Yona Cizivukiso
Cizivukiso
Livulu lyaYona linalyangunuka na mavulu akwavo a vuka-kwimanena, omwo likelyo litumbula lika majwi amo a vije vyambulwile Yona. Oloni livulu eli lyendeka muje Yona kononokele Shukulu Kalunga, co wavyanene kunangula Nenevayi ngeci vakainyongesa.
Yona washakele ngeci nganda ije vainyongese, omwo yapwile nganda ya Asilya, citozi ca Isalele. Oloni Shukulu Kalunga wanangwile Yona, asinoni Yona waile ku Nenevayi nakwambulula majwi a Shukulu Kalunga.
Omo vanu vavangi vayongola a livulu lya Yona, vakayongola lika omo lije liisi lyakama lyalewile Yona, oloni majwi ali mu livulu eli anapu ngeci Shukulu Kalunga akazivila mema ku mbunge munu woshe-iwoshe, ngwe Yona alinakwendeka kuli Shukulu Kalunga ngwendi, “Yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa (4:2).”
Kulumbununa vyuma vili mu livulu
Yona atewa kuli Shukulu Kalunga 1:1-17
Yona alombela kuli Shukulu Kalunga 2:1-10
Yona aya ku Nenevayi, co vanu vamwo vakulaela majwi a Njambi 3:1-10
Yona aluvala omwo Shukulu Kalunga amwesa mema ku mbunge 4:1-11
Currently Selected:
Yona Cizivukiso: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006