Isaya 2
2
Kwoloka kwa myaka yoshe
(Mik 4:1-3)
1Awa akewo majwi#2:1 AWA AKEWO MAJWI: Kenga 1:1. aanene Njambi kuli Isaya muna Amoze a Yunda na Yelusalema.
2Ku matangwa a kulutwe a munkinda
aje ali Njuvo ya Shukulu Kalunga,
ukapwa waulaja manene
kutuvakana minkinda yoshe,
ukapwa kaposhi ka malundu oshe.
Co miyati yoshe ya vanu
vakakungulukilako.
3Vanu vavangi vakendeka ngwavo,
“Tulamateni a lilundu lya Shukulu Kalunga,
ku Njuvo ya Shukulu Kalunga Njambi ya Yakomba,
akatulongese vije ashaka
ngeci tuvilinge,
ngeci twende mu vingila vyendi.
Omwo vilongesa vya Shukulu Kalunga
vitundilila ku Yelusalema,
Shukulu Kalunga akendeka
ku vanu vendi kutundilila ku Siyone.”
4 #
Njwe 3:10
Ikeye akasompa vin̄anda
akati ka miyati yakama.
Vakafula mikwale yavo kuyipwisa matemo,
co makunga avo vakaapwisa vimoko
vyakunongesa minango ya miti.
Miyati ya vanu kuvakalilwisa umo na mukwavo lalo
na vimoko vya mikwale,
co kuvakalivwaesela lalo kulwa nzita embwe.
5Eni vatekulwila va Yakomba, tuyoyeni mu ceke ca Shukulu Kalunga.
Kulyalesa vakacinyongesa
6Yove Njambi unavyana vanu vove, vatekulwila va Yakomba! Lifuti lyavo linashulu na vilinga vya manseno vya ku ngangela na ku Filisitiya. Vanu valinakukava futisi ya vangenzi. 7Lifuti lyavo linashulu na siliva na ngolinde, co vufuko vwavo kuvwesi kuhwa. Lifuti linashulu lalo na tuvalu, na matemba a nzita aje kuwesi kuhwa. 8Mu lifuti mwoshe munashulu na tumponya, co valinakulemesa vyuma vije vivanapanga na mavoko avo.
9Ngecivene, vanu voshe vakakala na shwamwa na vunyengwe. Kesi uvasambese, Shukulu Kalunga.
10 #
Kuj 6:15; 2 Tes 1:9 Vakavanda mu manzenzengoma mu malundu a mamanya, nambe kwinda viteke mu livu nakuvanda ku vukalu vwa Shukulu Kalunga nakuvanda ku nzili ya vumpau vwendi! 11A litangwa lije vaka-kulyalesa vakaziva shwamwa, co vaka-vukama vakavakeesa. Asinoni vakashangazala lika Shukulu Kalunga. 12A litangwa lije, Shukulu Kalunga Muka-nzili yoshe akakeesa munu woshe, munu woshe uje muka-kulyalesa nakulijundula. 13Akanyongesa miti yailaja ya kendale ya ku Lembanone, na miti yoshe ya oke ya mu lifuti lya Mbashane. 14Ikeye akalambesa minkinda na malundu amalaja, 15na tuposhi twoshe twatulaja, na vivumbe vyoshe vya vimpaka. 16Akazuvika nameme mato akama manene na mato aje amavwa a mu mema a kalunga. 17Kulyaka ku vukama na kulyalesa kwa vanu kukahwa, 18co vinjambi va tumponya vakahwa, co a litangwa lije, vakashangazala lika Shukulu Kalunga.
19Omo Shukulu Kalunga akaija nakuningangesa kaye, vanu vakavanda mu manzenzengoma mu malundu a mamanya, nambe kwinda viteke kutewa vukalu vwa Shukulu Kalunga nakuvanda ku nzili ya vumpau vwendi. 20Omo litangwa lije lyeta, vanu voshe vakombila kuti tumponya twa ngolinde na tumponya twa siliva tuje tuvanalingi, co vakavisezela vin̄olo na vindima-ndima. 21Omo Shukulu Kalunga akaija nakuningangesa kaye, vanu vakavanda mu viteke na mu manzenzengoma mu malundu a mamanya, kutewa vukalu vwa Shukulu Kalunga nakuvanda ku nzili ya vumpau vwendi.
22Kesi mukulaele vanu, omwo simbu ilinakwija omo vakatsa, co vasa kumikwasa vatijo?
Currently Selected:
Isaya 2: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006