Isaya 35
35
Kuvwaelela kwa vanu va Njambi
1Mambo na lifuti lyakuma vikajolela,
na vishani vikashamwina mu mambo.
2Mambo ikaimba nakutambeka nakujolela,
ikakala na vumpau ngwe Munkinda wa Lembanone,
na vukama ngwe Munkinda wa Kalemele
na Cimbongo ca Shalone.
Munu woshe akamona vumpau vwa Shukulu Kalunga,
akamona vukama vwendi na nzili yendi.
3 #
VaHe 12:12
Koleseni mavoko aje anazeye,
co takameseni mavuli
aje akuvotsiya.
4Endekeni kuli vaje vanalijujukila ngweni,
“Koleseni kesi muzive lyova!
Njambi yeni alinakwija.
Aija nakulinga shambandinga vitozi veni.”
5 #
Mat 11:5; Luk 7:22 Asinoni tupuputwa vakamona,
na tusinda-matwi vakaziva.
6Vilema vakajombozoka nakukina,
na vaje voshe kuvasele kwendeka,
vakatambeka nakujolela.
Vana va vindonga vakaita mukati ka mambo,
7lishen̄avu lyakwenya likemuka lishali,
co lifuti lyakuma likashula
na masima a tuvwelu-vwelu.
Muje mwakele vimbanje,
mukamena mateve na mahongo.
8Tapalo yaivwa ikaita muje,
vakaitumbula ngwavo,
“Tapalo Yakujela.”
Kukwesi muka-vuvi akendamo,
kukwesi cilema akasevwisa vaje vaikava.
9Vindumba kuvakakalamo embwe,
nambe tusitu vakutewesa kuvaketimo.
Kuvanga lika vaje vanapatula Shukulu Kalunga
vakevo lika vakenda mu ngila ije.
10Vaketa mu Yelusalema nakujolela,
vakaimba nakutambeka nakujolela.
Vakavwaelela myaka yoshe,
vusiwa nakuviilila kuvikakalako myaka yoshe.
The Bible in Mbunda ©The Bible Society of Zambia, 2006