VaLevi 9
9
Alone akombelela vin̄ombelo
1Co a litangwa lyamucitanu na atatu, omo vamanesele matangwa avo akuvakundika, Mosesa wasanene Alone na vana vendi, amo na vantwama va Isalele. 2Co wendekele kuli Alone ngwendi, “Twala muna ngombe wa nkomba, na lijamba lya manga vakujeneka kapenga, ukavakombelele kuli Shukulu Kalunga. Co muna ngombe wa nkomba apwe wa mulambu wa a vuvi, na lijamba lya manga apwe wa mulambu wa kwenyeka. 3Asinoni leka vanu va Isalele vatwale lijamba lya membe apwe wa mulambu wa a vuvi, na muna ngombe wa nkomba wa mwaka umolika, na muna manga wa mwaka umolika vakujeneka kapenga vapwe va mulambu wa kwenyeka, 4na ngombe wa nkomba, na lijamba lya membe, na manga vapwe va mulambu wa kulitombola. Co vakavakombelele kuli Shukulu Kalunga na mulambu wa vimbuto vya vinona vyakutsingasana na mazi. Vanapande kulinga evi omwo lelo Shukulu Kalunga akalisholola kuli vakevo.”
5Co vatwalele vyuma vyoshe vije Mosesa wavishikile kulutwe lwa Mbalaka, mbunga yoshe vakungulukilile kuje nakulemesa Shukulu Kalunga. 6Co Mosesa wendekele ngwendi, “Shukulu Kalunga namishiki mulinge vyuma vyoshe evi, ngeci ceke ca vumpau vwendi case kusholoka kuli yeni.” 7#VaHe 7:27 Asinoni Mosesa wendekele kuli Alone ngwendi, “Ya ku mutula, ukakombelele n̄ombelo ya a vuvi vwove, na n̄ombelo yove ya kwenyeka mukulyambesa yove vavenya, amo na vanu voshe. Linga n̄ombelo eyi mukutundisa vuvi vwa vanu, ngwe muje mwashikile Shukulu Kalunga.”
8Co Alone waile ku mutula nakutsiya muna ngombe wa nkomba wa n̄ombelo ya a vuvi vwendi. 9Asinoni vana vendi vamutwalelele maninga, co wambwitikilemo mulavo wendi, wakwitile amo ku vyakushongomoka vya mu vimbango vya mutula, co wetilile aje asaleleo kwisi ya mutula. 10Asinoni wenyekelele mazi a mutula, na vinso, na mutambela wauvwa wa lishuli, ngwe muje mwashikile Shukulu Kalunga kuli Mosesa. 11Oloni wenyekelele situ, na cilambu anja ya cilombo.
12Alone watsiile cimuna uje wa n̄ombelo yendi ya kwenyeka. Co vana vendi vamutwalelele maninga, co waetilile ku mitambela yoshe iwana ya mutula. 13Co vamutwalelele n̄ombelo ya kwenyeka, cipuka na cipuka, na mutwe vya uje cimuna, co wavyenyekelele a mutula. 14Asinoni wakushile vya mwimo, na mapondo, co wavyenyekelele a mutula, akamwa ya n̄ombelo ya kwenyeka ije yakeleo. 15Co munima yevi, Alone wakombelelele vin̄ombelo vya vanu. Wambatele membe uje wapwile wa n̄ombelo ya a vuvi vwa vanu, co wamutsiile, asinoni wamukombelelele ngwe muje mwalingile a n̄ombelo ya a vuvi vwendi vavenya. 16Co watwalele lalo cimuna wa n̄ombelo ya kwenyeka, wamukombelelele ngwe mwaya mashiko. 17Co wakombelelele n̄ombelo ya vimbuto vya vinona, wajomweneo livoko lyakushula lya vunga, wavwenyekelele a mutula. (Eci capwile kwakelako ku n̄ombelo ya kwenyeka ya a litangwa na litangwa.) 18#VaLe 3:1-11 Co Alone watsiile ngombe wa nkomba, na lijamba lya manga kupwa mulambu wa kulitombola kwa vanu. Co vana vendi vamutwalelele maninga, waetilile ku mitambela yoshe iwana ya mutula. 19Asinoni vamutwalelele mazi a ngombe wa nkomba, na a lijamba lya manga, na mukila wa mazi, na citata-mila, na vinso, na mutambela wauvwa wa lishuli, 20co wavyakele akamwa ya vin̄undo vya vimuna, co wenyekelele mazi a mutula. 21Oloni vin̄undo, na lindi lya ku cilyo wavikombelelele kupwa n̄ombelo yaivwa kuli Shukulu Kalunga kupwa ya vaka-kukombelela, ngwe muje mwashikile Mosesa.
22 #
Kul 6:22-26
Omo Alone wamanesele kukombelela vin̄ombelo vyoshe vije, wajundwile mavoko endi akamwa ya vanu, wavavezikisile, co washelumukile asi. 23Co Mosesa na Alone vakovelele mu Mbalaka Mwakuliwanena, omo vatuukile anja, vavezikisile vanu, co ceke ca vumpau vwa Shukulu Kalunga casholokele ku vanu voshe. 24Co vwasi-vwasi Shukulu Kalunga watumine tuhya, twenyekele uje mulambu wa kwenyeka, na vilyo, na mazi a mutula. Omo vanu vamwene vije vyalingiwile, co voshe vatambekele nakutsikama a mavuli, nakukulamesa vihanga vyavo asi.
Currently Selected:
VaLevi 9: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
VaLevi 9
9
Alone akombelela vin̄ombelo
1Co a litangwa lyamucitanu na atatu, omo vamanesele matangwa avo akuvakundika, Mosesa wasanene Alone na vana vendi, amo na vantwama va Isalele. 2Co wendekele kuli Alone ngwendi, “Twala muna ngombe wa nkomba, na lijamba lya manga vakujeneka kapenga, ukavakombelele kuli Shukulu Kalunga. Co muna ngombe wa nkomba apwe wa mulambu wa a vuvi, na lijamba lya manga apwe wa mulambu wa kwenyeka. 3Asinoni leka vanu va Isalele vatwale lijamba lya membe apwe wa mulambu wa a vuvi, na muna ngombe wa nkomba wa mwaka umolika, na muna manga wa mwaka umolika vakujeneka kapenga vapwe va mulambu wa kwenyeka, 4na ngombe wa nkomba, na lijamba lya membe, na manga vapwe va mulambu wa kulitombola. Co vakavakombelele kuli Shukulu Kalunga na mulambu wa vimbuto vya vinona vyakutsingasana na mazi. Vanapande kulinga evi omwo lelo Shukulu Kalunga akalisholola kuli vakevo.”
5Co vatwalele vyuma vyoshe vije Mosesa wavishikile kulutwe lwa Mbalaka, mbunga yoshe vakungulukilile kuje nakulemesa Shukulu Kalunga. 6Co Mosesa wendekele ngwendi, “Shukulu Kalunga namishiki mulinge vyuma vyoshe evi, ngeci ceke ca vumpau vwendi case kusholoka kuli yeni.” 7#VaHe 7:27 Asinoni Mosesa wendekele kuli Alone ngwendi, “Ya ku mutula, ukakombelele n̄ombelo ya a vuvi vwove, na n̄ombelo yove ya kwenyeka mukulyambesa yove vavenya, amo na vanu voshe. Linga n̄ombelo eyi mukutundisa vuvi vwa vanu, ngwe muje mwashikile Shukulu Kalunga.”
8Co Alone waile ku mutula nakutsiya muna ngombe wa nkomba wa n̄ombelo ya a vuvi vwendi. 9Asinoni vana vendi vamutwalelele maninga, co wambwitikilemo mulavo wendi, wakwitile amo ku vyakushongomoka vya mu vimbango vya mutula, co wetilile aje asaleleo kwisi ya mutula. 10Asinoni wenyekelele mazi a mutula, na vinso, na mutambela wauvwa wa lishuli, ngwe muje mwashikile Shukulu Kalunga kuli Mosesa. 11Oloni wenyekelele situ, na cilambu anja ya cilombo.
12Alone watsiile cimuna uje wa n̄ombelo yendi ya kwenyeka. Co vana vendi vamutwalelele maninga, co waetilile ku mitambela yoshe iwana ya mutula. 13Co vamutwalelele n̄ombelo ya kwenyeka, cipuka na cipuka, na mutwe vya uje cimuna, co wavyenyekelele a mutula. 14Asinoni wakushile vya mwimo, na mapondo, co wavyenyekelele a mutula, akamwa ya n̄ombelo ya kwenyeka ije yakeleo. 15Co munima yevi, Alone wakombelelele vin̄ombelo vya vanu. Wambatele membe uje wapwile wa n̄ombelo ya a vuvi vwa vanu, co wamutsiile, asinoni wamukombelelele ngwe muje mwalingile a n̄ombelo ya a vuvi vwendi vavenya. 16Co watwalele lalo cimuna wa n̄ombelo ya kwenyeka, wamukombelelele ngwe mwaya mashiko. 17Co wakombelelele n̄ombelo ya vimbuto vya vinona, wajomweneo livoko lyakushula lya vunga, wavwenyekelele a mutula. (Eci capwile kwakelako ku n̄ombelo ya kwenyeka ya a litangwa na litangwa.) 18#VaLe 3:1-11 Co Alone watsiile ngombe wa nkomba, na lijamba lya manga kupwa mulambu wa kulitombola kwa vanu. Co vana vendi vamutwalelele maninga, waetilile ku mitambela yoshe iwana ya mutula. 19Asinoni vamutwalelele mazi a ngombe wa nkomba, na a lijamba lya manga, na mukila wa mazi, na citata-mila, na vinso, na mutambela wauvwa wa lishuli, 20co wavyakele akamwa ya vin̄undo vya vimuna, co wenyekelele mazi a mutula. 21Oloni vin̄undo, na lindi lya ku cilyo wavikombelelele kupwa n̄ombelo yaivwa kuli Shukulu Kalunga kupwa ya vaka-kukombelela, ngwe muje mwashikile Mosesa.
22 #
Kul 6:22-26
Omo Alone wamanesele kukombelela vin̄ombelo vyoshe vije, wajundwile mavoko endi akamwa ya vanu, wavavezikisile, co washelumukile asi. 23Co Mosesa na Alone vakovelele mu Mbalaka Mwakuliwanena, omo vatuukile anja, vavezikisile vanu, co ceke ca vumpau vwa Shukulu Kalunga casholokele ku vanu voshe. 24Co vwasi-vwasi Shukulu Kalunga watumine tuhya, twenyekele uje mulambu wa kwenyeka, na vilyo, na mazi a mutula. Omo vanu vamwene vije vyalingiwile, co voshe vatambekele nakutsikama a mavuli, nakukulamesa vihanga vyavo asi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006