VaLevi 8
8
Mwakukundikila Alone na vana vendi kupwa vaka-kukombelela
(Kut 29:1-37)
1Shukulu Kalunga wendekele kuli Mosesa ngwendi, 2“Nena Alone na vana vendi va vanalume ku cikolo ca Mbalaka Mwakuliwanena, co vanene amo na vuzalo vwa vuka-kukombelela, na mazi akuvwava, na muna ngombe wa nkomba wa mulambu wa a vuvi, na majamba vavali va vimanga, na mutonga wa makende akujeneka musima. 3Asinoni sana mbunga yoshe vakungulukile ku cikolo ca Mbalaka Mwakuliwanena.”
4Co Mosesa walingile ngwe muje mwamushikile Shukulu Kalunga, omo mbunga yakungulukilile ku cikolo ca Mbalaka, 5co Mosesa wendekele kuli vakevo ngwendi, “Evi njilinga ololo vikevyo vyananjishiki Shukulu Kalunga.”
6Co Mosesa wasanene Alone na vana vendi, co wavajwelesele. 7Co wazikile Alone sanya na cikoveyo cacilaja, co wamuzitikile mwiva wa kandombe mu mbunda yendi. Wamuzikile lalo kangamuna,#8:7 KANGAMUNA: Mu ciHevelu lijwi eli linanunguluka ngwalyo, efonde. Mu mitambela yaingi ya mu Livulu lya Njambi, lijwi eli lya efonde lilumbunuka ngwalyo, kacizalo kakehi vakatongele na nanga ya ndando yakama yakuvalama. Co akele cifwa ca nkombe mwakele Ulime na Tumime vyuma vivali vyapangesele mukuwana cizango ca Njambi. wakakutile na mwiva wako wauvwa wakwosha mu mbunda yendi. 8Co wamuzikile kananga ka a nulo, waakelemo Ulime na Tumime.#8:8 ULIME NA TUMIME: Vyuma vivali vivapangesele vaka-kukombelela mukuwana cizango ca Njambi. Kutuzivuka mwamuvwa mu ngila ika vavipangesele. 9Co wamuzikile kalupusa ku mutwe wendi, co kulutwe lwako waakeleko mande ya ngolinde ya cimweso cakujela cakulikundika, ngwe muje mwamushikile Shukulu Kalunga.
10Asinoni Mosesa wanonele mazi akuvwava, wavwavesele Mbalaka Mwakuliwanena na vyuma vyoshe vije vyakelemo. Co mu ngila eyi wavijelesele vyoshe kuli Shukulu Kalunga. 11Co wanoneleko mazi amo, waashamwinine a mutula visimbu vitanu na vivali na a vivala vyawo, na a mbashiya, na a lisanda lyayo ngeci vipwe vyakujela kuli Shukulu Kalunga. 12Co ikeye wetilile mazi amo akuvwava a mutwe wa Alone nakumuvwavesa mukumujelesa. 13Asinoni Mosesa washwenyesele vana va Alone kulutwe nakuvazika visanya, co wavazitikile miva ya tundombe mu vimbunda vyavo, co wavazikile tukofwi ku mitwe yavo, ngwe muje mwamushikile Shukulu Kalunga.
14Asinoni Mosesa wanenele muna ngombe wa nkomba wa n̄ombelo ya a vuvi, co Alone na vana vendi vakambekele mavoko avo a mutwe wa uje cimuna. 15Mosesa wamutsiile, co wanoneleko maninga amo, co wambwitikilemo mulavo wendi waakwitile ku vyakushongomoka vya mu vimbango vya mutula, ngeci vaujelese. Asinoni wetilile maninga aje asaleleo kwisi ya mutula. Co mu ngila eyi waukundikile nakuujelesa. 16Asinoni Mosesa watundisile mazi oshe a citata-mila, na mutambela wauvwa wa lishuli, na vinso, na mazi avyo nakuvyenyekela vyoshe a mutula. 17Oloni ngombe wa nkomba, amo na cilambu cendi, na situ yendi, na mila yendi, amo na vufwati, wavyenyekelele anja ya cilombo, ngwe muje mwamushikile Shukulu Kalunga.
18Asinoni, Mosesa wanenele lijamba lya manga wa n̄ombelo ya kwenyeka, co Alone na vana vendi vakambekele mavoko avo a mutwe wa uje cimuna. 19Co Mosesa wamutsiile nakwitila maninga a mitambela iwana ya mutula. 20Asinoni ikeye watetangele uje lijamba vipuka-vipuka, co wenyekele mutwe, na vipuka-vipuka amo na mazi. 21Wakushile vya mwimo na mapondo, asinoni wenyekelele lijamba woshe wamutunu a mutula kupwa mulambu wa kwenyeka wa vyakulya wa kulitombola kuli Shukulu Kalunga, ngwe muje mwamushikile Shukulu Kalunga. Co vweko vwavuvwa vwa mulambu ou vukavwaelelesa Shukulu Kalunga.
22Asinoni Mosesa wanenele lijamba lya manga wamucivali, uje wapwile wakukundikisa vaka-kukombelela, co Alone na vana vendi vakambekele mavoko avo a mutwe wa uje cimuna. 23Co Mosesa wamutsiile wanoneleko maninga amo nakuwakwita ku shongo ya litwi lya cilyo lya Alone, na ku mulavo wa linyetete lya ku livoko lyendi lya cilyo, na ku linyetete lya linasha lya lindi lyendi lya cilyo. 24Asinoni wanenele vana va Alone kulutwe nakuvakwita maninga amo ku shongo ya matwi avo a cilyo, na ku milavo ya manyetete a ku mavoko avo a cilyo, na ku manasha a manyetete a ku mendi avo a cilyo. Asinoni Mosesa wetilile maninga aje asaleleo ku mitambela ije iwana ya mutula. 25Co wanonele mazi, na mukila wa mazi, na mazi oshe a citata-mila, na mutambela wauvwa wa lishuli, na vinso, na mazi avyo, na lindi lya ku cilyo. 26Co mu mutonga uje wa makende akujeneka musima, aje vakundikile kuli Shukulu Kalunga, wanonelemo mukasha umo wa makende, na mukasha umo wakulinga na mazi, na umo wa tumashama-shama, co ikeye wawakele akamwa ya mazi, na lindi lya ku cilyo. 27Waakele vyakulya vyoshe evi ku mavoko a Alone na vana vendi, co vakevo vavikombelelele kupwa vwana vwavuvwa kuli Shukulu Kalunga. 28Asinoni Mosesa watambwile vije vyakulya kuli Alone na vana vendi nakuvyenyekela a mutula akamwa ya n̄ombelo ya kwenyeka, kupwa n̄ombelo yakukundikisa. Eyi yapwile n̄ombelo ya vyakulya. Co vweko vwa n̄ombelo eyi vwavwaelelesele Shukulu Kalunga. 29Asinoni Mosesa wanonele n̄undo, co waikombelelele kupwa vwana vwavuvwa kuli Shukulu Kalunga. Uje wapwile mutambela wa Mosesa wa lijamba lya manga wakukundikisa vaka-kukombelela. Mosesa walingile vyuma vyoshe ngwe muje mwamushikile Shukulu Kalunga.
30Co Mosesa wanoneleko mazi akuvwava, na maninga amo aje akele a mutula nakuwashamwina ali Alone na a vuzalo vwendi, co lalo na ali vana vendi na a vuzalo vwavo. Mu ngila eyi wajelesele Alone na vuzalo vwendi, na vana vendi, na vuzalo vwavo amo kuli Shukulu Kalunga.
31Co Mosesa wendekele kuli Alone na vana vendi ngwendi, “Twaleni eyi situ ku cikolo ca Mbalaka Mwakuliwanena ngeci mukaitelekeleko, co mukailile kuje vene, amo na makende aje ali mu mutonga wa vin̄ombelo vyakukundikisa, ngwe muje mwashikile Shukulu Kalunga. 32Enyekeni situ yoshe, na makende vije vikasala kukulya. 33Co kumukatundu ku cikolo ca Mbalaka a matangwa atanu na avali noo mukamanesa matangwa eni oshe akumikundika kupwa vaka-kukombelela. 34Co Shukulu Kalunga ikeye watushikile kulinga evi vitunalingi lelo mukumyambesa ku vuvi vweni. 35Mwapande kutumbama mu cikolo ca Mbalaka mutanya na vutsiki a matangwa atanu na avali, mukulinga evi Shukulu Kalunga wavishikile. Nga kumukalingimo, co mukatsa. Eci cikeco cashikile Shukulu Kalunga kuli yange.” 36Co Alone na vana vendi valingile vyuma vyoshe vije vyashikile Shukulu Kalunga kuli Mosesa.
Currently Selected:
VaLevi 8: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
VaLevi 8
8
Mwakukundikila Alone na vana vendi kupwa vaka-kukombelela
(Kut 29:1-37)
1Shukulu Kalunga wendekele kuli Mosesa ngwendi, 2“Nena Alone na vana vendi va vanalume ku cikolo ca Mbalaka Mwakuliwanena, co vanene amo na vuzalo vwa vuka-kukombelela, na mazi akuvwava, na muna ngombe wa nkomba wa mulambu wa a vuvi, na majamba vavali va vimanga, na mutonga wa makende akujeneka musima. 3Asinoni sana mbunga yoshe vakungulukile ku cikolo ca Mbalaka Mwakuliwanena.”
4Co Mosesa walingile ngwe muje mwamushikile Shukulu Kalunga, omo mbunga yakungulukilile ku cikolo ca Mbalaka, 5co Mosesa wendekele kuli vakevo ngwendi, “Evi njilinga ololo vikevyo vyananjishiki Shukulu Kalunga.”
6Co Mosesa wasanene Alone na vana vendi, co wavajwelesele. 7Co wazikile Alone sanya na cikoveyo cacilaja, co wamuzitikile mwiva wa kandombe mu mbunda yendi. Wamuzikile lalo kangamuna,#8:7 KANGAMUNA: Mu ciHevelu lijwi eli linanunguluka ngwalyo, efonde. Mu mitambela yaingi ya mu Livulu lya Njambi, lijwi eli lya efonde lilumbunuka ngwalyo, kacizalo kakehi vakatongele na nanga ya ndando yakama yakuvalama. Co akele cifwa ca nkombe mwakele Ulime na Tumime vyuma vivali vyapangesele mukuwana cizango ca Njambi. wakakutile na mwiva wako wauvwa wakwosha mu mbunda yendi. 8Co wamuzikile kananga ka a nulo, waakelemo Ulime na Tumime.#8:8 ULIME NA TUMIME: Vyuma vivali vivapangesele vaka-kukombelela mukuwana cizango ca Njambi. Kutuzivuka mwamuvwa mu ngila ika vavipangesele. 9Co wamuzikile kalupusa ku mutwe wendi, co kulutwe lwako waakeleko mande ya ngolinde ya cimweso cakujela cakulikundika, ngwe muje mwamushikile Shukulu Kalunga.
10Asinoni Mosesa wanonele mazi akuvwava, wavwavesele Mbalaka Mwakuliwanena na vyuma vyoshe vije vyakelemo. Co mu ngila eyi wavijelesele vyoshe kuli Shukulu Kalunga. 11Co wanoneleko mazi amo, waashamwinine a mutula visimbu vitanu na vivali na a vivala vyawo, na a mbashiya, na a lisanda lyayo ngeci vipwe vyakujela kuli Shukulu Kalunga. 12Co ikeye wetilile mazi amo akuvwava a mutwe wa Alone nakumuvwavesa mukumujelesa. 13Asinoni Mosesa washwenyesele vana va Alone kulutwe nakuvazika visanya, co wavazitikile miva ya tundombe mu vimbunda vyavo, co wavazikile tukofwi ku mitwe yavo, ngwe muje mwamushikile Shukulu Kalunga.
14Asinoni Mosesa wanenele muna ngombe wa nkomba wa n̄ombelo ya a vuvi, co Alone na vana vendi vakambekele mavoko avo a mutwe wa uje cimuna. 15Mosesa wamutsiile, co wanoneleko maninga amo, co wambwitikilemo mulavo wendi waakwitile ku vyakushongomoka vya mu vimbango vya mutula, ngeci vaujelese. Asinoni wetilile maninga aje asaleleo kwisi ya mutula. Co mu ngila eyi waukundikile nakuujelesa. 16Asinoni Mosesa watundisile mazi oshe a citata-mila, na mutambela wauvwa wa lishuli, na vinso, na mazi avyo nakuvyenyekela vyoshe a mutula. 17Oloni ngombe wa nkomba, amo na cilambu cendi, na situ yendi, na mila yendi, amo na vufwati, wavyenyekelele anja ya cilombo, ngwe muje mwamushikile Shukulu Kalunga.
18Asinoni, Mosesa wanenele lijamba lya manga wa n̄ombelo ya kwenyeka, co Alone na vana vendi vakambekele mavoko avo a mutwe wa uje cimuna. 19Co Mosesa wamutsiile nakwitila maninga a mitambela iwana ya mutula. 20Asinoni ikeye watetangele uje lijamba vipuka-vipuka, co wenyekele mutwe, na vipuka-vipuka amo na mazi. 21Wakushile vya mwimo na mapondo, asinoni wenyekelele lijamba woshe wamutunu a mutula kupwa mulambu wa kwenyeka wa vyakulya wa kulitombola kuli Shukulu Kalunga, ngwe muje mwamushikile Shukulu Kalunga. Co vweko vwavuvwa vwa mulambu ou vukavwaelelesa Shukulu Kalunga.
22Asinoni Mosesa wanenele lijamba lya manga wamucivali, uje wapwile wakukundikisa vaka-kukombelela, co Alone na vana vendi vakambekele mavoko avo a mutwe wa uje cimuna. 23Co Mosesa wamutsiile wanoneleko maninga amo nakuwakwita ku shongo ya litwi lya cilyo lya Alone, na ku mulavo wa linyetete lya ku livoko lyendi lya cilyo, na ku linyetete lya linasha lya lindi lyendi lya cilyo. 24Asinoni wanenele vana va Alone kulutwe nakuvakwita maninga amo ku shongo ya matwi avo a cilyo, na ku milavo ya manyetete a ku mavoko avo a cilyo, na ku manasha a manyetete a ku mendi avo a cilyo. Asinoni Mosesa wetilile maninga aje asaleleo ku mitambela ije iwana ya mutula. 25Co wanonele mazi, na mukila wa mazi, na mazi oshe a citata-mila, na mutambela wauvwa wa lishuli, na vinso, na mazi avyo, na lindi lya ku cilyo. 26Co mu mutonga uje wa makende akujeneka musima, aje vakundikile kuli Shukulu Kalunga, wanonelemo mukasha umo wa makende, na mukasha umo wakulinga na mazi, na umo wa tumashama-shama, co ikeye wawakele akamwa ya mazi, na lindi lya ku cilyo. 27Waakele vyakulya vyoshe evi ku mavoko a Alone na vana vendi, co vakevo vavikombelelele kupwa vwana vwavuvwa kuli Shukulu Kalunga. 28Asinoni Mosesa watambwile vije vyakulya kuli Alone na vana vendi nakuvyenyekela a mutula akamwa ya n̄ombelo ya kwenyeka, kupwa n̄ombelo yakukundikisa. Eyi yapwile n̄ombelo ya vyakulya. Co vweko vwa n̄ombelo eyi vwavwaelelesele Shukulu Kalunga. 29Asinoni Mosesa wanonele n̄undo, co waikombelelele kupwa vwana vwavuvwa kuli Shukulu Kalunga. Uje wapwile mutambela wa Mosesa wa lijamba lya manga wakukundikisa vaka-kukombelela. Mosesa walingile vyuma vyoshe ngwe muje mwamushikile Shukulu Kalunga.
30Co Mosesa wanoneleko mazi akuvwava, na maninga amo aje akele a mutula nakuwashamwina ali Alone na a vuzalo vwendi, co lalo na ali vana vendi na a vuzalo vwavo. Mu ngila eyi wajelesele Alone na vuzalo vwendi, na vana vendi, na vuzalo vwavo amo kuli Shukulu Kalunga.
31Co Mosesa wendekele kuli Alone na vana vendi ngwendi, “Twaleni eyi situ ku cikolo ca Mbalaka Mwakuliwanena ngeci mukaitelekeleko, co mukailile kuje vene, amo na makende aje ali mu mutonga wa vin̄ombelo vyakukundikisa, ngwe muje mwashikile Shukulu Kalunga. 32Enyekeni situ yoshe, na makende vije vikasala kukulya. 33Co kumukatundu ku cikolo ca Mbalaka a matangwa atanu na avali noo mukamanesa matangwa eni oshe akumikundika kupwa vaka-kukombelela. 34Co Shukulu Kalunga ikeye watushikile kulinga evi vitunalingi lelo mukumyambesa ku vuvi vweni. 35Mwapande kutumbama mu cikolo ca Mbalaka mutanya na vutsiki a matangwa atanu na avali, mukulinga evi Shukulu Kalunga wavishikile. Nga kumukalingimo, co mukatsa. Eci cikeco cashikile Shukulu Kalunga kuli yange.” 36Co Alone na vana vendi valingile vyuma vyoshe vije vyashikile Shukulu Kalunga kuli Mosesa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006