Yombi 41
41
1 #
Mya 74:14; 104:26; Isa 27:1 “Kuma wasa kulovela Levyatane#41:1 LEVYATANE: Kenga 3:8. na kalovo,
nambe kukuta ndaka yendi na mukole ndi?
2Kuma wasa kwaka mukole mu lijulu lyendi,
nambe kwaka kalovo mu vimbange vyendi ndi?
3Kuma ikeye asa kulomba lisesa
kuli yove ngeci aye ndi?
Kuma asa kukulambelela ngeci umutetele ndi?
4Kuma asa kulinga cikumiiyo nove,
nakukulaesa kukupangela myaka yoshe ndi?
5Kuma wasa kumukuta ngwe kazila wakufuka,
kupwa cuma cimo cakuvwaelelesa
vangamba vove va vambanda ndi?
6Kuma vimbunga vya vaka-kulovela
vakavikundika kuli ikeye ndi?
Nambe vaka-mavenda vamutetanga
nakumulandesa ndi?
7Wasa kutiva cilambu cendi na mingungu
nambe kutiva mutwe wendi na myumba ndi?
8Mukambeke livoko lyove umushangumune,
co nzita imukalwa, ukaisinganyeka simbu yoshe!
9“Munu woshe uje amona levyatane,
alijujukila nakuwila asi.
10Omo Levyatane aluvala, co atewesa manene,
naumo wai asa kusimpa kwimana ku mesho endi.
11Iyajo asa kulwa nendi, co apwe wakuyoya lalo?
Naumo wai asa kucilinga mu kaye mwoshe.
12“Imana njikuleke mendi a Levyatane,
nakukunungulwila vukama vwendi
nomu muyafwa nzili yendi.
13Naumo wai asa kujuva cilambu cendi ca akamwa,
nambe kutiva ntelo yakazala.
14Iyajo asa kushemununa vimbange vyendi,
vije vyalishemeka na mayo akutewesa?
15Mwongo wendi vaulinga na mavanda a vintelo,
alikutila amolika, co akola ngwe limanya.
16Co limo na limo linalyata kulikwavo
ngeci lihunzi kulyasa kwita mukati kawo.
17Analikwata kumolika,
analikwata limo na likwavo,
co kuwavwaa kuwaangununa.
18Omo ashamita, ceke cikahyahyata,
co na mesho endi analifu ngwe misha ya litangwa.
19Mu kanwa kendi mukatuuka milangi yakwezoka,
na vishashe vya tuhya vikatinozoka.
20Mu majulu endi mukatuuka vwisi,
ngwe ndeo ilinakumbwata a liko.
21Muku wendi ukashwameka tuhya ku manungu,
co milangi ikatuuka mu kanwa kendi.
22Mukoshi wendi wakala na nzili manene,
ngeci voshe valiwana nendi valijujukila manene.
23Co mavanda a mishuni yendi anakakateya amolika,
anakolo kuwavwaa kuwalamununa.
24Mbunge yendi yakukola ngwe limanya,
kuyesi na lyova, yakolo ngwe limanya
lyakulolela vunga.
25Omo aluvala, vaka-nzili valijajela,
omwo ya cililimo cendi, co vaziva lyova.
26Kukwesi mukwale wasa kumutwa mbandu,
kukwesi likunga nambe mukili,
nambe likunga lyalindondo
lyasa kumutwa mbandu.
27Vutale kuli ikeye vwapwa ngwe vishati,
na vunengu vwapwa vwavuvotsi
ngwe vitale vya mavwevwe.
28Mukili kuwasa kumutewesa,
co mamanya a kumwasha
anapu ngwe cimbuti ca cishati.
29Kuli ikeye cisano capwa
ngwe kacimbundi ka cishati,
ajola omo vanu vamwasha makunga.
30Mavanda a lifu lyendi
analifu ngwe vitambi vya ndeo ya vuma,
ashandola lindova muje mwenda.
31Ambwatesa mema a mu nzinga
ngwe mema a mu ndeo,
ambwatesa mema a mu kalunga
ngwe ndeo ya mazi akuvwava.
32Muje muneti muvuva wendi muvyazima
nakutengulula mema a kalunga
kupwa lifulu.
33Kukwesi cuma cimo ano asi
cakumwesekesa naco ikeye wapwa citanga
cije ca lyova.
34Ayeluwisa tusitu va kulyalesa,
ikeye wapwa mwene wa tusitu voshe
va mu shwata.”
The Bible in Mbunda ©The Bible Society of Zambia, 2006