Yona 1
1
Yona avyana kwononoka Shukulu Kalunga
1 #
2 Vim 14:25
Lijwi lya Shukulu Kalunga lyezile kuli Yona muna Amitai ngwalyo, 2“Ya ku Nenevayi, nganda ije yakama, ukavambulwile, omwo njinamono vuvi vwa vanu vamwo.” 3Oloni Yona watewelele ku Tashishi#1:3 TASHISHI: Vayongola ngwavo nganda ya Tashishi yakele mu lifuti lya Sipeini. kutunda kuli Shukulu Kalunga. Co waile ku Yopa, kuje wakawaneneko vwato vwakama vuje vwakele nakuya ku Tashishi. Co wafwetele mwombo wa vungenzi vwendi, wakovelele mu vwato amo na vaka-kujavula ngeci aye ku Tashishi, akakale kulyala na Shukulu Kalunga.
4Oloni Shukulu Kalunga watumine lihunzi lyakama manene a mema a kalunga, co mankimba angwanjangele manene ngecivene, vuje vwato vwashakele kutavuka. 5Co vaka-kujavula voshe vazivile lyova manene, ngeci munu na munu watambekele kuli njambi yendi. Co vombangelele vivala mu ndonga ngeci vwato vwehuke. Oloni a simbu ije, Yona nakovela laja mukati-kati ka vwato nalala mbolila.
6Mukulunu wa vaka-kujavula vwato wamuwanenemo, co wamwihwile ngwendi, “Omwo vikajo unalalela tulo twangacije? Induka ulombele kuli njambi yove ngeci atukwase. Acimo atuzivilako mema ku mbunge, ngeci kesi tunyonge.”
7Asinoni vaje vaka-kujavula valyendekesele umo na mukwavo ngwavo, “Ijeni tutae ngeci tuwane iyajo umo nanena vukalu ovu akati ketu.” Vataele, co ngombo yashumine Yona. 8Ngecivene, vamwihwile ngwavo, “Iyajo nanena vukalu vwoshe ovu ali yetu? Vipangi vyove vika? Utunda kuli? Kwimbo lyeni kuli? U muyati muka?”
9Yona wavakumbulwile ngwendi, “Yange nji kaHevelu. Njikalemesa Shukulu Kalunga, Njambi wa mwilu, uje watangele mema a kalunga na kaye.”
10Yona wavalekele muje mwatewele kuli Shukulu Kalunga.
Vaka-kujavula vazivile manene lyova, co vamwihwile ngwavo, “Vikajo unalingilamo?” (Vazivukile ngeci natewa kuli Njambi, omwo navalekele laja.)
11Co vamwihwile ngwavo, “Cuma mukajo citulinga kuli yove ngeci lihunzi eli lilendemane?” Omwo mankimba acitwaleleo kungwanjanga.
12Yona wavakumbulwile ngwendi, “Njikakuleni munjumbile mu mema a kalunga ngeci kulendemane. Njazivuka ngeci omwo mulonga wange mukemwo lihunzi lyakama linaija ali yeni.”
13Nameme ngoco vaka-kujavula vesekele manene kwilwisa vwato ku nunda oloni kuvasele, omwo mankimba atwaleleo kungwanjanga manene. 14Ngecivene, vatambekele kuli Shukulu Kalunga ngwavo, “Yove Shukulu Kalunga, tulomba kuli yove ngeci kesi utunyanyamese a mwonyo wa munu ou. Co kesi utuhise akutsiya munu wakujeneka mulomga omwo yove Shukulu Kalunga unalingi ngwe muunashaka.” 15Asinoni vakakwile Yona nakumumbila mu mema a kalunga. Co mema a kalunga alikelele kungwanjanga. 16Asinoni vaje vaka-kujavula vazivilile Shukulu Kalunga lyova, co vakombelelele n̄ombelo kuli Shukulu Kalunga nakulikumiiya nendi.
17 #
Mat 12:40
Oloni Shukulu Kalunga watumine liisi lyakama manene kuleula Yona, co Yona wakele mwimo lya isi matangwa atatu mutanya na vutsiki.
Currently Selected:
Yona 1: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
