VaLevi 7
7
Milambu ya kuliilwisila
1Eli likelyo lishiko lya milambu ya kuliilwisila, inapu yakujela manene. 2Cimuna wa mulambu ou vamutsiile ku kunto ya mutula, kuje vakatsiila vimuna va milambu ya kwenyeka, co maninga endi vakawashamwine ku mitambela yoshe iwana ya mutula. 3Co mazi endi oshe vakawatundise nakuwalambula a mutula, na mukila wa mazi, na mazi a citata-mila, 4na vinso, na mazi avyo, na mutambela uje wauvwa wa lishuli. 5Co muka-kukombelela akenyekele mazi oshe a mutula kupwa mulambu wa vyakulya wakukombelela kuli Shukulu Kalunga. Ou unapu mulambu wa kuliilwisila. 6Co munalume woshe wa naanga ya vaka-kukombelela asa kuulya, oloni vanapande kuulila mu mutambela wakujela, omwo ukewo unapu wakujela manene.
7Kuli lishiko limo lilinakupanga kwoshe kuvali, ku mulambu wa a vuvi, na ku mulambu wa kuliilwisila, situ inapu ya uje muka-kukombelela uje alinakulambula mulambu wa kwambesa. 8Co cilambu ca uje cimuna vanalambula kupwa mulambu wa kwenyeka cikapwa ca muka-kukombelela uje nalambula mulambu. 9Mulambu woshe wa vimbuto vya vinona uje vanoco, nambe uje vanateleka mu ndeo, nambe a cikango unapu wa muka-kukombelela, uje naukombelela kuli Njambi. 10Oloni milambu yoshe ya vimbuto vya vinona vyavivishu, nambe vyakukumbasana na mazi, nambe vya kuma, co vyoshe vinakundama kuli vaka-kukombelela voshe va ka naanga ya Alone, vanapande kulipangelayo kupwisa amo akati kavo.
Milambu ya kulitombola
11Eli likelyo lishiko lya a milambu ya kulitombola yakukombelela kuli Shukulu Kalunga.
12Nga munu akombelela alambula mulambu ou kupwa mulambu wa cikandelela kuli Njambi, ikeye akalambule makende akujeneka musima amolika na cimuna wakukombelela. Eyi inapande kupwa mikasha ya kuhima yakulinga na vunga vwakukumbasana na mazi a olive, nambe tumashama-shama twakukwita na mazi a olive, nambe mashama-shama a kuhima akulinga na vunga vwakukumbasana na mazi a olive. 13Amo na mulambu wendi wa kulitombola wa cikandelela, mulambu wendi akalambule mikasha ya makende akwoca akujeneka musima, 14Co akalambule mutambela umo wa makende akujeneka musima na mutambela umo wa makende akujeneka musima kupwa vwana vwavuvwa kuli Shukulu Kalunga, ou unapu wa muka-kukombelela, uje atwala maninga a cimuna nakuwashamwina ku mutula. 15Co situ ya uje cimuna wa mulambu wa kulitombola akayilya ikeye vavenya a litangwa lije vene lyaikombelela, naimo yai ikasalao noo alikaki mutondo.
16Nga munu atwala mulambu wa kulitombola mukushulisa cisingo nambe kupwa mulambu wa cizango cendi vavenya, co kesi vakaulye a litangwa lije vene vanaukombelela, oloni nga umo unasalao, vasa kuulya alikaki, 17oloni situ yoshe ije ikasalao kweta ku litangwa lyamucitatu vanapande kuyenyeka. 18Nga imo yasalao vakailya lyamucitatu, co Njambi kakatambula mulambu wa uje munu. Co uje mulambu kuvakaulavela kuli ikeye ngwavo unapu wauvwa embwe, oloni ukapwa mulambu wa vunyengwe, co munu woshe awulya, ngongo yendi. 19Nga situ ya mulambu uje ilikumbasana na cuma cimo cakujela, co kuvapandele kuulya, oloni vanapande kuwenyeka.
Co munu woshe uje najele asa kuyilya, 20oloni nga ayilya uje munu kajelele, co ikeye kuvakamulava kupwa lalo umo wa vanu va Njambi embwe. 21Co lalo nga munu akwata ku cuma cakujela, nambe kuli munu, nambe kuli kasitu, nambe ku cuma ca vunyengwe, co alya ku situ ya mulambu wa kulitombola wakundama kuli Shukulu Kalunga, co uje munu kuvakamulava kupwa lalo umo wa vanu va Njambi embwe.
22Shukulu Kalunga wendekele na Mosesa 23aleke vanu va Isalele ngeci kesi valye mazi a vingombe, nambe a vimanga, nambe a vimembe. 24Mazi a cimuna wakulitsila, nambe wakuliwa ku cikashama kuvapandele kuwalya, oloni vawapangese ku vyuma vyeka. 25Munu woshe uje alya mazi a cimuna uje valambula kupwa mulambu wa vyakulya kuli Shukulu Kalunga, kuvakamulava lalo kupwa umo wa vanu va Njambi embwe. 26Mukuyoya kwavo kwoshe, vaIsalele kuvapandele kulya maninga a tuzila, nambe a vimuna mu vyakulya vyavo embwe. 27#Kus 9:4; VaLe 17:10-14; 19:26; Kwi 12:16,23; 15:23 Munu woshe akapokola eli lishiko kuvakamulava lalo kupwa umo wa vanu va Njambi embwe.
28Shukulu Kalunga wendekele kuli Mosesa 29aleke vanu va Isalele ngeci woshe uje alambula mulambu wa kulitombola napande kunena mutambela wawo kupwa vwana vwavuvwa kuli Shukulu Kalunga. 30Akaunene ikeye vavenya na mavoko endi kupwa mulambu wa vyakulya. Co ikeye akanene mazi a uje cimuna amo na n̄undo yendi ngeci n̄undo ikapwe vwana vwavuvwa kuli Shukulu Kalunga. 31Co muka-kukombelela akenyekele aje mazi a mutula, oloni ije n̄undo ikapwe ya vaka-kukombelela. 32Co lindi lya ku cilyo lya uje cimuna vakalyane kupwa mulambu wauvwa 33kuli muka-kukombelela, uje akombelela maninga, na mazi a mulambu wa kulitombola. 34Co n̄undo ya uje cimuna, na lindi lya ku cilyo vinapu vwana vwavuvwa vuje Shukulu Kalunga natambula ku vanu va Isalele nakuvwana kuli vaka-kukombelela. Omu mukemwo vanu va Isalele vanapande kwana kuli vaka-kukombelela ku simbu yoshe ya kulutwe. 35Ou ukewo mutambela wa milambu ya vyakulya yakukombelela kuli Shukulu Kalunga, uje uvanene kuli Alone, na kuli vana vendi litangwa lije vavakundikile kupwa vaka-kukombelela. 36A litangwa lije vene vavavwavesele, Shukulu Kalunga washikile vanu va Isalele kwana kuli vaka-kukombelela mutambela wa mulambu ou. Eli linapu lishiko vanapande kwononoka vanu va Isalele ku visemwa vyavo vyoshe vya kulutwe.
37Awa akewo mashiko a milambu ya kwenyeka, na milambu ya vimbuto vya vinona, na milambu ya a vuvi, na milambu ya kuliilwisila, na milambu yakukundika vaka-kukombelela, na milambu ya kulitombola. 38Co Shukulu Kalunga waanene Mosesa mashiko oshe awa a Munkinda wa Sinai, muje mu mambo a litangwa walekele vanu va Isalele kulambula milambu yavo.
Currently Selected:
VaLevi 7: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
VaLevi 7
7
Milambu ya kuliilwisila
1Eli likelyo lishiko lya milambu ya kuliilwisila, inapu yakujela manene. 2Cimuna wa mulambu ou vamutsiile ku kunto ya mutula, kuje vakatsiila vimuna va milambu ya kwenyeka, co maninga endi vakawashamwine ku mitambela yoshe iwana ya mutula. 3Co mazi endi oshe vakawatundise nakuwalambula a mutula, na mukila wa mazi, na mazi a citata-mila, 4na vinso, na mazi avyo, na mutambela uje wauvwa wa lishuli. 5Co muka-kukombelela akenyekele mazi oshe a mutula kupwa mulambu wa vyakulya wakukombelela kuli Shukulu Kalunga. Ou unapu mulambu wa kuliilwisila. 6Co munalume woshe wa naanga ya vaka-kukombelela asa kuulya, oloni vanapande kuulila mu mutambela wakujela, omwo ukewo unapu wakujela manene.
7Kuli lishiko limo lilinakupanga kwoshe kuvali, ku mulambu wa a vuvi, na ku mulambu wa kuliilwisila, situ inapu ya uje muka-kukombelela uje alinakulambula mulambu wa kwambesa. 8Co cilambu ca uje cimuna vanalambula kupwa mulambu wa kwenyeka cikapwa ca muka-kukombelela uje nalambula mulambu. 9Mulambu woshe wa vimbuto vya vinona uje vanoco, nambe uje vanateleka mu ndeo, nambe a cikango unapu wa muka-kukombelela, uje naukombelela kuli Njambi. 10Oloni milambu yoshe ya vimbuto vya vinona vyavivishu, nambe vyakukumbasana na mazi, nambe vya kuma, co vyoshe vinakundama kuli vaka-kukombelela voshe va ka naanga ya Alone, vanapande kulipangelayo kupwisa amo akati kavo.
Milambu ya kulitombola
11Eli likelyo lishiko lya a milambu ya kulitombola yakukombelela kuli Shukulu Kalunga.
12Nga munu akombelela alambula mulambu ou kupwa mulambu wa cikandelela kuli Njambi, ikeye akalambule makende akujeneka musima amolika na cimuna wakukombelela. Eyi inapande kupwa mikasha ya kuhima yakulinga na vunga vwakukumbasana na mazi a olive, nambe tumashama-shama twakukwita na mazi a olive, nambe mashama-shama a kuhima akulinga na vunga vwakukumbasana na mazi a olive. 13Amo na mulambu wendi wa kulitombola wa cikandelela, mulambu wendi akalambule mikasha ya makende akwoca akujeneka musima, 14Co akalambule mutambela umo wa makende akujeneka musima na mutambela umo wa makende akujeneka musima kupwa vwana vwavuvwa kuli Shukulu Kalunga, ou unapu wa muka-kukombelela, uje atwala maninga a cimuna nakuwashamwina ku mutula. 15Co situ ya uje cimuna wa mulambu wa kulitombola akayilya ikeye vavenya a litangwa lije vene lyaikombelela, naimo yai ikasalao noo alikaki mutondo.
16Nga munu atwala mulambu wa kulitombola mukushulisa cisingo nambe kupwa mulambu wa cizango cendi vavenya, co kesi vakaulye a litangwa lije vene vanaukombelela, oloni nga umo unasalao, vasa kuulya alikaki, 17oloni situ yoshe ije ikasalao kweta ku litangwa lyamucitatu vanapande kuyenyeka. 18Nga imo yasalao vakailya lyamucitatu, co Njambi kakatambula mulambu wa uje munu. Co uje mulambu kuvakaulavela kuli ikeye ngwavo unapu wauvwa embwe, oloni ukapwa mulambu wa vunyengwe, co munu woshe awulya, ngongo yendi. 19Nga situ ya mulambu uje ilikumbasana na cuma cimo cakujela, co kuvapandele kuulya, oloni vanapande kuwenyeka.
Co munu woshe uje najele asa kuyilya, 20oloni nga ayilya uje munu kajelele, co ikeye kuvakamulava kupwa lalo umo wa vanu va Njambi embwe. 21Co lalo nga munu akwata ku cuma cakujela, nambe kuli munu, nambe kuli kasitu, nambe ku cuma ca vunyengwe, co alya ku situ ya mulambu wa kulitombola wakundama kuli Shukulu Kalunga, co uje munu kuvakamulava kupwa lalo umo wa vanu va Njambi embwe.
22Shukulu Kalunga wendekele na Mosesa 23aleke vanu va Isalele ngeci kesi valye mazi a vingombe, nambe a vimanga, nambe a vimembe. 24Mazi a cimuna wakulitsila, nambe wakuliwa ku cikashama kuvapandele kuwalya, oloni vawapangese ku vyuma vyeka. 25Munu woshe uje alya mazi a cimuna uje valambula kupwa mulambu wa vyakulya kuli Shukulu Kalunga, kuvakamulava lalo kupwa umo wa vanu va Njambi embwe. 26Mukuyoya kwavo kwoshe, vaIsalele kuvapandele kulya maninga a tuzila, nambe a vimuna mu vyakulya vyavo embwe. 27#Kus 9:4; VaLe 17:10-14; 19:26; Kwi 12:16,23; 15:23 Munu woshe akapokola eli lishiko kuvakamulava lalo kupwa umo wa vanu va Njambi embwe.
28Shukulu Kalunga wendekele kuli Mosesa 29aleke vanu va Isalele ngeci woshe uje alambula mulambu wa kulitombola napande kunena mutambela wawo kupwa vwana vwavuvwa kuli Shukulu Kalunga. 30Akaunene ikeye vavenya na mavoko endi kupwa mulambu wa vyakulya. Co ikeye akanene mazi a uje cimuna amo na n̄undo yendi ngeci n̄undo ikapwe vwana vwavuvwa kuli Shukulu Kalunga. 31Co muka-kukombelela akenyekele aje mazi a mutula, oloni ije n̄undo ikapwe ya vaka-kukombelela. 32Co lindi lya ku cilyo lya uje cimuna vakalyane kupwa mulambu wauvwa 33kuli muka-kukombelela, uje akombelela maninga, na mazi a mulambu wa kulitombola. 34Co n̄undo ya uje cimuna, na lindi lya ku cilyo vinapu vwana vwavuvwa vuje Shukulu Kalunga natambula ku vanu va Isalele nakuvwana kuli vaka-kukombelela. Omu mukemwo vanu va Isalele vanapande kwana kuli vaka-kukombelela ku simbu yoshe ya kulutwe. 35Ou ukewo mutambela wa milambu ya vyakulya yakukombelela kuli Shukulu Kalunga, uje uvanene kuli Alone, na kuli vana vendi litangwa lije vavakundikile kupwa vaka-kukombelela. 36A litangwa lije vene vavavwavesele, Shukulu Kalunga washikile vanu va Isalele kwana kuli vaka-kukombelela mutambela wa mulambu ou. Eli linapu lishiko vanapande kwononoka vanu va Isalele ku visemwa vyavo vyoshe vya kulutwe.
37Awa akewo mashiko a milambu ya kwenyeka, na milambu ya vimbuto vya vinona, na milambu ya a vuvi, na milambu ya kuliilwisila, na milambu yakukundika vaka-kukombelela, na milambu ya kulitombola. 38Co Shukulu Kalunga waanene Mosesa mashiko oshe awa a Munkinda wa Sinai, muje mu mambo a litangwa walekele vanu va Isalele kulambula milambu yavo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006