Mateo 23
23
Yesu anangula ngeci vanyanyame kuli valongisi va majwi a Lishiko na kuli vaFaliseo
(Mako 12:38-39; Luka 11:43,46; 20:45-46)
1Asinoni Yesu wendekele ku vimbunga na kuli vandongisi vendi ngwendi, 2“Valongisi va majwi a Lishiko na vaFaliseo vanavana moko yakunungulula Lishiko lya Mosesa. 3Ngecivene, munapande kuvononoka nakukavangeya vyuma vyoshe vije vamileka kuvilinga, oloni kesi mutembunwine vilinga vyavo, omwo vakevo kuvesi kulinga vije valinakwambulula. 4Vakakutu vitele vyakulema nakuvitwika a vitsili vya vanu, oloni vakevo vavenya kuvesi kujundulako nambe na mulavo umo mukukwasa vaje vajundula vije vitele. 5#Mat 6:1; Kul 15:38; Kwi 6:8 Vakevo vakalingi vyuma vyoshe ngeci vanu vavamone. Kengeni mikanda ije ili na visoneka ije vakakutiiya ku maolo avo na a mavoko avo, kengeni vukama vwavyo! Kengeni lalo kulaa kwa tundombe twa vuzalo vwavo!#23:5 TUNDOMBE TWA VUZALO VWAVO: Tundombe otu vatuzalele kupwa cimweso cakupangela Njambi. 6Co vakevo vazema myela ya vulemu ku viwano, na vitumbamo vyavivwa mu masinangonge, 7co vazema vanu kuvakandelela na kasingimiko mu mitambela yakulandesela nakuvatumbula ngwavo, ‘Mulongisi.’ 8Oloni yeni kuvapandele kumitumbula ngwavo, ‘Mulongisi,’ omwo yeni muli na mulongisi weni umolika, co yeni voshe munapu vasamba kuli umo na mukwavo. 9Co kumwapandele kutumbula munu umo wa ano asi ngweni, ‘Tatetu,’ embwe, omwo muli na Ishweni umolika mwilu. 10Nambe kesi vamitumbule ngwavo, ‘Ntwama,’ omwo muli na Ishweni umolika na ntwama yeni umolika ikeye Wakuvwavesa. 11#Mat 20:26-27; Mak 9:35; 10:43-44; Luk 22:26 Uje wakama akati keni ikeye napande kupwa ngamba yeni. 12#Luk 14:11; 18:14 Woshe alyamesa ikeye vavenya, vakamupwisa wamundondo, co woshe alikeesa ikeye vavenya vakamwamesa.
Yesu avahisa a civembulu cavo
(Mako 12:40; Luka 11:39-42,44,52; 20:47)
13“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa. 14Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukakwisa vifwile nakuvevila vinjuvo vyavo, co mukalimwesa ku vanu akulombela malombelo amalaja. Omwo a vyoshe evi, cihiso ceni cikapwa cakama manene.
15“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukendangana ku mema a kalunga na ku nunda ngeci muwaneko munu umo, co omo munamutengulula, visimbu vivali mumupwisa oni munu uje napande kuya ku tuhya twa myaka yoshe ngwe yeni!
16“Tuyando tweni, eni vantwama va tupuputwa! Yeni mukalongesa ngweni, ‘Nga munu alisinga na Njuvo ya Shukulu Kalunga kukwesi cimo, oloni nga alisinga na ngolinde ya mu Njuvo ya Shukulu Kalunga, ikeye nakutiwa.’ 17Eni tupuputwa va vilema! Omwo cuma mukajo cakama? Ngolinde nambe Njuvo ya Shukulu Kalunga ije ipwisa ngolinde ngeci ijele mu vipangi vya Njambi? 18Co yeni lalo mukalongesa ngweni, ‘Nga munu alisinga na mutula, ikeye kakutiwile na cisingo cendi, oloni nga alisinga na vwana vuje vuli a mutula, ikeye nakutiwa.’ 19Eni tupuputwa! Cuma mukajo cakama manene? Vwana nambe mutula uje upwisa vwana ngeci vujele mu vipangi vya Njambi? 20Ngecivene, omo munu alisinga na mutula, ikeye alisinga na vwana vwoshe vuliho, 21co woshe alisinga na Njuvo ya Shukulu Kalunga, co alisinga na Njambi uje wakalamo, 22#Isa 66:1; Mat 5:34 co woshe alisinga na lilu, alisingila kumo na litanda lya Njambi, na uje watumbamao.
23 #
VaLe 27:30
“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukaana kuli Njambi camulikumi nameme vyuma mukatovesa vyakulya, ngwe visapa-sapa amo akunika, na vyuma vyakunika lalo, na vije vyakunika vikwavo, oloni kumwesi kwononoka majwi a Lishiko lya Njambi, ngwe vushunga, na mema ku mbunge, nakukulaela. Evi munapande kuvilinga, kesi mulikele kulinga vikwavo. 24Eni vantwama va tupuputwa! Mukononoka nameme vilongesa vya Lishiko, oloni mukasezeo mutambela wa seo manene wa Lishiko lije kumuzivuka.
25“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukajelesa nganja na lilonga akamwa, oloni mukati munashulu na vyakulya vije munawana mu ngila ya muuka na kulyalesa. 26Eni tupuputwa va vaFaliseo! Akulivanga jeleseni mumbando ya nganja na lilonga, co mukajelesa akamwa!
27 #
Vil 23:3
“Tuyando tweni, valongisi va majwi a Lishiko na vaFaliseo! Eni vaka-civembulu! Yeni munapu ngwe vimbumbo vyakusalimba akamwa lika, oloni mukati munashulu vitsiya vya vatsi na vyakuvola vyeka na vyeka. 28Neni vanu lalo akumikenga, munapu ngwe mu vaka-vushunga, oloni mu vimbunge vyeni munashulu na civembulu na vivi.
Yesu avatuvilamo a cihiso cavo
(Luka 11:47-51)
29“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukatungu vimbumbo vya vaka-kwimanena akamwa nakuvwaesa vimbumbo vya vaka-vushunga, 30mwendeka ngweni, ‘Nga twakeleko a matangwa aje a vakukulwila vetu, nga kutwalingile vije vivalingile vyakutsiya vaka-kwimanena.’ 31Ngecivene, mwatavele vukaleo yeni vavenya ngweni, ‘Tu vatekulwila va vaje vatsiile vaka-kwimanena.’ 32Twaleniho, mumanese vije vashangumukile vakukulwila veni! 33#Mat 3:7; 12:34; Luk 3:7 Eni manyoka na vana va manyoka! Vatijo mutewa kusompa kwakuya ku tuhya twa myaka yoshe? 34Ngecivene, njimileka ngwange, njikamitumina vaka-kwimanena na vaka-mana, na valongisi va majwi a Lishiko, vamo mukavatsiya, co vakwavo mukavashukika a cilindakano, veka lalo mukavapupanga makote mu masinangonge eni, co mukavasheka ku nganda na nganda. 35#Kus 4:8; 2 Miz 24:20-21 Ngwe a fweto yakutsiya vanu voshe vaje vakujeneka mulonga, cihiso cikaija ali yeni, kutunda akutsiya Avele wakujeneka mulonga kweta akutsiya Zakaliya muna Mbelekiya, uje imwatsiilile mukati ka Njuvo ya Shukulu Kalunga na mutula. 36Mwa vushunga njimileka ngwange, cihiso coshe eci cikaija ali vanu va matangwa ano!
Cizemo ca Yesu a Yelusalema
(Luka 13:34-35)
37“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele! 38#Njele 22:5 Kengeni, Njuvo ya Shukulu Kalunga vakaiseza nakuyivala. 39#Mya 118:26 Omwo njikuleka ngwange, kutunda kulelo kuukanjimono lalo, embwe, kuvanga noo ukendeka ngwove, ‘Njambi amuvezikise uje aija mu lizina lya Mwene.’ ”
Currently Selected:
Mateo 23: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Mateo 23
23
Yesu anangula ngeci vanyanyame kuli valongisi va majwi a Lishiko na kuli vaFaliseo
(Mako 12:38-39; Luka 11:43,46; 20:45-46)
1Asinoni Yesu wendekele ku vimbunga na kuli vandongisi vendi ngwendi, 2“Valongisi va majwi a Lishiko na vaFaliseo vanavana moko yakunungulula Lishiko lya Mosesa. 3Ngecivene, munapande kuvononoka nakukavangeya vyuma vyoshe vije vamileka kuvilinga, oloni kesi mutembunwine vilinga vyavo, omwo vakevo kuvesi kulinga vije valinakwambulula. 4Vakakutu vitele vyakulema nakuvitwika a vitsili vya vanu, oloni vakevo vavenya kuvesi kujundulako nambe na mulavo umo mukukwasa vaje vajundula vije vitele. 5#Mat 6:1; Kul 15:38; Kwi 6:8 Vakevo vakalingi vyuma vyoshe ngeci vanu vavamone. Kengeni mikanda ije ili na visoneka ije vakakutiiya ku maolo avo na a mavoko avo, kengeni vukama vwavyo! Kengeni lalo kulaa kwa tundombe twa vuzalo vwavo!#23:5 TUNDOMBE TWA VUZALO VWAVO: Tundombe otu vatuzalele kupwa cimweso cakupangela Njambi. 6Co vakevo vazema myela ya vulemu ku viwano, na vitumbamo vyavivwa mu masinangonge, 7co vazema vanu kuvakandelela na kasingimiko mu mitambela yakulandesela nakuvatumbula ngwavo, ‘Mulongisi.’ 8Oloni yeni kuvapandele kumitumbula ngwavo, ‘Mulongisi,’ omwo yeni muli na mulongisi weni umolika, co yeni voshe munapu vasamba kuli umo na mukwavo. 9Co kumwapandele kutumbula munu umo wa ano asi ngweni, ‘Tatetu,’ embwe, omwo muli na Ishweni umolika mwilu. 10Nambe kesi vamitumbule ngwavo, ‘Ntwama,’ omwo muli na Ishweni umolika na ntwama yeni umolika ikeye Wakuvwavesa. 11#Mat 20:26-27; Mak 9:35; 10:43-44; Luk 22:26 Uje wakama akati keni ikeye napande kupwa ngamba yeni. 12#Luk 14:11; 18:14 Woshe alyamesa ikeye vavenya, vakamupwisa wamundondo, co woshe alikeesa ikeye vavenya vakamwamesa.
Yesu avahisa a civembulu cavo
(Mako 12:40; Luka 11:39-42,44,52; 20:47)
13“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa. 14Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukakwisa vifwile nakuvevila vinjuvo vyavo, co mukalimwesa ku vanu akulombela malombelo amalaja. Omwo a vyoshe evi, cihiso ceni cikapwa cakama manene.
15“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukendangana ku mema a kalunga na ku nunda ngeci muwaneko munu umo, co omo munamutengulula, visimbu vivali mumupwisa oni munu uje napande kuya ku tuhya twa myaka yoshe ngwe yeni!
16“Tuyando tweni, eni vantwama va tupuputwa! Yeni mukalongesa ngweni, ‘Nga munu alisinga na Njuvo ya Shukulu Kalunga kukwesi cimo, oloni nga alisinga na ngolinde ya mu Njuvo ya Shukulu Kalunga, ikeye nakutiwa.’ 17Eni tupuputwa va vilema! Omwo cuma mukajo cakama? Ngolinde nambe Njuvo ya Shukulu Kalunga ije ipwisa ngolinde ngeci ijele mu vipangi vya Njambi? 18Co yeni lalo mukalongesa ngweni, ‘Nga munu alisinga na mutula, ikeye kakutiwile na cisingo cendi, oloni nga alisinga na vwana vuje vuli a mutula, ikeye nakutiwa.’ 19Eni tupuputwa! Cuma mukajo cakama manene? Vwana nambe mutula uje upwisa vwana ngeci vujele mu vipangi vya Njambi? 20Ngecivene, omo munu alisinga na mutula, ikeye alisinga na vwana vwoshe vuliho, 21co woshe alisinga na Njuvo ya Shukulu Kalunga, co alisinga na Njambi uje wakalamo, 22#Isa 66:1; Mat 5:34 co woshe alisinga na lilu, alisingila kumo na litanda lya Njambi, na uje watumbamao.
23 #
VaLe 27:30
“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukaana kuli Njambi camulikumi nameme vyuma mukatovesa vyakulya, ngwe visapa-sapa amo akunika, na vyuma vyakunika lalo, na vije vyakunika vikwavo, oloni kumwesi kwononoka majwi a Lishiko lya Njambi, ngwe vushunga, na mema ku mbunge, nakukulaela. Evi munapande kuvilinga, kesi mulikele kulinga vikwavo. 24Eni vantwama va tupuputwa! Mukononoka nameme vilongesa vya Lishiko, oloni mukasezeo mutambela wa seo manene wa Lishiko lije kumuzivuka.
25“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukajelesa nganja na lilonga akamwa, oloni mukati munashulu na vyakulya vije munawana mu ngila ya muuka na kulyalesa. 26Eni tupuputwa va vaFaliseo! Akulivanga jeleseni mumbando ya nganja na lilonga, co mukajelesa akamwa!
27 #
Vil 23:3
“Tuyando tweni, valongisi va majwi a Lishiko na vaFaliseo! Eni vaka-civembulu! Yeni munapu ngwe vimbumbo vyakusalimba akamwa lika, oloni mukati munashulu vitsiya vya vatsi na vyakuvola vyeka na vyeka. 28Neni vanu lalo akumikenga, munapu ngwe mu vaka-vushunga, oloni mu vimbunge vyeni munashulu na civembulu na vivi.
Yesu avatuvilamo a cihiso cavo
(Luka 11:47-51)
29“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukatungu vimbumbo vya vaka-kwimanena akamwa nakuvwaesa vimbumbo vya vaka-vushunga, 30mwendeka ngweni, ‘Nga twakeleko a matangwa aje a vakukulwila vetu, nga kutwalingile vije vivalingile vyakutsiya vaka-kwimanena.’ 31Ngecivene, mwatavele vukaleo yeni vavenya ngweni, ‘Tu vatekulwila va vaje vatsiile vaka-kwimanena.’ 32Twaleniho, mumanese vije vashangumukile vakukulwila veni! 33#Mat 3:7; 12:34; Luk 3:7 Eni manyoka na vana va manyoka! Vatijo mutewa kusompa kwakuya ku tuhya twa myaka yoshe? 34Ngecivene, njimileka ngwange, njikamitumina vaka-kwimanena na vaka-mana, na valongisi va majwi a Lishiko, vamo mukavatsiya, co vakwavo mukavashukika a cilindakano, veka lalo mukavapupanga makote mu masinangonge eni, co mukavasheka ku nganda na nganda. 35#Kus 4:8; 2 Miz 24:20-21 Ngwe a fweto yakutsiya vanu voshe vaje vakujeneka mulonga, cihiso cikaija ali yeni, kutunda akutsiya Avele wakujeneka mulonga kweta akutsiya Zakaliya muna Mbelekiya, uje imwatsiilile mukati ka Njuvo ya Shukulu Kalunga na mutula. 36Mwa vushunga njimileka ngwange, cihiso coshe eci cikaija ali vanu va matangwa ano!
Cizemo ca Yesu a Yelusalema
(Luka 13:34-35)
37“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele! 38#Njele 22:5 Kengeni, Njuvo ya Shukulu Kalunga vakaiseza nakuyivala. 39#Mya 118:26 Omwo njikuleka ngwange, kutunda kulelo kuukanjimono lalo, embwe, kuvanga noo ukendeka ngwove, ‘Njambi amuvezikise uje aija mu lizina lya Mwene.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006