi indi yatundile kuli munu? Njikumbululeni.”
Co vashangumukile kulikanangana akati kavo ngwavo, “Vatijo twendeka? Nga tukumbulula ngwetu, ‘Yatundile kuli Njambi,’ co endeka ngwendi, ‘Omwo vikajo kumwamukulaelele?’ 26Oloni nga twendeka ngwetu, ‘Yatundile kuli vanu,’ tuli na lyova lya vanu, omwo voshe vazivuka ngeci Yowano wapwile muka-kwimanena.” 27Ngecivene, vakumbulwile Yesu ngwavo, “Kutuzivuka.”
Co Yesu wendekele kuli vakevo ngwendi, “Nameme yange lalo kunjimileka kunjinawana eyi moko njilinakulinga nayo vyuma evi.”
Cisimo ca vana va vanalume vavali
28“Cooni yeni mwayongola vatijo? Munalume umo wakele na vana vendi va vanalume vavali. Co waile kuli uje wakulivanga, wamulekele ngwendi, ‘Munange, ya ukapange ku lihya lya mikolovozi ya vushuka vwa vinyu.’ 29Co wamukumbulwile ngwendi, ‘Kunjiiko,’ oloni kweta muje watengulwile viyongola vyendi, co waile ku lihya nakupanga. 30Asinoni waile kuli uje munendi wamucivali wendekele nendi cuma cimo. Co wamukumbulwile ngwendi, ‘Eyo tate njiya,’ oloni kaileko. 31Iyajo akati kaava vanu vavali walingile cizango ca ishavo?”
Vamukumbulwile ngwavo, “Uje mwana wa mukulunu.”
Ngecivene, Yesu wendekele kuli vakevo ngwendi, “Mwa vushunga njimileka ngwange, vaka-kutambula lisimu na vikwizi vakalivanga kukovela mu Vumwene vwa Njambi, yeni mukakotokela. 32#Luk 3:12; 7:29-30 Omwo Yowano Muka-kumbwitika wezile mukumimwesa ngila ya vushunga, co kumwamukulaelele, oloni vaka-kutambula lisimu na vikwizi vamukulaelele. Co nameme omo mwamwene evi, kumwatengulukile mu vimbunge vyeni ngeci mumukulaele.”
Cisimo ca vaka-kupanga mu citungu ca mikolovozi ya vushuka vwa vinyu
(Mako 12:1-12; Luka 20:9-19)
33 #
Isa 5:1-2
Yesu wavalekele ngwendi, “Tolilileni ku cisimo cikwavo. Kwakele munalume umo wakele na citungu ca mikolovozi ya vushuka vwa vinyu, wasitileko cipatanga, wendilemo citeke cakukamwina vinyu, co watungile kaposhi. Asinoni wasezele cije citungu ku vaka-kupanga, co waile vungenzi ku lifuti lyeka. 34Omo simbu yakuvuya vushuka yetele, watumine vindungo vendi kuli vaka-kupanga mukutambula litambelo lyendi ku vije vanateje. 35Co vaje vaka-kupanga vakwatele vaje vindungo, co vapupileo umo, mukwavo vamutsiile, co mukwavo vamwashele mamanya. 36Watumine vindungo veka vavangi kutuvakana vakulivanga, co anga vene vavalingile cifwa cimo. 37Akukotoka watumineko munendi wendekele ngwendi, ‘Mwa vushunga vakasingimika munange.’ 38Oloni omo vaka-vipangi vamwene munendi, valyendekesele akati kavo ngwavo, ‘Ou ikeye mwana wa vavenya citungu, ijeni tumutsiye, co tukafungula vufuko vwendi!’ 39Ngecivene, vamukwatele, vamumbilile anja ya citungu, co vamutsiile.”
40Yesu wavehwile ngwendi, “Omo vavenya citungu akaija, vatijo akalinga na vaje vaka-vipangi?”
41Vamukumbulwile ngwavo, “Akatsiya vaje vaka-vuvi, co akana cije citungu ku vaka-vipangi veka, vaje vakamwana-anako vushuka omo vuhya.”
42 #
Mya 118:22-23
Yesu wendekele kuli vakevo ngwendi, “Kumwalavele majwi awa mu visoneka ndi?
‘Limanya lije livavyanene vaka-kutunga
ngwe kulyesi na seo,
likelyo ololo linapu lya seo yakama
kutuvakana mamanya oshe.
Eci cikeco calingile Shukulu Kalunga,
co cinapu cakukomokesa kuli yetu!’ ”
43Ngecivene, Yesu wavalekele ngwendi, “Vumwene vwa Njambi vakavutundisa kuli yeni, co vakavwana kuli vanu vaje vononoka Njambi. 44Woshe atanuka a limanya eli likamutetanga vipuka-vipuka, co woshe likawila limanya eli akasanyozoka visanyu-visanyu.”#21:44 WOSHE ATANUKA...VISANYU-VISANYU: Kunungulula kumo vesi 44 yaimo.
45Omo vakulunu va vaka-kukombelela na vaFaliseo vazivile visimo vya Yesu, vazivukile ngeci Yesu navatela visimo evi mukuvalwisa, 46ngecivene, vashakele kumukwata. Oloni vazivile lyova lya mbunga ya vanu vaje vamwene ngeci Yesu napu muka-kwimanena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006